Langsótt alhæfing.

Það er langsótt alhæfing þegar fullyrt er að ríkisstjórnin "skýli sér á bak við þríeykið" í sóttvarnarmálum. 

Nú síðast í dag liggur fyrir að heilbrigðisráðherra hafi breytt tillögum sóttvarnarlæknis varðandi líkamsræktarstöðvar. 

Þegar litið er yfir sviðið í löndum heims sést, að í meginatriðum eru sóttvarnaraðgerðir svipaðar í öllum löndum. 

Reynt er eftir föngum að afla gagna um útbreiðsluna og stöðuna og bregðast við stöðunni, með auknum sóttvarnaraðgerðum þegar veiran virðist í sókn og með slökun á aðgerðum eftir að svo virðist sem hægt hafi verið að hægja verulega á henni. 

Í þessum atriðum eiga yfirvöld og kjörnir fulltrúar engra skárri kosta völ en að nýta sér sérþekkingu sérfræðinga á sviði farsótta og smitsjúkdóma. Annað væri oábyrgt í meira lagi, 

 

Segir ríkisstjórnina skýla sér bak við þríeykið

Athugasemdir

[Ragna Birgisdóttir, 19.10.2020 kl. 18:26]

Ég tek nú meira mark á því sem þríeykið mælir heldur en það sem kemur út úr munnum Klausturdóna.

[Þorsteinn Siglaugsson, 19.10.2020 kl. 18:38]

Það er ágætt að ríkisstjórnin skuli nú hætt að fylgja í blindni öllum tilskipunum sóttvarnalæknis, en reyni einnig að hafa hliðsjón af landslögum.

[Ragna Birgisdóttir, 19.10.2020 kl. 20:19]

Við skulum sjá til eftir nokkra daga eða vikur Þorsteinn og fylgjast með smittölum....frábært þegar að sjálfskipaðir sérfræðingar telja sig vita betur en sóttvarnalæknir og landlæknir.

[Þorsteinn Siglaugsson, 19.10.2020 kl. 20:29]

Hvað sem smittölum líður, þá er það skylda stjórnvalda að haga aðgerðum sínum þannig að þær séu innan ramma laganna. Eða á sóttvarnalæknir kannski að hafa hér einræðisvald, sem gengur framar lögum og stjórnarskrá?

[Ragna Birgisdóttir, 19.10.2020 kl. 20:38]

Hans vinna er að vernda mannslíf sem greinilega er ekki það sem svokölluðum sjálfskipuðu sérfræðingum finnst skipta aðal máli.Það er brotið hér á mannréttindum á hverjum degi af yfirvöldum.

[Þorsteinn Siglaugsson, 19.10.2020 kl. 22:21]

Já, það er svo sannarlega stutt í fasismann þegar fókusinn tapast. Ekki í fyrsta sinn í mannkynssögunni.

[Jón Steinar Ragnarsson, 20.10.2020 kl. 00:10]

Ragna. Góður rökstuðningur með mannréttindabrotum að mannréttindi séu brotin á hverjum degi. Takk fyri djúphyglina.