Svartsengi er ekki "á Reykjanesi".

"Jarðskjálfti á Reykjanesi" er ansi loðin lýsing á því hvar 4,1 stigs jarðskjálfti varð í nótt. 

Skjálftinn varð nefnilega ekki á Reykjanesi, sem er ferhyrnt nes yst á Reykjanesskaganum , heldur við Svartsengi þar sem Bláa lónið er. 

Þetta er hægt að sjá með því að lesa það í texta fréttarinnar, að skjálftinn hafi orðið um sex kílómetra fyrir norðan Grindavík. 

 

Jarðskjálfti 4,1 að stærð á Reykjanesi

Athugasemdir

[Vagn (IP-tala skráð) 10.1.2021 kl. 17:47]

Reykjanesbær heitir Reykjanesbær vegna þess að hann er á Reykjanesi. Og Reykjanes Unesco Global Geopark heitir ekki Reykjanes Peninsula Unesco Global Geopark af sömu ástæðu, Reykjanes Unesco Global Geopark er á Reykjanesi. Sjá má Keili, sem er á því sem sumir kalla Reykjanesskaga en heitir Reykjanes, á merki Reykjanes Unesco Global Geopark.

Þó varnarliðið hafi gefið Reykjanesinu nafnið Reykjanes Peninsula um miðja síðustu öld til aðgreiningar frá stað sem einnig heitir Reykjanes þá er Íslenskunin á þeirri nafngift ekkert sem þarf að taka upp.

[Thorvaldur Sigurdsson (IP-tala skráð) 11.1.2021 kl. 20:08]

Sá sem heldur að svokallað varnarlið hafi gefið Reykjanesskaganum nafn sitt ætti að líta í bók og reyna að hafa það heldur sem sannara reynist.

"Hvergi á íslandi hafa önnur eins umbrot orðið af jarðeldum á jafnlitlu svæði eins og á Reykjanesskaganum, og hvergi er..." segir í blaði gefnu út 1883. Þarf svosem ekki að fjölyrða um það meir.

[Thorvaldur Sigurdsson (IP-tala skráð) 11.1.2021 kl. 20:10]

Og það er fjarstæða að halda því fram að Reykjanesbær sé á Reykjanesi.

[Thorvaldur Sigurdsson (IP-tala skráð) 11.1.2021 kl. 20:11]

Ekki síður en halda því fram að Ísafjarðarkaupstaður sé við Ísafjörð.