"Bara ein leið: upp, upp, upp !!"?

Þau eru ekki spöruð, stóru orðin þessa dagana. "Bara ein leið: upp...". En fornt máltæki segir: "Kóngur vill sigla en byr verður að ráða."

Sóttvarnarlæknir bendir á að haldi áfram sem horfir, verði Ísland senn komið með eldrauðan lit. 

Andspænis slíku er alveg sama, hve oft er hrópað að það sé aðeins ein leið: upp.  

Og heldur ekki að ekkert megi aðhafast, það jafngildi harkaleigri árás á ferðaþjónustuna.  

Í upphafi skyldi endinn skoða og framundan eru viðkvæmir og varasamir tímar, ekki tímar einhverrar veldishlaðinnar trúar á hinn endalausa vöxt upp. 

Hann gæti nefnilega breyst í hrap niður, ef hinn slæmi rauði litur birtist með sínum afleiðingum, hvað sem líður endurtekningum á hinni frægu setningu Jóns sterka: "Sáuið þið hvernig ég tók hann."

Hraður viðsnúningur í ferðaþjónustu

Athugasemdir

[Þorsteinn Siglaugsson, 19.7.2021 kl. 21:33]

Já, það er svo sannarlega afar hættulegt ef fólk tekur að smitast í hrönnum af pest sem það hefur þegar verið bólusett við og nánast engar líkur eru á að það veikist af. Við erum nú komin að hápunkti sálsýkinnar. Markmiðið nú eru ímyndaðar lausnir á ímynduðu vandamáli.

[Halldór Jónsson, 20.7.2021 kl. 12:56]

allt of hratt farið og stefnir í tóma vitleysu eins og hjá Bretum. Að dæla bara inn farþegaþotum í stað þess að gefa bara slots fyrir þann fjölda sem við ráðum við að skima.Ekki hlusta á ferðaþjónustuvitleysingana sem vilja hafa allt stjórnlaust.