Gamalt stef: Það liðið sem þráði sigurinn heitar, vann.

Á síðustu minútum leiks Dana og Frakka í kvöld réði gamalkunnugt fyrirbrigði úrslitum, sem oft hefur sést í úrslitaleikjum þar sem aðalbaráttan er háð í blálokin og bæði liðin búin að keyra sig út: Það liðið, sem þráði sigurinn heitar, vann.  Nefna má mörg dæmi um þetta úr íslenskri íþróttasögu og enn einu sinni gerðist þetta í kvöld.  

Þótt við værum ekki að horfa á okkar menn inni á vellinum, var leikurinn jafn mikið spennandi fyrir okkur og Frakka, því að á töflunni var Ísland inni-úti-inni-úti á víxl. 

Ekki er neitt við danska liðið að sakast. Það lék hraðan leik bæði í sókn og vörn eins lengi og það var hægt og keyrði sig út með þeim afleiðingum að það voru tæknifeilar og tapaðir boltar sem felldi það. 

Eftir stendur að það eru síðustu mínútur leiks okkar við Svartfjallaland sem réðu úrslitum, og við áttum okkar stóra séns. 

Fimmta eða sjötta sæti á EM er fín niðurstaða og þar að auki afar góður árangur þegar á það er litið að ekkert lið á EM lenti í öðrum eins missi manna vegna heimsfaraldursins og við. 

 

Grátleg niðurstaða fyrir Ísland

Athugasemdir

[Nonni (IP-tala skráð) 27.1.2022 kl. 10:30]

Danir sáu fram á að það væri betra að mæta Spánverjum í undanúrslitum og Frökkum aftur (Svíum) í úrslitum en Íslandi með fullskipað lið í úrslitum. Þess vegna töpuðu þeir leiknum á þennan hátt. Þetta er ekki flóknara en það.

,,síðustu mínútur leiks okkar við Svartfjallaland sem réðu úrslitum"
Þú meinar auðvitað Króatíu.