Ansi margir "innviðir" nefndir á aðeins þremur árum. Hve lengi "besti staðurinn"?

Árið 2023 er þriðja árið, sem gýs við Fagradalsfjall. Sem sagt; þrjú gos á þremur árum. 

Vísindamenn hafa bent á, að þrátt fyrir þetta hafi hingað til aðeins gosið á "heppilegasta staðnum" varðandi ógn við svonefnda "innviði" á Reykjanesskaga. 

En ef litið er á þróunina á þeim árum, sem liðin eru frá fyrsta eldgosinu, blasir við, að fyrr eða síðar kann þetta breytast hraðar en menn óraði fyrir, ef það er verður aðeins spurning um  daga hvenær hraunflæðið brýst út fyrir núverandi hraunsvæði í Meradölum. 

Og það er athyglisvert að með tilkomu kvikugangsins, sem liggur frá Litla-Hrút norður í Keili, er sá mðguleiki, að hætta fari að steðja að vegi, háspennulínu, byggð og fyrirhuguðum alþjóðaflugvelli.  

Þrjú samliggjandi fyrstu eldgosaár eru aðeins lítill hluti af því, sem kann að liggja undir, ef nú er að fara í hönd nokkur hundruð ára skeið eldsumbrotaára á borð við það sem endaði fyrir átta hundrað árum. 

Gæti flætt út úr Meradölum á 4 til 6 dögum

Athugasemdir

[Vagn (IP-tala skráð) 16.7.2023 kl. 16:09]

Það er margt sem getur gerst. En sú aldagamla speki að allt er þegar þrennt er gæti eins verið endir sögunnar um þessi eldgos. Eins gæti næsta eldgos verið í Öskjuhlíðinni eða Breiðholtinu.

Að ætla sér að skipuleggja framkvæmdir og uppbyggingu út frá því sem mögulega gæti gerst einhvern tíman í framtíðinni mundi stöðva allt í landinu. Það er varla hægt að benda á fermeter á öllu landinu þar sem einhver ógn er ekki til staðar.