Þarf að horfa fram á veginn.

Þegar haldið er inn á hættulegan óveg er nauðsynlegt að reyna að gera sér grein fyrir því hvað framundan er. Þegar eldur fer hamförum um fjármálakerfi heimsins troðast hinir minnstu, í þessu tilfelli Íslendingar, fyrst undir á flóttanum. Það hefði mátt sjá fyrir og þar með það að það voru engir góðir kostir í stöðunni, aðeins misjafnlega slæmir og að þeir gætu orðið verri.

Ég held að þeir menn hafi ekki horft nógu langt fram á veginn, sem töldu að ekki ætti að leita til IMF vegna þess að þess þyrfti ekki og að það myndi særa stolt okkar.

Sömuleiðis hafa menn lýst áhyggjum af þeirri bindingu sem við göngumst undir með þessu. Rétt er það, að það er margt að varast við að gangast undir þetta jarðarmen en eigum við nokkrra aðra skárri kosti? 

Eða ölllu heldur, verða þessir kostir ekki fyrr eða síðar allir uppi á borðinu? Engin leið er að sjá hvernig þessir kostir liggja fyrir nema að skoða þá alla í viðræðum við viðkomandi aðila. Ef viðræðurnar við IMF leiða til niðurstöðu sem felur í sér meiri hættu á að við glötum yfirráðum yfir auðlindunum í hendur aðilum, sem hugsa aðeins um stundargróða en ekki hvernig við skilum landinu til afkomendanna, þá verður að sjálfsögðu að hafna slíku og sjá hvort annað skárra bjóðist.   

Þegar fleiri kostir eru skoðaðir sést að jafnvel fleira að gæti verið að varast þar en við samninga við IMF. 

Aðalatriðið er að komast út úr þessum samningum á sem skástan hátt og versti endirinn væri sá að lenda í klóm á aðila sem einn hefur ráð okkar að lokum í hendi sér og samningsstaða okkar því engin.  

Fundað stíft með IMF

Athugasemdir

[Baldvin Jónsson, 12.10.2008 kl. 22:49]

Verð nú að segja að eftir að hafa kynnt mér IMF mjög léttvægilega að þá lítur nú mun betur út að ná samningum við Rússana. Svo lengi sem að íslenskir ráðamenn verða ekki með eitthvað laumuspil þar.

Ágætis grein hérna líka eftir hann Guðmund Andra sem að mig langar að benda á: http://gandri.blog.is/blog/gandri/entry/669134/

Mikið búið að ræða Davíð undanfarið, ætlar virkilega enginn að taka á sig minnsta snefil af pólitískri ábyrgð?

[Baldvin Jónsson, 12.10.2008 kl. 22:50]

Gandrinn átti að sjálfsögðu að koma inn sem hlekkur:
http://gandri.blog.is/blog/gandri/entry/669134/

[Sævar Finnbogason, 13.10.2008 kl. 00:06]

IMF eru nú farnir að dæla peningum í ríkara mæli inní fjármálageirann þar sem þeir hjálpa enda mikill þrýstingur í þá átt frá stofnríkjunum. Enda vilja þau ekki að bakarnir þeirra tapi á að lánum í bönkunum í viðkomandi landi samanber kreppuna í Asíu. Áður voru þeir enn duglegri að hlutast meira að hlutast til um smæstu mál í ríkjunum sem þeir hjálpuðu, oft með alvarlegum afleiðingum fyrir fólkið sem í þeim bjó. Við getum allavega kvatt alla "óþarfa" umhverfisvernd ef við leggjumst með IMF án smokks, þá fyrst verða auðlindirnar nýttar og allt einkavætt AFTUR!

Bendi á þessa færslu

http://savar.blog.is/blog/savar/entry/671636/