Obama til hjálpar?

Þegar menn velta nú fyrir sér í fullri alvöru að við segjum okkur úr lögum við nágrannaríki okkar og fáum hjálp frá Obama þegar hann tekur við væri hollt að skoða þennan möguleika rækilega í stað þess að tala bara um hann út í loftið.

Obama hefur sagt að hann ætli sér að bæta samskiptin við Evrópuríkin og hafa við þau sem mest samráð.
Er líklegt að hann muni taka okkur upp á arma sína ef við ætlum að verða nokkurs konar Norður-Kórea Evrópu í augum nágrannaþjóða okkar og ganga gegn hagsmunum og vilja Evrópuþjóða?

Það er ekki nóg að kalla upp: Nú viljum við plan B. Það verður að skoða hvað plan B felur í sér. Æskilegt væri að menn reifuðu nánar hugmyndirnar um bandalög við Bandaríkjamenn, Rússa eða Kínverja og hvað gæti komið út úr þeim í raun. Ég bíð spenntur eftir að sjá hvernig menn útfæra það.

Evrópumálin í brennidepli

Athugasemdir

[Robert (IP-tala skráð) 14.11.2008 kl. 15:02]

Ég held að það séu fáir sem vilja segja sig úr lögum við nágrannaríki.  Það virðist núna sem EB sé að fá sýnum vilja framgengt vegna IceSave og Ísland fellur á hnífinn til að valda ekki hugsanlega trausts vandamáli með tryggingasjóði á öllu EB svæðinu, vonandi gefur þetta okkur einhvern góðvilja innan EB og stoppar þessi átök við vinaþjóðir.

Við klárlega höldum áfram í EES en af hverju ekki að styrkja stoðir okkar vestur eins og til austurs?  Eftir allt þá liggur Ísland landfræðilega nákvæmlega mitt á milli Norður Ameríku og Evrópu.

Bestu kveðjur,

Róbert

[Guðmundur Bogason, 14.11.2008 kl. 16:01]

Tek undir þetta sjónarmið, það væri reyndar hægt að ganga svo langt að Ísland yrði 51 fylki bandaríkjanna.  Þrátt fyrir mikla vinnu margra og góðan ásetning stefnir í að Ísland missi að í besta falli fjárhagslegt sjálfstæði þar sem auðlindirnar verði eign erlendra banka og peningasjóða.  Þá er alveg eins gott að ganga inni í sambandsríkið Norðurameríka.

[Jakobína Ingunn Ólafsdóttir, 14.11.2008 kl. 18:02]

Sammála þér Ómar. Við eigum að framkvæma með fyrirhyggju.