Allir á flótta.

Í viðbót við fréttina af risalánum Kaupþings til eiganda fyrirtækja á kúpunni erlendis bætist við fyrsta frétt Sjónvarpsins í kvöld sem sýnir að strax í ágúst, ef ekki miklu fyrr, voru háir sem lágir í bankakerfinu komnir á hraðan flótta til að bjarga eigum sínum af öllu tagi.

Þetta gerðu þessir eigendur og stjórnendur á sama tíma sem það var básúnað út hve vel bankarnir stæðu. Frétt Þórdísar Anljótsdóttur í kvöld var frábær að öllu leyti hvað snerti innihald, efnistök og framsetningu. Til hamingju, Þórdís og fréttastofan !

Milljarðalán skömmu fyrir hrun

Athugasemdir

[Þorsteinn Briem, 28.1.2009 kl. 21:46]

Ein þar trappa annarri lægri,
upp á lappaði Sjö það hægri,
æ það óhapp hjá frúnni frægri,
félag það "crap" á einu dægri.

[Gunnar Th. Gunnarsson, 28.1.2009 kl. 22:22]

Ég er sammála þessu. Athafnir bankanna og persónulegar athafnir stjórnenda og millistjórnenda hljóta að vera í besta falli hrikalega siðlausar, ef ekki lögbrot. Stjórnendurnir voru á harðaflótta á sama tíma og bankinn var að narra viðskiptavini sína til að afhenda eignir sínar í hendur þessara voðalegu manna.

Sveiattann!

[Bernharð Hjaltalín, 28.1.2009 kl. 23:05]

Er möguleiki á að útrásarvíkingarnir hafi sett inn eiturlyf á markaðinn til að villa um fyrir þjóðinni,

ég vil benda á að Hummer jeppi með 3.farþega ók á ungan mann á ofsahraða miðað við umferð.

þeir voru ca. 25.ára gamlir engin þeirra hafði manndóm til að stöðva bílinn, en þeir eru vitorðsmenn með glæpnum,Er búið að festa eignir glæpalýðsins.

[Lana Kolbrún Eddudóttir, 28.1.2009 kl. 23:14]

Fréttastofan hefur heldur betur verið að sýna klærnar undanfarið, sem og Kastljóss-fólk og Spegillinn o.fl. Þessi frétt Þórdísar var mjög skörp. Landsmenn fá mikið fyrir peningana hjá RÚV þessa dagana, sýnist mér og heyrist.

[Páll A. Þorgeirsson (IP-tala skráð) 28.1.2009 kl. 23:21]

Góð grein hjá þér. Er þetta ekki bara örlítið brot af "pakkanum", hvað er ennþá "undir yfirborðinu" ? Ef þessir menn eru ennþá í vinnu hjá bönkunum, þarf þá ekki að hreinsa til þar ? Hvernig eru annars "íslensk lög" ná þau ekki yfir þessa "glæpi" ?