Maðurinn sem sá snemma í gegnum blekkingar.

Það eru til menn sem sáu fyrir þessi ósköp sem ný dynja yfir. Einn af þeim er Gunnar Tómasson sem var í Silfri Egils í gær. Ég kynntumst honum fyrir 53 árum.

Þá gafst hópi af íslenskum unglingum, sem valdir voru víðs vegar af landinu, tækifæri tll að sigla til Kaupmannahafnar, dvelja þar í sex vikur og fara á alþjóðlegt æskulýðsmót. Íslenskir unglingar áttu á þessum árum þess yfirleitt ekki kost að fara til útlanda og þetta var ógleymanleg og dýrmæt ferð.

Ég var einn af þessum unglingum, þá fjórtán ára gamall, og bast vinarböndum við ferðafélga minn, Gunnar Tómasson, sem var fimmtán ára.

Í Kaupmannahöfn höfðum við séð töframann gera snjöll töfrabrögð og á smá samkomu á leiðinni heim á Dronnning Alexandrine gerði Gunnar nokkur þeirra við mikla hrifningu. Hann hafði nefnilega séð í gegnum blekkingar töframannsins í Höfn og endurtók brögð hans við þetta tækifæri.

Gunnar varð síðan hagfræðingur og sá fyrir þrjátíu árum í gegnum blekkingarnar og sjónhverfingar sem kennisetningar nýfrjálshyggjunar hafa byggt á. Hann getur lagt fram skjalfest gögn þar að lútandi frá ýmsum tímum. En hann hefur talað fyrir daufum eyrum.

Töframenn eru góðir svo langt sem það nær.. Hinir geta samt verið þarfari sem sjá í gegnum skaðlegar blekkingar og afhjúpa falsrök, svo sem þeim sem nú steypa efnahagslífi alls heimsins í hrun.

Á greiningu slíkra manna verður að byggja endurreisn hins alþjóðlega hagkerfis, ekki hinna sem eru orðnir svo trénaðir að þeir geta engu breytt í raun.

Miðstöð fyrir fólk í erfiðleikum

Athugasemdir

[Sigrún Jóna (IP-tala skráð) 2.2.2009 kl. 12:35]

Já, Ómar. Þú hefur átt kost á mörgu sem almenningur hefur ekki getað gert.

Þ.e. þinir jafnaldrar og líka flestir af þeim sem fæddir eru + eða - 20 ár.

Og til hamingju með það. Við áttum þó kost á að sjá landið okkar tekið úr lofti og láði og margar skemmtilegar stundir fyrir framan kassann, þegar þú ferðaðist um og yfir landinu okkar.

Takk fyrir mig

[Jón Finnbogason, 2.2.2009 kl. 12:47]

Hvar getur maður nálgast efni frá Gunnari?

[Neisti (IP-tala skráð) 2.2.2009 kl. 13:50]

http://www.malefnin.com/ib/index.php?showtopic=101272

Gunnar er meðlimur í gang8 hópnum.  Maður þykist þekkja hann sem Gangleri

Þarna sérðu eitthvað eftir hann og skoðanafélaga hans frá a.m.k. 2006

[Þorsteinn Briem, 2.2.2009 kl. 14:10]

Gunnar Tómasson, fyrrverandi hagfræðingur hjá Alþjóða gjaldeyrissjóðnum, um verðtryggingu.

[Gunnar T'ómasson (IP-tala skráð) 2.2.2009 kl. 17:52]

Hér er skemmtileg athugasemd við eitt innlegg mitt á málefnin.com í maí 2008 - af neðanmálsefni má ráða að hér talar ungur sjálfstæðispiltur: 

Gangleri, hvernig er það, er von á þessu "hruni" á næstunni?

eða þarf maður að hlusta á rausið í þér og þínum líkum næstu árin?

Sættið ykkur bara við það, það verður ekkert hrun!

--------------------

There are two types of people: losers and republicans. - Eric Hanstholm

SUS Frjálshyggja.is Björn.is Andríki

[Vilhjálmur C Bjarnason (IP-tala skráð) 2.2.2009 kl. 18:04]

Við eigum allveg ofboðslega hæft fólk til að stjórna landinu, en þeim hefur bara ekki verið leift að komast að.