"Skoraði af "öryggi" í stöngina og inn..." ???

Í ljósvakamiðlum nú rétt í þessu var sagt að Ryan Giggs hefði skorað af "öryggi" stöngina og inn. Ég hélt satt að segja að þetta væri þveröfugt, að Giggs hefði mátt þakka fyrir þá heppni að boltinn fór inn en ekki aftur út eða framhjá.

Ef flugstjóri lenti 220 farþega þotu þannig að hann gæti ekki stöðvað hana fyrr en nefhjólið stæði nákvæmlega á brautarenda, myndu fyrirsagnirnar í blöðunum þá verða þær að hann hefði lent vélinn af miklu "öryggi" ´

Ég er ansi hræddur um ekki. 

Manchester United deildabikarmeistari 2009

Athugasemdir

[Stefán Lárus Pálsson (IP-tala skráð) 1.3.2009 kl. 21:53]

Markið er á milli stanganna eins og þú veist. Að skora " í blá hornið" þykir flott, "stöngin inn" hjá Giggs gaf flott mark, en það verður aldrei upplýst hvort þetta var ætlan hans eður ei. En ef þú hlunkar stórri þotu niður það innarlega á brautina að þú lendir yst úti á brautarenda, þá sleppur þetta til að afstýra slysi, en eitthvað hafa nú aðflugið og lendingin verið skrautleg! En samt sem áður:Giggs skoraði af öryggi, og flugstjórinn þinn stöðvaði á brautarenda, af öryggi að sjálfsögðu! Dæmið gengur upp í báðum tilfellum!!

[Einar Áskelsson (IP-tala skráð) 1.3.2009 kl. 22:28]

Skemmtilegur vinkill hjá þér Ómar. Svona fer þetta þegar íþróttafréttamenn rembast við að krydda einfaldar fréttir. Mestu líkurnar á því að bolti fari í markið er mitt á milli stanganna. En því miður er markmaðurinn oftast fyrir þar.

[Ómar Ragnarsson, 2.3.2009 kl. 00:21]

Yfirleitt er staðurinn sem boltinn þarf að fara á til að skorað sé af öryggi um það bil fet frá annarri hvorri stönginni.

[Þorsteinn Briem, 2.3.2009 kl. 00:36]

Í rúmfræði bestur Ryan Giggs,
og reglustiku notar við sín fix,
en Stebbi hann er núll og nix,
nema hann læri öll þau trix.

[einar (IP-tala skráð) 2.3.2009 kl. 01:19]

Miða fet frá stöng og hafa fet í skekkjumörk á hvern veg sem er.

Drengnum brá, fór ekki að færast bros á hann fyrr en hann kom á miðjuna á ný.

Öruggt engu að síður

 kv e

[Ómar Ragnarsson, 2.3.2009 kl. 18:44]

"Fet frá stönginni" er að mínum dómi ytri mörk hins örugga svæðis. Þess vegna ætti miðið að vera tvö fet frá stönginni, Einar minn, og skekkjumörkin því að ná að í eins fets fjarlægð frá stönginni.

Sambærilegt atvik í flugi er að flugvélin þurfi ekki að fara út á öryggissvæði á brautarendanum í lendingu.