Hafa þegar sagst vilja 340 þúsund tonna álver.

Fyrir tveimur árum fékk ég skammir frá talsmanni Alcoa fyrir það að ljúga því upp á fyrirtækið að það vildi reisa 340 þúsund tonna álver á Bakka. 

Ekki leið nema innan við ár þangað til ráðamenn fyrirtækisins viðurkenndu að þeir ætluðu ekki að láta staðar numið við 250 þúsund tonna álver heldur þyrfti jafnstórt álver og á Reyðarfirði af "hagkvæmnisástæðum." 

Svona hefur þetta verið allan tímann, allt frá því að því var lofað að álver við Reyðarfjörð þyrfti ekki að verða stærra en 120 þúsund tonn og álver í Helguvík yrði "hófleg stóriðja."  

Byltingarkenndar framkvæmdir

Athugasemdir

[Ólafur Sveinsson (IP-tala skráð) 24.9.2009 kl. 15:01]

Hvaðan ætlum við að taka þessi  u.þ.b.600 MWe, í álbræðsluna? Þingeyingar hafa ekkert upplýst um það.  Allt úr gufu, eða.................

[Sif Jónsdóttir (IP-tala skráð) 24.9.2009 kl. 15:01]

Já þeir þykjast ætla að byrja smátt, bara til að geðjast okkur. 

Ég ætla bara vona að einhver ráðamanna sé með viti svo við verðum ekki álversnýlenda.

Að þeir vegna stærðar geti sett okkur skilmála....  til að fá kröfum sínum fullnægt.

Þeir eru að vinna að því, það er alveg ljóst.

[Ómar Ragnarsson, 24.9.2009 kl. 22:34]

Eftir nánari íhugun vil ég leiðrétta ónákvæmni í fyrstu setningu þessa bloggs, - hefði átt að segja "áhangendur" Alcoa en ekki "talsmaður" Alcoa.

Fjölmiðlafulltrúi fyrirtækisins, Erna Indriðadóttir, gerði að vísu athugasemd við mig fyrir þremur árum þegar ég sagði að talsmenn álfyrirtækja hefðu sagt að álver þyrftu að ná 500 þúsund tonna stærð til að vera hagkvæm.

Kvaðst hún ekki kannast við að neinn hjá Alcoa hefði sagt þetta.

Á þeim tíma var því haldið stíft fram að álver á Bakka ætti að verða ekki stærra en 240-250 þúsund tonn og fylgismenn álvera höfðu skammað mig fyrir að gera því skóna að álverið yrði stærra, jafnvel tvöfalt stærra.

Hitt stendur eftir að að ádeilan þessara mann á mig fyrir að ég væri að dylgja um að álverið yrði stærra varð marklaus þegar álverið var síðar sagt þurfa að verða jafnstórt og álverið á Reyðarfirði eða 346 þúsund tonn.

[Einar Karl Friðriksson (IP-tala skráð) 25.9.2009 kl. 12:17]

Sæll Ómar.

Þetta er þörf umræða, um stærð álvera. Ég er síður en svo á móti öllum álverum, ekki frekar en að ég sé á móti öllum húsum. En ég vil ómögulega fá 12 hæða blokk í bakgarðinn hjá mér, með bílastæði fyrir 100 bíla. Fjögurra hæða blokk með stæði fyrir 30 bíla var annað mál og kæmi mögulega til greina, þar sem 12 hæða hús væri ótækt.

Um þetta skrifaði ég nýlega færslu á nýrri bloggsíðu minni: www.patentlausn.blogspot.com

[Björn H. Björnsson, 26.9.2009 kl. 18:24]

Ég kom að Kárahnjúkastíflu fyrir rúmu ári síðan og svo að Hálslóni og stíflunni aftur nú í sumar. Það kemst ekkert orð annað í huga minn þegar ég sé þessi mannvirki: "Mikilmennskubrjálæði".

Ætla menn að leyfa þessu rugli að endurtaka sig? Ég sé ekki betur en að langflestir Sjálfstæðismenn heimti fleiri álver og fleiri risavirkjanir. Sjálfstæðisflokkurinn er flokkur skammtímalausna og misþyrmingar á náttúrinni og hann verður hreinlega að stöðva með öllum tiltækum ráðum. Og orkufyrirtækin eru svo vel stæð að þau verða að fá útlendinga til að eignast virkjanirnar.

Eru öll umhverfissamtök ónýt? Eru gönguskórnir þínir gatslitnir Ómar? Ætla landsmenn að horfa upp á það að öll nýtanleg orka í landinu verði fullnýtt fyrir árið 2030? Orkuna þarf að nýta með skynsömum hætti, ekki á þennan hátt.