Heilög stóriðja ?

Listinn yfir fríðindi, undanþágur, afslætti og forréttindi stóriðjunnar á Íslandi er ótrúlega langur. 

Í löndunum umhverfis okkur eru lagðir í auknum mæli skattar og gjöld á þá sem nota orkuna.

Það er kreppa á Íslandi og það lendir á öllum. Nei! er hrópað. Það má ekkert lenda á stóriðjunni ! 

Þá er það klárt. Hún á að vera heilög og ósnertanleg.  

  

Stóriðjuskattur óhjákvæmilegur

Athugasemdir

[Sigurjón Pálsson (IP-tala skráð) 10.11.2009 kl. 15:45]

Er þetta ekki spurning um réttar aðgerðir til að laða til landsins fjárfestingu eða fæla hana amk. ekki frá því.  Þú færð engar skatttekjur af starfsemi sem ekki kemur hingað en eitthvað færðu af þeim sem hingað leita með fjárfestingu.  

Hvort er betra 50% af engu eða 25% af einhverju?

Sama gildir um gagnaverin og allt þetta „eitthvað annað“ sem vonandi kemur einhverntíma en kemur alls ekki, frekar en álver, ef skattar eru of háir.

[Ómar Ragnarsson, 10.11.2009 kl. 18:04]

Þessi fyrirtæki sigla eins og aðrir inn í heim þar sem kaupa þarf mengunarkvóta.

Ég er ekki að tala um einhverja sligandi drápsklyfjar. Ljóst er til dæmis að samningarnir við Alcoa eru þannig að fyrirtækið er með alveg sérlega hagstætt efnahagsumhverfi hér.

[Offari, 10.11.2009 kl. 20:18]

Á Indlandi eru kýrnar líka heilagar

[Guðmundur Ragnar Björnsson, 10.11.2009 kl. 22:36]

Þetta er ekkert flókið Ómar. Fyrirtækin semja um svokallaðar hraðar afskriftir þeas. hin gríðarlega fjárfesting er afskrifuð á 5-10 árum sem þýðir að á því tímabili eru ekki greiddir umtalsverðir skattar. Eftir það greiða fyrirtækin skatta eins og hver annar. Þetta er misjafnt eftir fyrirtækjum hverjar afskriftareglur eru en þetta er einfaldlega skattaafsláttur af fjárfestingu.

[Rauða Ljónið, 10.11.2009 kl. 22:42]

Vantar inn þau lönd og hvað greitt er mikið svo mark sé á takandi hvar hin lönd eru og hvort rétt satt er allmennt farið.

[Hildur Helga Sigurðardóttir, 10.11.2009 kl. 22:54]

Það er með ólíkindum hvað frekja stóriðjunnar nær fram að ganga hér á Íslandi.

[Gunnar Th. Gunnarsson, 12.11.2009 kl. 15:04]

Ekki er ég á móti því að erlend fyrirtæki borgi hér skatta og mega gjarnan vera háir, en það eru efleit skilaboð til erlendra fjárfesta sem hugsa sér til hreyfings hér, ef skilaboðin eru á þá lund að þeir geti eftir á átt von á einhliða breytingum á sköttum.

Við megum ekki fá orð á okkur fyrir að halda ekki gerða samninga.