Mengun drepur sífellt fleiri dýr og fugla.

Ég sá á facebook í gær óhugnanlega kvikmynd sem tekin var á Midway eyju í Kyrrahafi. Frá eyjunni eru meira en 2000 kílmetrar til lands, en sífellt fleiri fuglar deyja þar vegna þess að magar þeirra eru orðnir fullur af plastdrasli.

Á Kyrrahafinu mun nú vera fljótandi plastrusls-eyja þrisvar sinnum stærri en Ísland.

Plastið þótti mikið bjargræði þegar það ruddi sér til rúms á sínum tíma en er nú smám saman að snúast upp í andhverfu þess og ógn við lífríkið.

Íslenska orðtakið "lengi tekur sjórinn við" er eitt af mörgum dæmum um sinnuleysi okkar gagnvart því sem við erum að gera náttúrunni á ótal sviðum. Ef svo heldur fram sem horfir er ekki bjart yfir framtíðinni og æ meiri þörf er á að spyrnt verði við fótum svo að ein ljóðlínan í ljóðinu "Aðeins ein jörð" rætist ekki:

Aðeins ein jörð.

Afglapa sporin hræða,

því lögmálið grimma lemur og slær

og lætur ei að sér hæða:

Ef deyðirðu jörðina deyðir hún þig

og deyjandi mun þér blæða...  

  

Með kynlífsleikfang í maganum

Athugasemdir

[Þorsteinn Briem, 15.4.2014 kl. 02:00]

Þorskur át þar langan lim,
litríkan úr plasti,
átti eitt sinn Framsókn fim,
flottur sá kærasti.

[Helgi Armannsson (IP-tala skráð) 15.4.2014 kl. 04:31]

George Carlin - Arrogance of mankind

 http://www.youtube.com/watch?v=2cjRGee5ipM

[Gunnar Th. Gunnarsson, 15.4.2014 kl. 06:48]

Frá íslenskum skipum fer í dag lítið sorp í sjóinn, þó eitthvað smávegis af lífrænu, matarafgangar o.þ.h.

Ég sigldi á íslenskum fraktara vorið 1981 og á útleiðinni til Noregs var ótrúlegustu hlutum hent í sjóinn, s.s. víradrasli og tómum 200 l. olíutunnum sem skoppuðu í kjölsoginu og hurfu svo út við sjóndeildarhring.

Næst fer ég á sjó 1989 - 1998 á frystitogara og þá var allt önnur umgengni um sorpið og meiri virðing borin fyrir sjónum. Það hafði orðið gríðarleg viðhorfsbreyting.

[Ingvar Tryggvason (IP-tala skráð) 15.4.2014 kl. 09:23]

"Garbage Island - As long as it's existed, the middle of the Gyre has been a naturally occurring point of accumulation for all the drifting trash in its half of the ocean. Once upon a time, flotsam circled into the middle of the Gyre and (because up until the past century everything in the world was biodegradable) was broken down into a nutrient-rich stew perfect for fish and smaller invertebrates to chow on."
http://topdocumentaryfilms.com/garbage-island/

[Árni Gunnarsson, 15.4.2014 kl. 09:44]

Mín reynsla er mjög lík þinni reynslu Gunnar. Ég er nokkuð sannfærður um að það hafi orðið viðhorfsbreyting á okkar fiskveiðiflota sem flokka má til byltingar í þessu efni.
Því miður er þetta skelfilega efni ofnotað á mörgum heimilum og sóðaskapurinn sem því fylgir er áberandi.
Lífríki láðs og lagar er í stórhættu vegna offjölgunar mannkynsins, græðginnar, skeytingarleysins, sóunarinnar og vanþekkingar á flestum þáttum umhverfisvár.

[FORNLEIFUR, 15.4.2014 kl. 11:10]

http://postdoc.blog.is/blog/postdoc/entry/1375254/

Mér finnst þessi umhverfisumræða fara algjörlega fram úr sér þótt einn andskotans dildó finnist í þorski við Noregi.  Ætli sonur karlsins hafi ekki stungið þessu í þann gula áður en karlinn fór að gera að. Í stað þess að kveikja á titraranum í fréttinni, sem allt ætlaði að gera vitlaust í Noregi, fer Ómar beint í vangaveltur um plast í hafinu. 

Góð vísa hjá Breim.

[Þorsteinn Briem, 15.4.2014 kl. 14:13]

Um 900 umhverfisverndarsinnar myrtir síðastliðinn áratug