Ómurinn frá "National Brotherhood Week."

Tom Lehrer heitir eftirlætis ádeilu-grínsöngvarinn minn og ég kann ennþá slatta af söngvum hans frá sjötta áratugnum þegar hann dró ráðamenn, Kalda stríðið og heimsástandið sundur og saman í háði, sem oft innihélt ansi svartan húmor.

Lehrer hefði áreiðanlega fundist Friðardagurinn kynlegt fyrirbæri því að af slíkum degi leiðir, að herirnir verða að vinna upp "árangursleysi" þessa dags með því að vera þeim mun duglegri aðra daga.

Raunar hafa engar fréttir borist ennþá frá árangri dagsins, enda teljast aðeins hressileg manndráp til frétta. 

Lehrer var ekkert heilagt og lýsing hans á því ástandi sem honum fannst raunverulegt, til dæmis á Írlandi, Indlandi og í Miðausturlöndum kom meðal annars fram í þessu erindi í söngnum "National Brotherhood Week." 

 

...All the Catholics hate the Protestants  / 

and the Protestants hate the Catholics   / 

and the Moslims hate the Hindus   / 

and everybody hates the Jews... 

 

Lehrer endaði þennan söng með þessum línum:

 

"...It´s only for a week so have no fear.   /

Be grateful that it does´nt last a year ! "  

Athugasemdir

[Þorfinnur (IP-tala skráð) 22.9.2009 kl. 00:38]

Það er kannski í lagi að halda því til haga að Tom Lehrer var sjálfur gyðingur og því enn síður ástæða til að fara á taugum þó hann gantist með gyðinga.

Reyndar hafa gyðingar ávallt verið í fararbroddi grínista í bandrískum kvikmynda- sjónvarps- og skemmtibransa, sérstaklega sem höfundar og skríbentar.

[Gunnar Th. Gunnarsson, 22.9.2009 kl. 08:09]

Ég var að skoða hvað þessi nýlegi fídus hefur upp á að bjóða, þegar maður "blámar" orð eða nafn í Explorernum og hægrismellir músinni. Þá koma upp nokkrir möguleikar, fyrir utan copy og print og það allt. T.d. ef maður hægrismellir á "Tom Lehrer" í textanum hér fyrir ofan, þá er hægt að velja "Define whith Goggle dictionary". Þá kemur fram:

  Thomas Andrew "Tom" Lehrer (born April 9, 1928) is an American singer-songwriter, satirist, pianist, and mathematician. ...
en.wikipedia.org/wiki/Tom_Lehrer 

Ef maður hægrismellir og velur "Google news", þá koma nýjustu Google-fréttirnar um Tom Lehrer, sú nýjasta er tveggja daga gömul:

Emmys are in good hands with Neil Patrick Harris at the helm

Los Angeles Times - Mary McNamara - ?Sep 20, 2009?

... oh, wait, there's Jon Hamm" -- and ended with a musical recitation of all the networks, free and premium, that would have made Tom Lehrer proud. ...

Langaði bara benda á þetta, ef þið vissuð ekki af þessu

[Ómar Ragnarsson, 22.9.2009 kl. 18:49]

Lehrer var frábær píanóleikari og afburða stærðfræðingur og vísindamaður, - innanbúðarmaður í Harward og öðrum háskólum Bandaríkjanna. Tónlistin og vísindin toguðust ævinlega á hjá þessum mikla hæfileikamanni sem missti löngunina til að halda áfram við sínar einstöku texta- og lagasmíðar þegar orðstír hans var hvað mestur.

[Gudmundur Bjarnason (IP-tala skráð) 23.9.2009 kl. 16:22]

http://www.getalyric.com/mp3/lyrics/songs/tom_lehrer-4565/that_was_the_year_that_was-14721/national_brotherhood_week-78507/