Húnavallaleiðin hefði átt að vera löngu komin.

Fyrir um hálfri öld voru skiptar skoðanir um það hvar skyldi byggja nýja brú yfir Ytri-Rangá við Hellu. 

Andstaða var við að færa brúarstæðið tæpan kílómetra sunnar en þáverandi brú var, og voru miklar hrakspár þuldar um það tjón sem byggðin, sem komin var við þáverandi brú, yrði fyrir og nánast hætta á eyðingu byggðarinnar, þegar hætt yrði að hafa aðalumferðarhæðina á hinum forna stað.  

Ingólfur á Hellu var áhrifamikill og ef rétt er munað átti hann þátt í lausn málsins, þar sem liðkað var til við að breyta byggðinni í samærmi við nýtt brúarstæði.

Hver sá, sem nú brunar yfir nýju brúna hlýtur að undrast þá þröngsýni sem lýsti sér í andstöðu við það fyrirkomulag, sem nú blasir við, að helstu þjónustustofnarnirnar þarna eru auðvitað á langheppilegasta staðnum.

Nú stendur fyrir dyrum að leggja nýja leið framhjá gæmla miðbænum um nýja brú á Selfossi, og er það vel. 

Í sjötíu ár hefur það blasað við, hve mikil búbót væri að þvi að stytta Þjóðveg eitt Frá Brekku skammt frá Stóru-Giljá til Fagraness/Hvamms í Langadal. 

Við Fagranes er gamalt vað, Mjósyndi, og hið ákjósanlegasta brúarstæði.  

Hugsanlegt er að bæta fyrir tjón á farvegi Blöndu fyrir neðan Hvamm, sem varð við það að sunnar í dalnum var þjóðvegurinn færður á uppfyllingu út í Blöndu, en við það var eðlilegum straumi árinnar raskað, þannig að hún fór að brjóta bakkana í landi Hvamms. 

Vegagerðin tók uppfyllingarefni úr farvegi Hvammsár og lofaði því að gera varnargarða í staðinn við bakka Blöndu.  

Þetta var ekki efnt fyrr en alltof seint þegar áin hafði valdið talsverðu landbroti. 

Nú gefst tækifæri til að huga að skynsamlegri útfærslu á vegamótunum við Fagranes/Hvamm. 

Vegarkaflinn utar í dalnum hefur lengið verið erfiður vegna slæmra veðra á vetrum í norðanhríð. 

Nú getur ný leið yfir Ása lagfært það. 

Núverandi Svinvetningabraut hentar ekki, þvi að hún er of krókótt, fer á einum stað í hátt á þriðja hundrað metra hæð yfir sjó, og brúin sem gerð var hjá Löngumýri 1950 er of sunnarlega í Blöndudalnum og barn síns tíma. 

Vill stytta ferðina milli Reykjavíkur og Akureyrar

Fylgi Trumps er einna erfiðasti galli bandarískra stjórnmála.

Þótt tilvera lýðskrumara með óslökkvandi valdafíkn og frekjutilburði séu oft meðal erfiðustu galla lýðræðisins útaf fyrir sig, er hitt þó sýnu alvarlegra hve furðulega miklu fylgi þessir menn geta oft náð meðal kjósenda. 

Það sýnir saga fjðlda af verstu einræðisherrum sögunnar á borð við þÁ verstir voru á milli Fyrri og Seinni heimsstyrjaldarinnar, sem voru raunar sama styrjöldin. 

Fyrir vestrænt lýðræði er það ferlegt hve miklu fylgi Donald Trump hefur náð, jafn ófyrirleitinn og sjálfhverfur þessi maður er. 

Staða hans í ððrum af tveimur megin stjórnmálaflokkum Bandaríkjanna er þannig vaxin, að hún er verra fyrirbrigði en maðurinn sjálfur, ef svo má komast að orði. 

 

Trump neitar sök í öllum ákæruliðum

Allt frá túristagosi eins og1961 til hrikalegs sprengigoss eins og 1875.

Þrennt má nefna sem getur ráðið miklu um það hvernig yfirvofandi gos í Öskju verður.  

Staðurinn þar sem kvikan kemur upp.

Ef það verður á þurru landi gæti það orðið meinlítið gos eins og varð 1961 þegar gaus í gígum nokkra kílómetra frá Öskjuvatni. Þá verða viðbrögðin við gosinu að vera snörp og hnitmiðuð, að rýma nógu stórt svæði sem hraun gæti runnið um. 

Ef hins vegar gýs undir Öskjuvatni gæti voðinn verið vís, því að þá getur orðið stórgos með miklu öskufalli eins og 1875, sem olli svo miklum búsifjum að það varð stærstur hluti þess fólksflótta til Vesturheims sem nam fimmtungi þjóðarinnar alls. 

Vindáttin getur skipt miklu máli, en 1875 fór mest af öskunni í austurátt. 

Nokkur mótsögn er fólgin í þriðja atriðinu, sem felst í því, hvenæar gýs. Ef gýs eftir langan aðdraganda gæti það gert gosið mun stærra og illvígara en ef eldstöðin lýkur sér fyrr af.   

Allar nútíma mælingar skorti í fyrri Öskjugosum ogH því er vísindamönnum nokkur vandi á höndum. 

Flóttaleiðir frá gosstað eru misjafnar, í meðallagi góðar fyrir jeppa til norðurs í átt til Herðubreiðarlinda og þaðan norður úr, en afar krókóttar leiðir til austurs yfir Jökulsá á Fjðllum og Kreppu og þaðan norður til Mððrudals eða austur á Brúarðræfi til Kárahnjúk. 

Hvað flug snertir er einn stór fimm brauta flugvðllur, Sauðárflugvöllur, með allt að 1300 m langar brautir í aðeins 30 km loftlínu frá Öskju sem allt að 20 farþega flugvélar geta notað, og lenti ein slík til reynslu nýlega á vellinum nýlega með 13 fallhlífarstökkvara. 

Samtals eru flugbrautirnar tæpir fimm kílómetrar að lengd, og í alþjóðlegu skráningu og viðurkenningu þessa malarflugvallar eru einkennisstafirnir BISA. 

Hún kom frá Stokkhólmi til Íslands, en á Akureyri eru tvær slíkar vélar. Á þessari bloggsíðu hefur verið greint frá gerð þessa vallar og notkun síðan 2011, en hún kom í góðar þarfir í Holuhraunsgosinu fyrir átta árum. 

Funda um stöðuna eftir verslunarmannahelgi

Tveir minnisverðir gististaðir í 14 daga Noregsferð.

Í fjórtán daga Noregsferð um endilangt landið fyrir aldarfjórðungi runnu allir gististaðirnir saman í eitt í lok ferðar; þriggja til fjögurra stjörnu hótelin, sem voru hvert öðru lík. 

Tveir gististaðir skáru sig úr, hvorugur prýddur neinum "stjðrnum". 

Annar þeirra var hinn sáraeifaldi og frumstæði fjallaskáli inni í stærsta þjóðgarði Evrópu á þeim tíma, á Harðangursheiði, en hinn gististaðurinn var frumstætt, lúið og gamalt sveitahótel, stjðrnum sneytt, að Syðri-Kjós langt norður í Trðmsfylki. 

Það hótel rak þá öldruð kona á eftirlaunum, sem talaði bara norsku. 

Í allri umræðunni hér heima er gildi þessara tveggja rammnorsku og sjónvarpstækjalausu gististaða umhugsunarvert.  

Risagos á svæðinu milli jökla með nokkurra alda millibli. Ekki gleyma Bárðarbungu.

Auk risagosanna, sem Þorvaldur Þórðarson kallar réttilega "háalvarlegt" í viðtengdri frétt á mbl.is, hafa þrjú risagos í viðbót orðið á svæðinu milli Suðurjökla og Vatnajökuls frá landnámi. 

Eldgjárgosið í kringum 930 bauð upp á mesta hraun, sem runnið hefur á jðrðinni á sðgulegum tíma; stærra gos að því leyti en Skaftáreldarnir 1783, sem lengi voru taldir stærstir, enda bættu þeir því við að milljónir manna fórust víða um lönd, og hér á landi féllu 70 prósent búfjár og fjórðungur þjóðarinnar. 

Háalvarlegt hlutverk Bárðarbungu er athyglisvert hvað varðar það, hve það er stórt. Hún getur ráðið gosum allt norðan frá Holuhrauni suður til Hrafntinnuhrauns. 

Í hádegisfréttum RÚV kom fram það álit, að hættan á gosi í Öskju verði að teljast meiri en við Torfajðkul, því að þar sé land buið að rísa um 60 sentimetra af völdum kviku á litlu dýpi. 

Háalvarlegt ef eldgos verður í Torfajökulsöskju

Líkur á rigningu á Suðurlandi eru að jafnaði 6 á móti 4.

"lítt skiljanleg er þessi ásókn manna í það að halda útihátíðir á Íslandi", skrifaði Jónas stýrimaður hér um árið. "Það er eins og menn haldi að það rigni aldrei nema 17. júní", bætti hann við. 

Líkurnar á rigningu á Suðurlandi eru um það bil 6:4, rigningunni í vil ef marka má veðurgðgn.

Á sínum tíma datt Einari Bárðarsyni það einu sinni í hug að standa fyrir endurkomu Sumargleðinnar á útíhátíð í Galtarlækjarskógi og veðjaði á að það yrði þurrt. 

En líkurnar fyrir að tapa veðmálinu reyndust auðvitað yfirsterkari, og rigning skemmdi fyrir. 

Raunar rigndi ekki til vandræða á sjálfum mótstaðnum, en hins vegar hressilegar nær Reykjavík. 

En það var nóg til  að gera usla í áætlunum Einars.  

Viðbúin öllu veðri um verslunarmannahelgina

Fimm Sjálfstæðisþingmenn voru á móti stjórn Ólafs Thors 1944.

Það er ekki alveg nýtt fyrirbrigði að þingflokkur Sjálfstæðismanna klofni um ríkisstjórn undir forsæti síns eigin formanns. 

Það gerðist sjálft lýðveldisárið 1944 haustið eftir lýðveldishátíðina og voru fimm Sjálfstæðisþingmenn í stjórnarandstöðu gagnvart Nýsköpunarstjórn Sjálfstæðisflokks, Alþýðuflokks og Sósíalistaflokksis, sem var þriggja flokka stjórn þvert yfir miðjuna, rétt eins og ríkisstjórnin er nú. 

Með þessari stjórnarmyndun hjó Ólafur á tveggja ára hnút, vegna ósættis hans og Hermanns Jónassonar, sem olli því að mynduð var utanþingsstjórn. 

Stjórnin hafði samt tryggan þingmeirihluta og baðaði sig í tvö ár í því að nýta gríðarlegar innstæður erlendis vegna mikils stríðsgróða. 

Utanríkisstefnan var ekki vandamál til að byrja með, því að fyrsta árið voru ekki komin fram þau ágreiningsefni, sem hrönnuðust upp í upphafi Kalda stríðsins. 

Klaufaleg beiðni Bandaríkjamanna um að fá til allrar framtíðar land fyrir þrjár herstöðvar hér á landi, í Keflavík, Skerjafirði og Hvalfirði var víðsfjarri hugmyndum flestra um hlutlaust lýðveldi, en þegar Bandaríkjamenn fóru fram á leyfi til borgaralegrar aðstöðu á Keflavíkurflugvelli, komu óvæntir brestir fram í afstöðu stjórnarflokkanna, sem ollu missætti og stjórnarslitum.    

Ekki skemmt yfir viðbrögðum stjórnarliða

Af hverju Gjástykki tekur öllu fram. "Sköpun jarðarinnar og ferðir til mars."

1984 gerðist það í gosi í Gjástykki norðan við Kröflu, að myrkvuð jörðin rifnaði líkt og upp kom líkt og eldrauðir hnífsoddar, sem skárust æ lengra í gegn og sameinuðust í miklum eldvegg. 

Þetta var og er enn í fyrsta og eina sinn sem kvikmyndir hafa náðst af þessu fyrirbæri og í framhaldinu af því flóð hraunsins út úr sprungunni og jafnvel ofan í hana aftur!  

Sköpun jarðarinnar og rek meginlandsflekanna urðu þarna til svo að bæði var um að ræða minningar sjónarvotta og skýrar myndir. 

"Gjáin milli heimsálfa" á Reykjanesi syðra bliknar í samanburðinum. Engin samtímavitni né samtímamyndir. Gjáin sú arna er full af sandi og ekki er vitað upp á dag, hvað þá mánuð eða ár, hvenær þetta gerðist. 

Fyrir um tuttugu árum kom sendinefnd frá alþjóðlegum samtökum áhugafólks um marsferðir í könnunarferð til Íslands í leit að æfingasvæði fyrir komandi marsfara. 

Þeir afmörkuðu sér hugsanlegt æfingasvæði í þessari ferð. 

"Sköpun jarðarinnar og ferðir til mars" gæti orðið yfirskrift heimildarmyndar um Gjástykki.  

Jörðin skalf er þau tóku upp þætti á Íslandi

Litla gula hænan: "Ekki ég."

Nú liggur fyrir einróma samtakavilji ráðamanna jarðarbúa að hver um sig standi sig í því heima fyrir að koma í veg fyrir mðguleika til að taka á loftslagsmálum og auðlindamálum heima fyrir, og þar með almennt. 

Táknrænt var að uppgjafarfundurinn fyrir vandanum var haldinn í landi, þar sem stóri, stóri vandinn, skefjalaus mannfjölgun, er við völd sem aldrei fyrr. Skammt er í að Indland verði fjölmennasta ríki heims. 

Litla Ísland lætur ekki sitt eftir liggja í að blása í glæður mannfjölgunar og því meiri útblástur gróðurhúsalofttegunda, sem meira er tönnlast á loforðum um það gagnstæða. 

Blásið er í glæðurnar fyrir krónuna, minnsta gjaldmiðil heims, með því að stefna til nýrra hæða í einhverju mest mengandi fyrirbæris nútímans, siglingar og útgerð risa skemmtiferðaskipa. 

Löngum var sagan um litlu, gulu hænuna skyldulesning í íslenskum skólum.  

Hún lifir nú betra lífi en nokkru sinni fyrr. 

Vonsvikinn eftir loftslagsráðstefnu

Mjög góð og fjölbreytt samfelld reynsla af rafhjólum í átta ár.

Frá fyrstu ferðunum á rafhjóli 2015, sem spönnuðu vega- og gatnakerfið milli Akureyrar og Reykjavíkur og reykjavíkur og Hvolsvallar og Krýsuvíkur auk Gullnahringsins hefur reynslan af þeim verið miklu betri ren þorað var að vona í upphafi. 

Allan tímann hafa verið farnar ferðir víðsvegar um höfuðborgarsvæðið. 

Lengstu ferðirnar voru blandaðar með ferðum án fótanotkunar, og um þessar mundir er byrjað á vegum þessarE bloggsíðu að bæta við einni gerð af fjórum, rafhjóli með 25 km hámarkshraða og væntanlega allt að 130 km drægni án fótanotkunar og fullum 25 km hraða upp bröttustu brekkur.  

Hér á landi skortir kerfi fyrir  útskiptanlegar rafhlöður likt og finna má erlendis, en hafin er bylting í gerð rafhjóla í þeim efnum.  

Brekkur ekkert mál á rafmagnshjólinu