Þegar "þjóðarhagsmunir" brengla rannsóknir.

Slæmt er þegar raunverulegir eða ímyndaðir hagsmunir þjóða brengla eða skemma fyrir rannsóknum á flugslysum, því að aukið öryggi í flugi grundvallast á því að upplýsa um orsakir flugslysa.

Það eru miklir hagsmunir í veði fyrir Egypta að ekki falli blettur á öryggisgæslu í flugi þar í landi, því að ferðaþjónustan er snar þáttur í þjóðarbúskap þeirra.

Það var því áfall fyrir þá þegar Rússar bönnuðu flug rússneskra véla til Egyptalands fyrst eftir hrap rússnesku farþegaþotunnar 31. október sl. 

Það hentar hins vegar hagsmunum Rússa og Breta ef sannast að Ríki íslams hafi grandað þotunni.

Það er ekki nýtt að utanaðkomandi þrýstingur brengli flugslysarannsóknir, svo sem þegar malasísk farþegaþota var skotin niður yfir Úkraínu í fyrra og þegar þota fórst á dularfullan hátt yfir Miðjarðarhafi á sama tíma og þar stóðu yfir heræfingar vegna ógnar sem talin var getað stafað af brölti Gaddafis á þeim tíms.

Ekki hryðjuverkaárás

Stjórnmál eru list hins mögulega. "Svona gera menn ekki."

Stjórnmál eru list hins mögulega. Nú er svo að sjá að lög, lögfesting barnaverndarsáttmála Sameinuðu þjóðanna, hafi skyldað íslensk stjórnvöld til að veita tveimur veikum börnum aðstoð hér á landi frekar en að fara með þau og nánustu ástvini þeirra í lögreglufylgd eins sakamenn úr landi.

Í staðinn fyrir að lög um réttindi barna séu látin ráða, eru önnur lög og reglugerðir, fjandsamleg þessu fólki, látin ráða för.

Málið lyktar af mistökum í stjórnsýslu í andrúmslofti andúðar á útlendingum, sem viðkomandi ráðherra átti að vísu ekki beina sök á, en verður að vonast til að hún beiti sér fyrir að verði breytt eftir þeim leiðum sem hljóta að vera færar og hægt að fara, miðað við lög um réttindi barna.

Fræg urðu ummæli Davíðs Oddssonar forsætisráherra, þegar þáverandi fjármálaráðherra vildi láta ríkissjóð seilast í tekjur barna af útburði dagblaða.

"Svona gera menn ekki" sagði Davíð og málið var dautt. 

„Ég stend ekki þegjandi hjá“

Bumban (jumbo) er í raun 3ja hæða.

Flugvélarnar, sem við fjúgum í, eru yfirleitt tveggja hæða vegna þess að þversnið skrokksins er hringlaga af loftfræðilegum og burðarþolsfræðilegum ástæðum.

Í flestum tilfellum er gólf farþegarýmisins, sem verður, eðli máls vegna, að vera slétt og lárétt, svo að hægt sé að ganga á því, haft aðeins fyrir neðan miðju skrokksins, svo að setbreiddin verði eins mikil og mögulrgt er.

Þessvegna finna farþegar ystu sætum í Fokker 50 fyrir smá þrengingu úti við hlið vélarinnar.

Framleiddar hafa verið flugvélar með kassalaga skrokkum, svo sem Short Skyvan, Dornier 228 og Britten-Norman Islander, og voru tvær þær síðastnefndu notaðar hér á landium árabil.

Í þessum flugvélum var nýting rýmis innan í skrokknum afar góð, litið fór til spillis og Skyvan hentaði afar vel til vöruflutninga.

Talsvert rými fer til spillis í nær öllum flugvélum vegna hringlaga þversniðs skrokksins, einkum undir gólfi farþegarýmisins.

Þegar komið er yfir ákveðna stærð verður óhagkvæmni hringlaga skrokksins of mikil ef farþegarýmið er á aðeins einni hæð.

Þetta var leyst að hluta með því að koma fyrir viðbótar hæð á Boeing 747 og síðar á Airbus 380.

En báðar þessar "bumbur" (jumbo)eru í raun 3ja hæða með afar vannýtt farangursrými undir megin farþegarýminu.

Og í öllum flugvélum er, vegna takmarkana á möguleikum á þungadreifingu, mikið ónýtt rými aftast.

Langhagkvæmast og öruggast er að hafa sem mest af burðarþunga vélanna sem næst miðju þeirra og/eða í vængjunum.

Þess vegna eru eldsneytisgeymar yfrleitt í vængjum þeirra.

Í kringum 1930 framleddu Þjóðverjar flugvélar með svo stórum og þykkum vængjum, að hægt var að koma farþegum þar fyrir sem gátu horft beint fram út um bogadregna glugga!  

Nú er komin tækni til að hafa flugvélar gluggalausar og það á kannski eftir að gera enn betri rýmisnýtingu mögulega en hingað til.

 

Einkaleyfi á nýrri 2 hæða flugvél

Algengara og afdrifaríkara en margur heldur.

Gríðarlegir peningar eru í húfi hjá afreksíþróttamönnum, og það getur haft afdrifarík áhrif á atriði eins og þyngd keppenda, einkum þeim sem þurfa að vera léttari en ákveðin mörk sem sett eru fyrir einstaka þyngdarflokka.

Mismunandi reglur hafa gilt í gegnum tíðina í þessu efni og var áður fyrr tiltölulega stuttur tími látinn líða á milli vigtunar og keppni.

Þegar þessi tími var lengdur kom í ljós að margir keppendur gátu, eftir að hafa þyngst í mikilli þjálfun með tilheyrandi vöðvastækkun, komist í gegnum vigtunina með því að neyta lágmarks vökva fyrir hana.

Tíminn milli vigtunar og keppni var notaður til að bæta sér upp vökvatapið en oft kom í ljós að of langt hafði verið seilst við það að komast niður fyrir mörkin í vigtuninni, og þyngdarsveiflan einfaldlega of hröð og mikil.

Gat þetta stundum haft mikil áhrif á gang og úrslit í bardögum og á á mótum.

En fyrir keppendur skipti geysimiklu máli að standast kröfurnar um þyngd - annars var allt umstangið til einskis.

Til  eru dæmi um að hálfgert pjatt hafi haft afdrifarík áhrif á gang bardaga.

Á síðustu keppnisárum sínum var Muhammad Ali gagnrýndur fyrir að koma til sumra bardaga sinna illa þjálfaður og langt yfir sinni bestu bardagaþyngd.

Ali þurfti á einhverju jákvæðu að halda til að vekja áhuga á og fá góða aðsókn að endurkomubardaga sínum gegn nýjum heimsmeistara, Larry Holmes.

Í aðdraganda bardagans vakti athygli að Ali hafði ekki verið eins léttur og flottur á skrokkinn í mörg ár.

En strax í 2. lotu var eins og allur vindur væri úr honum og bardaginn varð einn hinn hinn ömurlegasti í sögu þungavigtarinnar.

Í ljós kom að Ali hafði tekið inn eins konar megrunarlyf, sem minnkaði vökva í líkama hans með afdrifaríkum afleiðingum.

 

 

 

 

Lést við að reyna að ná vigt

65 ára reynsla af hálfsannleika eða hvítri lygi.

Þegar ég fór að fylgjast af ástriðu með opinberri kappræðu stjórnmálamanna í kringum 1950 undraðist ég hve mikið gat borið á milli í meðferð stjórnmálamanna á tölum.

Eitt algengasta atiðið var það þegar annar aðilinn notaði á verðbólgutímum hráar krónutölur til að komast að niðurstöðu sem var augljóslega röng nema tölurnar væru uppfærðar eftir verðlagi.

Ég var svo barnalegur að halda að þetta væri eitthvað tímsbundið fyrirbrigði sem hlyti að rjátlast af mönnum í umræðu sem hlyti að þroskast, en 65 árum síðar virðist ekkert bóla á því.

Því síður virðist bóla á framförum varðandi val og meðferð á forsendum.

Nýjasta dæmið er hvernig fundið er út aö framlög til heilbrigðismála fari jaft og þétt stórhækkandi í krónutölu og að það sýni að geta, staða og þjónusta heibrigðiskerfisins fari ört batnandi og kerfið í heild hljóti vaxandi hlutdeild í þjóðarútgjöldum og sú hlutdeild sé með þeim hæstu í heiminum.

Þremur megin forsendum er sleppt í svona meðferð á tölum, verðbólgu, ört stækkandi hlutdeild aldraðra í fjölda landsmanna og dýrari tækni í meðferð, tækjum og lyfjum.

Hlutdeild heibrigðiskerfisins í þjóðarútgjöldum fer nefnilega minnkandi og er minni hér á landi en í mörgum OECD löndum. 

 

 

 

„Allir stjórnmálamenn ljúga“

Ekki er sopið kálið...

Orð eru til alls fyrst. Og í því ljósi verður að meta samkomulagið í París. Það er afgerandi munur á bindandi niðurstöðu Parísarráðstefnunnar og útkomunnar úr öðrum fundum um loftslagsmál fram að þessu.

Því ber að fagna. Án þessa samnings er ekki hægt að byggja aðgerðir á neinu.

Engu að síður eru þessar niðurstöður enn aðeins orð skrifuð niður á blöð.

Framkvæmdin er öll eftir.

Í fyrradag kvisaðist út að nokkur ríki, s.s. Argentína og Ástralía ætluðu sér að verða skúrkar meðal þjóðanna 195 með því að auka kolavinnslu á sama tíma og þau undirrituðu samninginn með hinni hendinni.

Fengu þær ákúrur vegna þessa.

Íslendingar hefðu líklega verið settir á bekk með þessum skúrkum ef það hefði vitnast að við værum búnir að gefa út bindandi leyfi til rannsókna OG VINNSLU OLÍU Á DREKASVÆÐINU. 

Um leyfið til vinnslunnar er þagað vendilega og ævinlega aðeins rætt um þetta mál eins og aðeins sé um rannsóknarboranir að ræða.

Síðan er eftir að sjá hvort Bandaríkjaþing eyðileggur þetta samkomulag eins og Kyoto bókunina á sínum tíma.

Ekki er sopið kálið fyrr en í ausuna er komið. 

 

Sjá:

https://youtu.be/y_rFz-gF5dg          Let it be done!

https://www.com/watch?v=ngCxOPXYGeQ     Aðeins ein jörð.

https://www.com/watch?v=mj3MeN9QgPk     Only one earth.

Sögulegt samkomulag í París

Af hverju eru ekki sambærileg laun borin saman?

Af hverju eru ekki sambærileg laun, heildarlaun, borin saman þegar borin eru saman launatekjur starfstétta eins og heibigðisstétta í mismunandi löndum og gerð úr þvi stærsta uppsláttarfrétt dagsins?

Eða grunnlaun borin saman við grunnlaun?

Þetta er ekki gert og spurningunni um launamun heilbrigðisstéttanna er því ósvarað.

 

Telja epli og appelsínur bornar saman

Milljónir flugfarþega 2019,- engir 1919.

Ferðafólk, sem streymir út og inn úr landinu á hverju ári, er talið í mörgum milljónum í flugi og hundruðum þúsunda á sjó.

Háværar raddir eru um það að vegna straums flóttamanna inn í Evrópu eigum við að "verja glatað fullveldi okkar" með því að segja okkur frá Schengen-samstarfinu og skella sjálf landinu í lás fyrir innflytjendum.

Jafnframt er því haldið fram að það sé nú munur, fullveldið 1918 eða glötun þess hundrað árum síðar.

Fullveldisákvæðið í smbandslagasamningnum 1918 var dýrmætt að því leyti að það tryggði Íslendingum rétt til að slíta konongssambandinu við Dani eftir 25 ár og taka þá öll völd yfir okkar málum.

Ekkert hliðstætt ákvæði hafði verið í Uppkastinu 1908.

Að öðru leyti var fullveldið 1918 takmarkað. Íslenskur Hæstiréttur kom ekki fyrr en 1920.

Danir fóru með utanríkismál og landhelgisgæslu 1918-1940. 

Langflest árin 1918-1941 var ekkert fug milli Íslands og annarra landa og komur erlendra skipa sárafáar. Engir flugfarþegar þá, milljónir nú.

Þjóðir Evrópu standa nú frammi fyrir svipuðu verkefni og þjóðir Norður-Ameríku stóðu frammi fyrir fyrir margt löngu: Að efla svo mjög vörslu ytri landamæra álfunnar að hún sé hámörkuð, en í staðinn sé að mestu frjálst flæði milli ríkjanna 50.

Að bera saman landamæravörslu Íslands 1919 og 2019 er út í hött. Við getum heldur ekki borið okkur saman við 200 sinnum öflugri og stærri þjóð eins og Breta, sem eru með eina öflugustu leyni- og öryggislögreglu heims. 

Það verður að horfast í augu við raunverulega stöðu og staðreyndir málsins núna, en ekki stöðuna fyrir 100 árum.

 

Tekur ESB yfir landamæri Íslands?

"Mesta bölið; þetta steingelda þras..."

Orð af þessu tagi notaði Halldór Laxness í umræðuþætti í Sjónvarpinu um stöðu íslenskrar menningar fyrir um 40 árum.

Honum blöskraði svo karp tveggja annarra rithöfunda í þættinum að hann líkti "þessu steingelda þrasi", sem búiö væri að tröllríða íslenskri menningu, við verstu plágur og harðindi fyrri alda, eldgos, hafís, hungur og  drepsóttir.

Hið versta við þetta fyrirbæri væri að það væri af mannavöldum.

Íslenska ríkisútvarpið hefur liðið fyrir þetta frá fyrstu tíð og spurning Nóbelskáldsins "á þetta engan enda að taka, þetta böl?" er enn í fullu gildi.

Röksemdafærslan fyrir pólitískum ráðningum hafa ævinlega verið þær sömu hjá öllum: Við neyðumst til að gera þetta til að koma í veg fyrir að HINIR misbeiti ekki valdi sínu þegar ÞEIR komast að. 

 

 

 

RÚV í gíslingu stjórnmálanna

100% ósigur að gefast upp fyrirfram og gera ekki neitt.

Andstæðingar ráðstefnunnar í París tala mikið um sjálfsuphafningu, eigingirni og aðrar slæmar hvatir sem liggi að baki hjá þátttakendum.

Sams konar tal má sjá í óvenju rætinni og ómálefnalegri persónulegri árás forsætisráðherra á Kára Stefánsson í grein í Fréttablaðinu í dag, sjá næsta blogg pistil á undan þessum.

Gera mikið úr þvi að úr því að vegurinn til vítis sé varðaður góðum fyrirhetum sé best að gera ekki neitt, loka augunum fyrir því að neitt sé að hjá jarðarbúum, og gefast fyrirfram upp fyrir vandamálum sem raski skammtímahagsmunum og ró augnabliksins hjá þeim sem hanast í núinu á því að ekkert sé gert.

Þeir tala um að vegurinn til vítis sé oft varðaður góðum fyrirheitum en vilja samt endilega að þessi að þessi vegur til vítis sé farinn undanbragðalaust.

 

Tengdar slóðir, "Aðeins ein jörð" - "Let it be done!" - "Only one earth":

 

https:www.youtube.com/watch?v=ngCxOPXYGeQ

https;//youtu.be/y_rFz-gF5dg

https:www.youtube.com/watch?v=mj3MeN9QgPk

 

Blóð, sviti og tár