Féllu á svipaðan hátt og fyrir Íslendingum. Byrjuðu vel en lutu í gras.

Enska landsliðið er sagt hafa lagt sig fram um að læra af mistökunum, sem leiddu til taps ess fyrir Íslendingum á EM. 

Meðal þess var mikið vanmat á íslenska liðinu og áberandi lítilsvirðing. 

Þeir ensku byrjuðu leikinn jafn vel og leikinn við Króata núna, skoruðu strax mark og héldu að þeir hefðu þetta allt í hendi sér. 

En það fór á aðra lund. Afburða vel stemmt, samhent og skipulagt íslenskt lið braut þá hægt og bítandi niður, jafnaði fljótt og vann að lokum sigur. 

Svipað gerðist í gær. Allt tal um þreytta Króata var kaffært. 

Í hálfleik töluðu skýrendur um að "gamli góði" enski boltinn væri endurfæddur í tærri mynd, því að þeir ynnu svo vel úr löngum sendingum fram. 

Í síðari hálfleik kom það þeim hins vegar í koll að hafa haldið, að hægt væri að vinna heilan leik á þennan hátt. 

Króatar fundu mótbragð, og smám saman greip úrræðaleysi um sig hjá Englendingum og sagan frá EM endurtók sig, það var ekkert plan b. 

Modric skaut á ensku pressuna

Hvað hefði Albert mátt segja?

Pælingar Ryan Giggs um Ronaldo og eftirsókn Ronaldos eftir meistaratitlum í mörgum löndum á ferli sínum, leiða hugann að Alberti Guðmundssyni, fyrsta atvinnuknattspyrnumanni Íslendnga. 

Albert varð fyrst þekktur erlendis fyrir alvöru fyrir að fara sem leikmaður Arsenal í fræga keppnisför þess liðs til Suður-Ameríku, varð síðan Frakklandsmeistari með Nancy og Ítalíumeistari með Inter Milan. 

Enginn veit hve langt hann hefði náð í viðbót ef þá hefði verið í gangi margþætt keppni í Evrópumeistaratitlu félagsliða og einnig keppni liða á heimsvísu. 

Ronaldo til Juventus vegna Messi