"...Kári í jötunmóð..." um hásumar. "Kveður kjarnyrt ljóð."

Það er bara til einn Kári Stefánsson, sem betur fer læknisfræðisnillingurinn.  

Viðtalið við hann á mbl.is sýnir vel, hve erfitt er fyrir afburða mann eins og hann að falla inn í þá mótsagnakenndu veröld, sem við búum í án þess að vera einfaldlega of stór fyrir hana. 

 

Nú er horft fram á að vinna stórvirki 13. júlí, ef mögulegt á að verða að komast hjá hörðu bakslagi við að hafa bönd á losun um hömlur varðand straum ferðafólks til og frá landinu.

Kári og hans fólk auk annarra, sem mest hefur mætt á, hefur verið í jötunmóð fram að Þessu á sviði skimananna, en hann lýsir því í viðtolum að miklu betur megi ef duga skal. 

Þetta verður spennandi ef komast eigi hjá því að syngja um hásumar: 

Nú er í frosti´á Fróni

flest hjá vorri þjóð. 

Kveður kjarnyrt ljóð

Kári´í jötunmóð.  

Kári: „Við höfum borgað“

Skiljanleg útgáfa My Hometown komin. Líkt og Bjössi og Sjana í den.

Heyrði útundan mér á ferðalagi í morgun lagið Húsavík- My Hometown úr Eurovision Song Contest spilað á Rás 2 með íslenskri söngkonu sem býr í Englandi, ef rétt var heyrt. 

Vel sungið og farið skýrt og vel með textann. 

Þetta er fróðlegt í kjölfar umræðunnar um það hve erfitt sé að skilja sumt í myndinni, þar á meðal söngtexta.  

Það er svo sem fjarri því að vera nýtt fyrirbæri að keppst sé við að syngja vinsæl lög til vinsælda hér á landi, og má sem dæmi nefna erlenda lagið Poppa Piccolino, sem ítalski stórsöngvarinn Benjamino Gigli kom efst á vinsældalista víða um lönd upp úr 1950, meðal annars hér á landi.

Fyrr en varði sungu Haukur Morthens og Svavar Lárusson lagið með íslenskum textum inn á plötur og kepptu um vinsældirnar heilt sumar.

Haukur söng um Bjössa á Mjólkurbílnum en Svavar um Sjönu síldarkokk. Haukur hafði betur, en höfundur texta gat vel við unað, hvernig, sem fór, því hann var einn og sami maðurinn, Loftur Guðmundsson ! 

 

 

 

„Husavik“ og „Ja Ja Ding Dong“ í eyrum landsmanna