Íbúar Sovétríkjanna norðan heimskautsbaugs fengu ókeypis ferð til Krím.

Árið 2006 sagði Rússi, sem hafði verið á Íslandi um tíma og veitti Íslendingi leiðsögn í Rússlandi í fjögurra daga ferðalag, að Moskva gæfi engan veginn rétta myhd af þessu langstærsta landi heims. Ferðalagið var farið í mars í rússneskra vetrinum frá Moskvu til bæjarins Demyansk sem er við Valdaihæðir um 300 kílómetra norðvestur af Moskvu. 

Eftir ferðalagið var Rússinn alveg sérstaklega þakklátur fyrir að hafa farið þessa ferð, því að hann hefði aldrei áður komist þetta langt út í rússnesku víðáttuna. 

Ferðin staðfesti lýsinguna hinum gríðarlega mun á Moskvu og hinu næstum því óendanlegu dreifbýli landsins og rímaði vel við ferð til Murmansk um Kolaskaga haustið 1978.  

Murmansk liggur norðan heimskautsbaugs og minnti um margt á aðstæður á Íslandi þrjátíu árum fyrr á skömmtunarárunum í kringum 1948, ófrágengnar götur og fornfálegir vörubílar að flytja verkamenn á bílpöllunum.  

En eitt stakk í stúf við þetta. Hið alltumlykjandi sovétkerfi með kúgun og knöppum kjörum bjó yfir því óvenjulega framtaki, að allir sovétborgar, sem byggju fyrir norðan heimsskautsbaug, fengju að fara ókeypis á kostnað ríkisins í eina sovéska sólarlandaferð til Krím á ævinni! 

Rökin voru þau, að þessi sérréttindi rússneskra norðlendinga væru sanngjörn til að bæta þeim upp langa, dimma og kalda vetur öll hin árin. 

Bjóða öllum starfsmönnum til Tenerife

Gífurlegir náttúrukraftar á syðsta hluta landsins.

Náttúrukraftarnir, sem eru jafnan í gangi á syðsta hluta landsins frá Jökulsá á Sólheimasandi og austur fyrir Kirkjubæjarklaustur, eru afar stórir og fjölbreyttir. 

Í Kötlugosinu 1918 myndaðist Kötlutangi, syðsti hlutinn, af framburði hamfaralhlaups einum saman þar sem áður var sjávardýpi.  

Fyrir neðan Höfðabrekku byggði hamfarahlaupið upp stóra malaröldu, þar esm nú er flugvöllurinn, og fékk þetta fyrirbæri heitið Höfðuabrekkujökull vegna þess sem ís var mikill hluti af framburði hlaupsins. 

Síðan þá hefur verið gerður upphleyptur "varnargarður" milli öldunnar og fyrrum strandlengju, sem var skammt norður af, en það sýnir stærðirnar, sem um fer að ræða, að varnargarðurinn er lægri en sandbúlkinnn sjálfur sem var nýmyndun 1918. 

Rætt er um að stækka þennan varnargarð til þess að hamla gegn því að hamfaraflóð úr hugsanlegu Kötlugosi valdi þeim mikla usla, sem slík flóð valda, en enginn veit hve stórt slíkt flóð getur orðið.  

Sandflutningar án goss geta orðið gríðarmiklir eins og dæmin frá því núna og frá 1994 sýna. 

Mesta sandfokið í 28 ár