Hekla og Grímsvötn líklegri en Eyjafjallajökull?

Það liggur fyrir að tími sé kominn á Heklu og sömuleiðis að eldvirkni á svæðinu Grímsvötn-Bárðarbunga hafi farið vaxandi og líkur aukist á eldsumbrotum þar. 

Gos í norðaustanverðum Vatnajökli gæti orðið afdrifaríkara en gos í Eyjafjallajökli vegna hættu á hamfaraflóðum niður í virkjanakerfið á Tungnaár-Þjórsársvæðinu eða norður í Jökulsá á Fjöllum.

Öxullinn Bárðarbunga-Grímsvötn er miðja eldvirka beltisins sem gengur frá suðvestri til norðvesturs um Ísland og þar með miðja möttulstróksins sem er undir landinu og er annar hinum tveimur stærstu í heimi.

Hinn er undir Hawai.

Myndin, sem fylgir þessum pistli er tekinn af Bárðarbungu í leiðangri Jöklarannsóknarfélags Íslands á Vatnajökul í fyrravor og sést yfir Vonarskarð til Tungnafellsjökuls, Sprengisands og Hofsjökuls. 

 

Jarðskjálfti við Bárðarbungu

Athugasemdir

[Lesandi (IP-tala skráð) 12.3.2010 kl. 21:53]

Var sukkan að hita sig... ekkert hudd...

[Ómar Ragnarsson, 13.3.2010 kl. 14:08]

Þessi minnsti jöklajeppi á Íslandi er með vatnskassa og kælikerfið sem miðast við 45 hestafla vél, en í Súkkutítlunni er 101 hestafla Suzuki Swift vél sem er þó léttari en jeppavélin.

Vandamálið var auðleyst enda verkfræðisnillingurinn Jónas Elíasson með í för. Við tókum húddið af og settum það inn í bílinn og síðan gat maður þeyst áhyggjulaus um allan jökulinn.

Eins og sést á myndinni eru förin eftir 38 og 44 tommu jeppana mun dýpri en eftir Súkkuna og þarna festi Landcruiserinn sig þótt Súkkan ætti í engum vandræðum.

Efst til vinstri á myndinni er rammi með orðinu leita og þar getur þú fundið þrjá pistla um þessa ferð.