Íslands þúsund ár

24.3.2010 | 21:52

Skynsamleg ákvörðun. Myndir.

Ég tel ákvörðun Almannavarnarnefndar um gönguleyfi upp á Fimmvörðuháls á eigin ábyrgð skynsamlega.

Gildir vonandi líka um vélsleða.

Ég hef nú flogið fram og til baka við eldstöðina í tvo daga og fór upp Fimmvörðuháls í nótt.

Efstu myndirnar hér á síðunni eru teknar úr norðvestri, fyrst yfir Fljótshlíðina í átt tll eldstöðvarinnar, en síðan er mynd, sem sýnir, talið frá vinstri, Almenninga, Húsadal, Þórsmörk, Goðaland og Fimmvörðuháls.

Þar sést gufumökkurinn við stóran hraunfoss ofan í Hrunagil en hægra megin við hann nýja eldfellið, svart á lit.

Fólk þarf að gæta að vindátt og finna út frá henni hvar askan fellur.

Þá getur verið gott að hringja í veðursímann, 9020600 og velja númer 5, flugveðurlýsinguna. Þar er sagt hver vindáttin sé í 1500 metra hæð sem er aðeins lægri en Eyjafjallajökull.

Einnig velja 2 og síðan 3, en þá heyrist spá fyrir Suðurland.

Sérstakasta fyrirbrigði þessa goss finnst mér vera hraunfossinn niður í hina djúpu Hrunagjá, en hann sést á einni af myndunum, sem ég tók í dag og birti hér á síðunni.

Líkast til um 200 metra hár.

Á fyrstu myndinni er horft yfir Almenninga, Þórsmörk og Goðaland og gufumökkurinn efst úr Hrunagjá er vinstra megin en nýja eldfellið síðan svart hægra megin.

Neðstu myndirnar eru teknar á flugi fyrir sunnan eldstððina.

En í lokin:

AÐVÖRUN!

Þar sem hraunið bræðir fönnina svo að úr verður mikill gufusvelgur er STÓRHÆTTULEGT AÐ KOMA OF NÁLÆGT.

Þetta sáu menn í dag þegar mikil gufsprenging varð þar og grjót þeyttist yfir svæði sem fólk stóð á rétt áður.

	Heimilt að ganga á Fimmvörðuháls
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Breytt s.d. kl. 22:00 | Facebook

Athugasemdir

Ómar þú vonandi ferð sjálfur varlega. Anton Emil Albertsson sýnir mjög greinilegt kortaf hugsanlegri slóð hraunstraumsins og er með vangaveltur um hvað gæti gerst í nánustu framtíð. Fróðlegt að líta á það.

http://emilhannes.blog.is/blog/emilhannes/entry/1034331/#comments

Sigurður Ingólfsson, 24.3.2010 kl. 22:30

Biðst forláts á nafnabrengli. Þetta er blog Emils H. Valgeirssonar sem ég átti við.

Sigurður Ingólfsson, 24.3.2010 kl. 23:46

Ég bý að reynslu af 21 gosi og er raunar smeykari við að rekast á aðrar flugvélar þegar mikil umferð er á gosstöðvum.

Ómar Ragnarsson, 25.3.2010 kl. 00:44

Spurning um að virkja þennan hraunfoss

Gunnar Th. Gunnarsson, 25.3.2010 kl. 00:50

Já, minnir mig á það þegar hreppsnefndarfundur var í Biskupstungum og Hekla byrjaði að gjósa.

Nefndarmenn fóru út á hlað og störðu á fjallið loga stafna á milli og eldi og svörtum reyk.

Þá andvarpaði einn bóndinn: "Ó, hvílík óbeisluð orka! Hugsið ykkur hvað hægt væri að brennimerkja

marga hrúta með þessu!"

Ómar Ragnarsson, 25.3.2010 kl. 07:23

Það er óneytanlega alltaf spennandi að fylgjast með eldgosum, en jafnframt þurfa menn að vera mjög meðvitaðir um hvað getur skeð.
Þess vegna þarf að vera eitthvert skipulag á ferðum fólks þarna upp að eldstöðvunum og gera þarf fólki ljósar allar hætturnar, en að sjálfsögðu eru menn á eigin ábyrgð.

Þarna gæti orðið sprengigos án mikils eða nokkurs fyrirvarða, en þannig varð Víti í Kröflu til árið 1724.
Þú þekkir það líka Ómar að stundum stóð tæpt í Kröflueldum að menn gætu forðað sér undan hraunstraumi.

Stefán Stefánsson, 25.3.2010 kl. 08:58