Voru Geirfinnur og Guðmundur drepnir?

Áratugum saman var þeirri kenningu haldið á lofti að bandarískur eiginmaður Rögnu Esther Gavin hefði drepið hana og þess vegna hefði hún horfið og ekki fundist.

Nú kemur í ljós eftir allan hennan tíma að hún var sprelllifandi allt fram til ársins 2002 en hafði ekki verið drepin.

Í hálfan fjórða áratug hefur það verið skráð sem staðreynd að nokkrir menn hafi drepið bæði Guðmund Einarsson og Geirfinn Einarsson með næstum því árs millibili.

Ef við berum saman þessi tvö mál kemur eftirfarandi upp ef við setjum stafina GG við annað málið og R við hitt þegar við reynum að finna rök fyrir kenningunni um morð:

Lík:               GG: Hvorugt fundið.    R: Fundin gögn um að manneskjan var ekki myrt og lifði lengi.

Ástæða:        GG:  Engin.                 R: Ofbeldi og morðhótun.

Morðvopn:     GG:  Ekkert.                R: Í eigu hins ásakaða en ekki sannað að hafi verið notað.

Látum vera að einhverjir hafi verið sakaðir um að drepa annað hvort Guðmund Einarsson eða Geirfinn Einarsson.

En í hnúkana tekur þegar sama fólkið er ákært og dæmt fyrir tvö morð, sem engar hlutlægar sannanir liggja fyrir um að hafi verið framin.  

Ég hef stundum svarað í hálfkæringi, þegar spurt hefur verið hvert gæti orðið hámark ferils íslensks fréttamanns.

Svar mitt hefur verið þetta:

Það væri að standa í beinni útsendingu við dyr í Leifsstöð og segja þegar tveir menn ganga saman út um dyrnar:

"Gott kvöld. Hér er ég staddur í anddyri Leifsstöðvar í einhverri stórkostlegustu beinu útsendingu í sögu sjónvarps á Íslandi. Hverjir haldið þið að komi ekki gangandi þarna út um dyrnar aðrir en Geirfinnur Einarsson og Guðmundur Einarsson?!  Ég æltla að vinda mér að þeim og spyrja: Strákar, hvar hafið þið verið í öll þessi ár?  

Hvarf en dó ekki

Athugasemdir

[Þorsteinn Briem, 1.9.2012 kl. 21:22]

2.12.2009:

"37 Íslendingar hafa horfið sporlaust hér á Íslandi frá árinu 1970 [einn á ári að meðaltali].

Allt eru þetta karlmenn og þrjú málanna tengjast hugsanlegum sakamálum."

"Í svörunum kemur fram að séu mannshvörf á sjó ekki tekin með í reikninginn, sé fjöldi horfinna á landi, í fossum og vötnum síðustu 39 ár 37."

"Meðalaldurinn við hvarf er 34 ár."

[Jónatan Karlsson, 1.9.2012 kl. 21:36]

Sæll Ómar

Þetta er laukrétt staðhæfing hjá þér. Líf sakborningana og aðstandenda þeirra í G & G málunum var sannarlega tekið frá þeim og samanburðurinn á þessum málum er sannarlega óþyrmilega rökréttur. Rannsakendur, löggæsla, fangaverðir og dómarar í órökréttum spuna Guðmundar og Geirfinnsmálsins, eiga sannarlega bágt skilið. Fyrir þá sem vilja rifja upp eða kynnast þessari illu ásýnd íslensks réttarfars, þá má nálgast ágæta samantekt Tryggva Hübners hér: www.mal214.com

[Kolbrún Hilmars, 1.9.2012 kl. 23:30]

Stóra spurningin hefði alla tíð átt að vera; Af hverju voru þessi tvö mannshvörf tengd saman?

Hvorugur mun ganga um komudyr Leifsstöðvar, en það er ekki sök Leifsstöðvar sem var ekki einu sinni til á teikniborðinu í þá tíð.

[Eintrjáningurinn (IP-tala skráð) 2.9.2012 kl. 08:58]

Þér er greinilega farið að förlast Ómar. GG-málin eiga ekkert sameiginlegt með máli þessarar Rögnu. Í GG-málunum lágu fyrir játningar um að morð hefði verið framið. Þær voru að vísu dregnar til baka, en þó ekki allar. Í hvoru máli fyrir sig var a.m.k. einn aðili sem ekki dró framburð sinn til baka. Þá var haft eftir Sævari að það væri ekkert mál að láta fólk hverfa á Íslandi. Hér er annars góð samantekt um málið: http://www.pressan.is/pressupennar/Lesa_Brynjar/gudmundur--og-geirfinnsmalid-i-hnotskurn

[Þorsteinn Briem, 2.9.2012 kl. 10:27]

"Málið snýst ekki um afturköllun játninga, heldur að játningarnar í málinu virðast hafa verið samdar af rannsóknaraðilum og togaðar út úr sakborningum með pyntingum.

Rannsakendurnir sýndu nefnilega fram á með óyggjandi hætti að þeir gátu fengið sakborninga til að játa hvaða þvælu sem var með því að fá þá alla í einangrun til að játa útgáfuna sem varð til að fjórir saklausir menn voru hnepptir í gæsluvarðhald mánuðum saman.

Það er líka fáránlegt, eins og bent hefur verið á, að hamra á því að það þurfi ný sönnunargögn til að málið verði tekið upp aftur, því það voru einmitt aldrei nein sönnunargögn í málinu.

Að krefjast nýrra sönnunargagna er að snúa sönnunarbyrðinni við og ætlast til að sakborningar finni gögn sem sanni sakleysi þeirra."

Geirfinnsmálið, Brynjar og réttarríkið

[Jónatan Karlsson, 2.9.2012 kl. 10:34]

Svar til Eintrjánings.

Þetta dulnefni þitt gæti bent til að þú sért dálítið einn á báti. Það held ég líka að eigi við um skoðun þína á réttmæti dómsins með tilvitnun þinni í yfirklór og réttlætingu formanns lögmannafélagsins á höfnun endurupptöku málsins. Ég er þó auðvitað ekki að segja að þið séuð einn og sami maðurinn. Ég sé engin merki þess að lífs- listamanninum Ómari Ragnarssyni sé farið að förlast flugið, heldur þvert á móti og hvet ég þig og aðra, enn og aftur að kynna sér staðreindir G & G mála á vefnum: www.mal214.com

[Þorsteinn Briem, 2.9.2012 kl. 11:19]

15.9.1976:

"Karl Schütz kom hingað til lands fyrir nokkrum vikum að ósk rikisstjórnarinnar í þeim tilgangi að veita aðstoð við rannsókn Geirfinnsmálsins og Guðmundarmálsins."

Alþýðublaðið 15.09.1976

Ráðuneyti Geirs Hallgrímssonar 1974-1978

[Þorsteinn Briem, 2.9.2012 kl. 11:36]

"Karl Schütz var að eigin sögn sérfræðingur í að "vernda æðstu ráðamenn Sambandslýðveldisins og upplýsa mál sem vörðuðu öryggi ríkisins".

Þegar hann var farinn af landi brott lýsti hann því yfir í viðtali við þýskt síðdegisblað að meðferð gæsluvarðhaldsfanganna hafi minnt sig á blómatíð nasismans í Þýskalandi og að hlutdeild hans í málinu hafi bjargað íslensku ríkisstjórninni."

Hliðverðir dómsmorðs? - Greinasafn Sigurfreys

[Þorsteinn Briem, 2.9.2012 kl. 11:45]

Undir sönnunarbyrðinni - William O'Connor

[Jónatan Karlsson, 2.9.2012 kl. 13:04]

Þakka þér Steini fyrir sérlega vandaða og yfirgrips mikla greiningu á gögnum þessa ljóta máls.

[imric (IP-tala skráð) 2.9.2012 kl. 15:07]

Vá!!

 Rest in peace Umbi Roy!