Hernaður stóriðjunnar gegn landinu og afvegaleiðandi fyrirsagnir.

Svonefnd mannvirkjabelti þvert yfir hálendið með tilheyrandi risaháspennulínum, vegum, virkjunum og öðrum mannvirkjum munu endanlega stúta hálendinu sem einstæðu og heillandi ósnortnu víðerni.

Skiptir þá engu þótt jöklarnir verði friðaðir því að mannvirkjabeltin munu blasa við af öllu hálendinu og gera það ómögulegt að ferðast um nokkurt svæði þar öðru vísi en að þessi mannvirki varði veginn og blasi alls stðar við.

55,7 þeirra sem tóku afstöðu í skoðanakönnun eru andvíg þessum beltum en 44,3 fylgjandi.

En tveir fjölmiðlar sneiða fram hjá þessu með afvegaleiðandi fyrirsögnum í dag og það er ekki síður umhugsunarefni að bæði mbl.is og ruv.is gera það að aðalatriði máls í fyrirsögnum sínum að aðeins þriðjungur þeirra sem spurðir voru voru andvígir mannvirkjabeltnum, en af því mætti ráða að beltin nytu yfirburða stuðnings landsmanna eða 2/3.

Svo er þó ekki þegar rýnt er í tölur og textinn lesinn áfram, heldur er aðeins rúmur fjórðungur landsmanna fylgjandi þeim en 35,5% taka ekki afstöðu.

Þegar fjölmiðlar segja frá atkvæðagreiðslum eða skoðanakönnunum, til dæmis um fylgi flokka, eru þeir ekki taldir með sem taka ekki afstöðu þegar meginniðurstöðurnar eru settar,, heldur aðeins þeir, sem taka afstöðu og þannig fæst út hvernig fylgið er.

Annars væri hætta á því að til dæmis yrði sagt í fyrirsögn að Sjálfstæðisflokkurinn nyti aðeins 23j% fylgist og Samfylkingin 12% og í fréttaflutningi af þessu máli er allt í einu notuð svona úrvinnsla.

Hið rétta er að ríflegur meirihluti þeirra, sem tók afstöðu, er andvígur mannvirkjabeltunum, eða, eins og Bylgjan sagði frá því: "Fleiri eru á móti en með..." 

Flest fólk les einungis fyrirsagnir fjölmiðlanna og orðalag fyrirsagna verður því að vera þannig, að aðalatriði mála komi þar rétt fram.

Þriðjungur andvígur háspennulínu

Athugasemdir

[Guðjón Sigþór Jensson, 2.10.2012 kl. 12:39]

Svo er verið að agnúast út í lúpínua og skógrækt!

Tek undir að háspennulínur trufla meira í landslaginu en gróður jarðar.

Góðar stundir!

[Ómar Ragnarsson, 2.10.2012 kl. 13:08]

Það er ekki aðeins pressað á háspennulínur, heldur líka virkjanir og allt sem fylgir þeim. Um leið og búið er segja "mannvirkjabelti" er leiðin opnuð.

[Þorsteinn Briem, 2.10.2012 kl. 13:31]

2.10.2012 (í dag):

"Rúmur þriðjungur almennings er andvígur fyrirhugaðri háspennulínu Landsnets yfir hálendið um Sprengisand en nokkru færri, eða 28,6%, eru henni fylgjandi.

Þetta kemur fram í könnun sem Capacent Gallup vann fyrir Landvernd.

Í tilkynningu frá Landvernd segir að í könnun sem Capacent Gallup gerði fyrir tæpu ári reyndust 56% hlynnt því að þjóðgarður yrði stofnaður á miðhálendinu en 17,8% voru því andvíg.

Lítill stuðningur er því meðal almennings við virkjanaáform og byggingu háspennulína á hálendinu."

Lítill stuðningur við mannvirkjagerð á hálendinu

[Áki Snorrason (IP-tala skráð) 2.10.2012 kl. 14:13]

Það myndi alveg eyðileggja ásýnd sprengisands , og skemma útsýnið á stóru svæði þar í kring ef það kemur háspennulína þar yfir.

Keyrði Kaldadal og veginn þaðan yfir í Hlöðufell og síðan niður að Laugavatni fyrir skömmu. Ömurlegt að sjá háspennulínur sitthvorumegin við vegin á stórum kafla. Svo slæmt þar að það er ekki einu sinni hægt að hlusta á "Gufuna" nema með skruðningum og látum vegna áhrifa háspennulínana þar.

Það eyðileggur algjörlega náttúru upplifunina hjá ferðamönnum að fá slíka línu meðfram öllum sprengisandsvegi.

Bara eyðilegging og ekkert annað.

[Úrsúla Jünemann, 2.10.2012 kl. 15:41]

Þarna er að plana óafturkræf skemmdarverk, óafturkræf! Afkomendur okkar munu dæma okkur fyrir þetta. Gera menn sér ekki grein fyrir því hve mikið verðmæti við erum að fórna fyrir stundagróða?

[Jón Logi (IP-tala skráð) 2.10.2012 kl. 16:28]

Þarna ætti fyrirsögnin að vera:

"MEIRIHLUTI ANDVÍGUR HÁSPENNULÍNU"

Hvað heitir blaðamaðurinn, það mætti kannski flagga nafninu hans aðeins á netinu!

[Kristinn Pétursson, 2.10.2012 kl. 16:34]

Ef fram færi hugmyndasamkeppni um hvað þetta gæti litið snyrtilega út að verki loknu og engin mengun vegna vegaryks og eða drullupolla - þá gæti alla vega farið fram upplýst umræða um málið.

Hvernig getur farið fram "upplýst umræða" - ef  ekki má  hafa heilbrigða samkeppni um best rökstuddu niðurstöðuna -  á hvað forsendum á þá að ræða málið.

Hugsum okkur að virkjun í Svartsengi hefði fengið svona  málsmeðferð eins og úrsúla hefði viljað ... "að plana óafturkræf skemmdarverk"....  Það eru engin verðmæti í drullu,  rykmekki  og ónýtum vegum sem eyðileggja  alla bíla.

Ef "skemmdarverkið" Svartsengi hefði aldrei verið virkjað - væru íbúar Reykjaness með dýrara rafmagn - mynd kynda með olíu - (miklu dýrara) og ekkert Bláa lón á svæðinu...

[Þorsteinn Briem, 2.10.2012 kl. 17:01]

Hafa menn verið á móti öllum orkuverum hér á Íslandi?!

"Orkuverin í Svartsengi hafa verið byggð upp í áföngum. Það fyrsta (orkuver 1) var byggt á árunum 1977–1979 og það síðasta (orkuver 6) var byggt á árunum 2006–2008."

[Þorsteinn Briem, 2.10.2012 kl. 17:04]

23.3.2011:

"Landsvirkjun og Evrópski fjárfestingarbankinn (EIB) skrifuðu í dag, 23. mars, undir nýjan lánasamning að fjárhæð 70 milljónir evra, að jafnvirði 11,3 milljarðar króna.

Lokagjalddagi lánsins er á árinu 2031 og ber lánið millibankavexti, auk hagstæðs álags.

Í lánasamningnum er ákvæði um lágmarks lánshæfiseinkunn ríkissjóðs.

Lánið er mikilvægur áfangi í fjármögnun Búðarhálsvirkjunar en Landsvirkjun undirritaði sambærilegt lán frá Norræna fjárfestingarbankanum þann 16. mars síðastliðinn að fjárhæð 70 milljónir Bandaríkjadollara [um níu milljarðar króna]."

[Þorsteinn Briem, 2.10.2012 kl. 17:19]

Eldvirkni hérlendis er bæði góð og slæm fyrir til dæmis íslenskan landbúnað og ferðaþjónustu en kostirnir eru mun meiri en ókostirnir.

Gjóska í íslenskum sem erlendum jarðvegi, til að mynda við Eyjafjöllin, þar sem nú er stunduð kornrækt, og á Suðurlandsundirlendinu, sem er eitt frjósamasta landsvæðið hér, er góð fyrir jarðveginn.

Þar að auki eru hér mörg hundruð gróðurhús vegna eldvirkninnar hérlendis og við seljum hér erlendum ferðamönnum íslenskar landbúnaðarafurðir í stórum stíl í verslunum og veitingahúsum.

Erlendir ferðamenn koma hingað aðallega til að sjá og njóta eldvirkra svæða á mótum Ameríku- og Evrópuflekans, til að mynda á Reykjanesskaganum, þar sem stunduð var kornrækt á Landnámsöld.

Á flekamótunum eru til dæmis Bláa lónið, Þingvellir, Hveragerði, Hekla, Vestmannaeyjar, Þórsmörk, Landmannalaugar, Katla, Askja, Mývatn, jarðböðin í Mývatnssveit, Ásbyrgi og Dettifoss. Og hvað væri íslensk ferðaþjónusta án allra þessara staða?!

Við fáum heitt vatn úr jörðu vegna eldvirkninnar hér og það sparar okkur Íslendingum að minnsta kosti 20 milljarða króna á ári í olíukaup, auk þess sem 27% af öllu rafmagni hér, 2.630 GWst, var framleitt með jarðgufu árið 2006.

[Þorsteinn Briem, 2.10.2012 kl. 17:46]

Raforkuvinnsla hér á Íslandi árið 2008 var 16,467 GWh og hafði þá aukist frá árinu áður um 37,5%.

Og notkunin á íbúa jókst úr 38,5 MWh í 51,6 MWh.

Árið 2002 varð raforkunotkunin hér sú mesta í heiminum á mann en áður hafði hún verið mest í Noregi.

Með Fjarðaáli jókst raforkunotkun stóriðju verulega árið 2008 og hlutur hennar fór þá í 77% af heildarnotkuninni.