"Tveir í Tungunum..."

 Nú funda þeir Sigmundur Davíð og Bjarni Ben í Biskupstungum. Þar í sveit er þetta nú sungið: 

 

Þeir eru tveir í Tungunum

og til í hvað sem er, 

hundleiðir á heimilum

sem hæst nú barma sér. 

Eftir fjögur ár í forinni 

þeim finnst þeir verðskulda

að horfa´úr stjórnarhöllinni

yfir höfuðborgina. 

 

        Þeir eru útbelgdir á ýmsum stöðum, 

        en nú reyna mjög sættir,

        klofnir upp að herðablöðum, 

        hávvaxnir og langfættir. 

        Ánægðir og ósammála, 

        allt þó fari´í keng, 

        Valdaþyrstir víkingar 

        í voðalegum spreng. 

        

Í snjóhengjunnar öngþveiti

þeir æða á krónufar 

og hamstra hundruð milljarða 

af hrægömmunum þar. 

 Simmi Gunnlaugs glennir sig

í grimmum skuldaræl, 

rennur svo´á rassgatið 

við að redda´öllu með stæl. 

 

        Þeir hafa auma bletti´ á ýmsum stöðum, 

        en þó bera sig mjög vel,

        Klofnir upp að herðablöðum,

        hæfir þarna kjaftur skel, 

        ánægðir og ósammála, 

        allt þó fari´í keng, 

        valdaþyrstir Vafningar 

        í voðalegum loforðaspreng ! 

      

  

 

Viðræður áfram í Biskupstungum

Athugasemdir

[Sigurður Kristján Hjaltested (IP-tala skráð) 9.5.2013 kl. 20:50]

Góður Ómar, eins og ávallt.

[Eiður (IP-tala skráð) 9.5.2013 kl. 21:26]

Ekki lengi að því, sem lítið er, félagi!

[Þorsteinn Briem, 9.5.2013 kl. 21:58]

Tolla saman á tungunum,
tæma loft úr lungunum,
þrútnir nú af þungunum,
á þingi brátt með ungunum.

[Sigurgeir Jónsson, 10.5.2013 kl. 11:24]

Stundum hæfir kjaftur skel,

strini.br. og Eiður

Bjarni er góður, hann ég vel,

Ómar kjaftagleiður.

[Sigurgeir Jónsson, 10.5.2013 kl. 11:27]

Á að vera steini.br.

[Þorsteinn Briem, 10.5.2013 kl. 11:40]

Svarta gallsins Sigurgeir,
sauður er hann, kall úr leir,
úr hausnum tóku heilann þeir,
hrafnar krunka þar nú tveir.

[Þorsteinn Briem, 10.5.2013 kl. 13:40]

Hún er fögur humaræta,
heimilin vill Arna bæta,
alla daga varir væta,
vín og humar okkur kæta.

Formaður Heimdallar - Ég trúi því að sjálfstæðismenn sjái til þess að við getum keypt hvítvín með humrinum

[Jón Logi (IP-tala skráð) 10.5.2013 kl. 16:40]

Er ekki humarinn dýrari en hvítvínið :D

[Þorsteinn Briem, 10.5.2013 kl. 17:49]

Ungfrú Heimdallur lítur að sjálfsögðu ekki við öðru hvítvíni en Beringer Napa Valley Sauvignon Blanc og 750 ml flaska af því kostar þrjú þúsund krónur í Ríkinu.

[Guðjón Sigþór Jensson, 10.5.2013 kl. 18:31]

Flottar gamanvísur.