"Skíðun", fráleitt nýyrði.

Í frétt um alvarlegt slys, sem Michael Shumacher lenti í, er notað í fyrsta sinn svo að ég viti orðið "skíðunarbraut". Orðið "skíðun" hef ég aldrei heyrt fyrr eða séð á prenti.

Hingað til hafa verið notuð orð eins og skíðasvæði, skíðabrautir eða skíðagöngubrautir, og talað um að keppnisfólk falli í brautunum, en skíðunarsvæði væri í fyrsta lagi fráleitt orð og auk þess mun lengra en orðið skíðasvæði.

Hvað fáum við að sjá eða heyra næst?

Ökunarbraut í staðinn fyrir akstursbraut?

Flugunarbraut í staðinn fyrir flugbraut.  

Ríðunargata í staðinn fyrir reiðgata?

 

Schumacher höfuðkúpubrotinn

Athugasemdir

[Þorsteinn Briem, 30.12.2013 kl. 01:21]

Kappríðing - Føroya Ríðingarfelag

[Þorsteinn Briem, 30.12.2013 kl. 05:18]

Tuttugu dæmi um orðið skíðun - Íslenskur orðasjóður

[Gunnar Heiðarsson, 30.12.2013 kl. 06:13]

Sögnina að skíða þekki ég vel. Sennilega hefur mér verið innprentað þetta orð í barnaskóla, en skólastjórinn minn hét Sigurður Guðmundsson, einn þeirra sem rak skíðamiðstöðina í Kerlingafjöllum. Hann notaði þetta orð. Þetta var á sjöunda áratug síðustu aldar.

[Jóhannes Laxdal Baldvinsson, 30.12.2013 kl. 08:28]

Gísli Málbein myndi sennilega beygja sögnina að skíða

skíða - skeið - skiðum - skiðið

eða þannig

[Jón Logi (IP-tala skráð) 30.12.2013 kl. 14:10]

Tetta endar med tví ad vid tolum allir föroysku.....