Forgangsröðun í flugi: Nr. 1: Að halda vélinni fljúgandi.

Hver getur verið ástæða þess að þota geti horfið? Þessarar spurningar er spurt í tengdri frétt á mbl.is.

Svarið gæti verið fólgið einu helsta frumatriði flugs sem kennt er strax í upphafi flugnáms, ákveðinni forgangsröðun í stjórn flugvélar. Efst á blaði er það að halda vélinni fljúgandi allan þann tíma sem hún er á lofti og láta hana halda nægum lyftikrafti á vængina til að koma í veg fyrir að hún missi flugið og fari í ofris eða spuna og verði stjórnlaus.

Ef vélin missir samt hæð, þannig að við því verði ekki spornað, til dæmis vegna hreyfilbilunar, er krafan um að vélin fljúgi í stjórnuðu flugi samt efst á blaði, og mikilvægara að hún lendi á jörð í stjórnuðu flugi heldur en stjórnlausu.

Ef aðstæður skapast þar sem hætta er á að missa stjórn vélinni, verður að sleppa því að gera neitt annað en að koma í veg fyrir að vélin missi flugið og láta valdið yfir flugi hennar hafa forgang.

Til lítils er að hafa sent út neyðarkall ef flugvélin verður stjórnlaus og hrapar til jarðar og ferst, og það, að beina athyglinni frá því að halda henni fljúgandi og hætta að stjórna henni, þótt ekki sé nema augnablik, getur einmitt valdið því að allt fari á versta veg.   

Það ástand getur skapast um borð í flugvél, eins og mörg dæmi sanna, að ekki gefist tími til að senda út neyðarkall.

Þetta getur verið ástæða þess að malasíska þotan, sem nú er leitað, hvarf af ratsjá án þess að neitt sé vitað um það hvers vegna það gerðist.  

Hvernig getur þota horfið?

Athugasemdir

[Friðrik Friðriksson, 10.3.2014 kl. 14:44]

Þetta er allt saman stórundarlegt en getur kannski verið að vélinni hafi verið nauðlent á sjónum án þess að brotna í sundur nema þá að hreyflanir auðvitað rifna strax af en þeir og vélin hafi síðan hreinlega sokkið í heilu lagi.

[Haukur Kristinsson (IP-tala skráð) 10.3.2014 kl. 15:47]

Der Spiegel: 

 

Welche Theorien gibt es zum Verschwinden der Maschine?

Solange die Behörden keine Spur von der Maschine haben, können sie kaum etwas ausschließen. Derzeit sind sehr unterschiedliche Theorien im Umlauf:

• Anschlag: Manche Experten werten das plötzliche Verschwinden des Flugzeugs als Hinweis darauf, dass es an Bord eine Explosion gegeben haben muss. Das wiederum - zusammen mit den gestohlenen Pässen mehrerer Passagiere - deuten manche als Hinweis auf einen terroristischen Hintergrund. Eine plötzliche Katastrophe würde auch erklären, warum kein Notruf abgesetzt wurde.

• Menschliches Versagen: Ein erfahrener Pilot steuerte die Maschine. Der 53-Jährige hatte nach Angaben der Airline mehr als 18.000 Flugstunden hinter sich. Auch der 27-jährige erste Offizier war mit 2800 Stunden Flugerfahrung kein Anfänger. Manche Beobachter spekulieren über einen Suizid des Piloten.

• Technisches Versagen: Mängel an der Maschine sind nicht bekannt. Die Boeing 777-200 gilt zudem als sehr zuverlässiges und sicheres Verkehrsflugzeug.

• Fatale Turbulenzen: Dies halten die Behörden für ein relativ unwahrscheinliches Szenario. Sie glauben nicht, dass schlechtes Wetter der Maschine zum Verhängnis wurde. Zum Zeitpunkt des Verschwindens sei die Wetterlage gut gewesen.

• 
  

[Sigurður Þór Guðjónsson, 10.3.2014 kl. 17:20]

Ekki íklegt að terroristar hafi sprengt sjálfa sig með vélinni og engin skilaboð hafa komið frá neinum um slikt. Terroristar hafa "málstað". Tilgangslaust að sprengja þegjandi og hljóðalaut. Ef flugmaður hefir framið sjálfsmorð hefur hinn þá varla  verið í flugstjórnarklefanum og það hefði varla gengið átakalaust fyrir sig. Veðrið var fyrirtak segir flugmaður sem var á sömu leið á sama tíma. En það gæti hafa orðið sprengin af tæknilegum ástæðum eins og hjá TWA 800 árið 1996. 

[Jón Logi (IP-tala skráð) 10.3.2014 kl. 18:26]

Það ætti nú að finnast eitthvað snasl af henni, fyrr eða síðar. Og neyðarsendirinn? Ég meina, Air France vélin fannst á sextugu dýpi á miðju atlantshafi.....fyrir rest

[Jón Logi (IP-tala skráð) 11.3.2014 kl. 18:13]

Nýjustu fréttir eru virkilega skuggalegar....enn hægt að hringja í gsm síma farþeganna.....