Stórvirki Hugos viðeigandi burðarás jóladagskrár.

Vesalingarnir eftir Victor Hugo eiga sérstakan sess í æskuminningum mínum, enda var tæplega fjögurra klukkustunda leikgerð Gunnars Hansens kraftaverk á hinu litla leiksviði Iðnó og ógleymanleg lífsreynsla 12 ára stráks að vera trúað fyrir mikilvægu hlutverki í svona stórvirki.

Bók hefur þann kost fram yfir leikhús eða kvikmynd að hún býður upp á miklu meira rými en hin tvö listformin, en á móti hafa leikgerð og kvikmynd meiri áhrifamátt til túlkunar og flutnings.

Takist vel til í kvikmyndargerð með hámarks nýtingu tónlistar er varla hægt að komast lengra í áhrifamætti en þegar vel tekst til um sérstaklega samda og flutta tónlist eins og í söngvamyndinni, sem var viðeigandi burðarás jóladagskrár Sjónvarpsins.

Siðferðileg viðfangsefni Vesalinganna eru stór, sígild og ævinlega tímabær, enda snúast þau um grunngild mannlegs samfélags. 

 

Athugasemdir

[Haukur Kristinsson (IP-tala skráð) 26.12.2015 kl. 09:42]

Mæli með "Les Misérables" frá 1998 með Liam Neeson í aðalhlutverki.