Íslands þúsund ár

16.2.2016 | 23:00

Áfengisfíkn og einelti, - einhver sem hefur ekki kynnst því?

Edvard bróðir minn sagði mér einu sinni frá athyglisverðu atviki í grunnskóla þar sem hann var kennari. Í þá daga var einn tími í byrjun febrúar helgaður bindindisfræðslu og vafðist stundum fyrir kennurum að taka það mál fyrir.

Hann ákvað að gera þá tilraun, að segja við krakkana í upphafi þessarar kennslustundar: Í stað þess að ég fari að prédika yfir ykkur um áfengisfíkn ætla ég að leyfa ykkur að leysa sjálf eitt verkefni, án þess að ég sé hjá ykkur.

Þið gerið sjálf könnun á því hve margir í bekknum eiga ættingja eða vini sem hafa lent í vandræðum með áfengisneyslu og gerið þetta í hispurslaust í algerum trúnaði hvert við annað. Þið ráðið því sjálf hvað þið takið langan tíma í þetta og gefið mér upp töluna, sem er niðurstaða ykkar, í upphafi næstu kennslustundar.

Þegar hann kom til næstu kennslustundar sátu nemendurnir enn sem fastast og höfðu þá fyrst náð að klára verkefnið.

Það var vegna þess að í ljós kom að ekki einn einasti nemandi í bekknum hafði sloppið við að kynnast áfengisvandamálum eins eða fleiri af nánustu vinum og ættingjum og að þetta hafði komið þeim svo á óvart og þau orðið svo fangin af verkefninu, að þau voru enn að kryfja þetta til mergjar eftir heila kennslustund og frímínútur.

Líkleg má svipað segja um einelti og áfengisböl, og að rétt eins og samtök á borð við SÁÁ eru bráðnauðsynleg, séu samtök sem láti sig einelti varða ekki síður nauðsynleg.

	Stofna félag gegn einelti
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Breytt s.d. kl. 23:01 | Facebook

Athugasemdir

Einsog þegar krafist er undanþága á regluverki óafturkræfra lagasetninga einsog kveđiđ er á um vegna fyrirvara annara laga og frumvarpa í umræđu.

Eyrún (IP-tala skráð) 17.2.2016 kl. 04:34

30.4.2012:

"Öll þjóðin áttaði sig á því í september á síðasta ári að einelti er mjög alvarlegt samfélagsmein - þegar Dagbjartur Heiðar Arnarsson, 11 ára strákur í Sandgerði, svipti sig lífi. "

"Fjölmargir meðferðaraðilar sem koma að meðferð ungs fólks hafa sagt mér að einelti sé oft rót neyslunnar hjá mörgum unglingnum sem þeir taka inn til meðferðar.

Neyslan virðist þá vera leiðin til að deyfa vondar tilfinningar.

Kastljósi hafa borist fjölmörg bréf frá fólki sem lýsir skelfilegri lífsreynslu vegna eineltis.

Hér eru tvö þeirra; annað frá ungri konu sem varð fórnarlamb eineltis í grunnskóla og hitt frá konu á miðjum aldri sem varð fórnarlamb eineltis á vinnustað.

Bæði bréfin bera vitni um dugnað einstaklinga sem verða fyrir eineltinu - í samfélagi þar sem slíkt þrífst. Því lýsa bréfin."

Sagan sem enginn vildi heyra - Jóhannes Kr. Kristjánsson