Íslands þúsund ár

10.8.2016 | 12:48

Morðhótun eða misskilningur?

"Nei, heyrðu nú!" hefur verið algengt viðbragð þegar frést hefur af nýjustu ummælum Donalds Trump, sem virðist á stundum vera í samkeppni við sjálfan sig í því að segja eitthvað ennþá galnara en hann hefur áður sagt.

Í stöðu forseta Bandaríkjanna er nauðsynlegt að sá, sem gegnir því embætti, tali jafnan skýrt og af yfirvegun, því að óvarleg ummæli geta valdið miklum usla, ef ekki gefst tími til að leiðrétta þau.

Sum ummæli geta verið hættuleg þegar viðkvæmt ástand ríkis, til dæmis í samskiptum þjóða.

Og í þessu tilfelli gæti einhver byssuglaður maður átt það til að hrópa upp yfir sig eins og norðlenski veiðimaðurinn gerði í meðförum Ladda: "Skjóta helvítið!"

Yfirlýsingagleði Trumps bendir ekki til þess að honum sé treystandi fyrir valdamesta embætti heims.

Fáheyrð ummæli hans, sem fólust í því að tengja stjórnarskrárvarinn rétt fyrir bandarískra borgara til að bera vopn til við það að koma í veg fyrir að Clinton verði forseti voru skilin sem hótun um að vopnavaldi verði beitt til að koma í veg fyrir að Clinton verði forseti. Morðhótun.

Eftir á reyna stuðningsmenn Trumps og hann sjálfur að draga úr áhrifum ummæla hans með því að hann hafi átt við það að fjölmennir stuðningsmenn óbreyttra byssulaga gætu stöðvað Clinton í kjörklefanum.

Þegar ummæli Trumps féllu, var engin leið að skilja þau á þennan hátt: "Skjóta helvítið!"

Í embætti forseta er hætt við því að útskýringar eftirá geti komið of seint.