Einu sinni svaraði Ásgeir fyrir sig.

Óíþróttamannslegar aðfarir og niðurlægjandi einelti hafa því miður oft einkennt knattspyrnuna bæði erlendis og jafnvel líka hér á landi, og verða bestu knattspyrnumennirnir oft fyrir því að fótboltabullur beiti slíku. 

Ásgeir Sigurvinsson varð stundum að hafa fyrir því að halda ró sinni á knattspyrnuvellinum þegar sótt var að honum á einn eða annan lúalegan hátt. 

Og hann var slíkur knattspyrnusnillingur að hann gat látið boltann tala. 

En þó kom það eitt sinn fyrir að hann fylgdi einu marka sinna eftir á eftirminnilegan hátt.  

Það var þegar hann átti stjörnuleik í landsleik við Wales eftir að hann og liðið höfðu orðið fyrir stanslausum niðurlægjandi glósum allan leikinn. 

Hann hljóp í áttina að þeim, sem höfðu komist upp með þetta og blakaði höndunum þannig, að öllum mátti vera ljóst hvert tilefnið var. 

Drullaðu þér aftur upp í tréð

Athugasemdir

[jakob (IP-tala skráð) 22.1.2018 kl. 16:45]

"og blakaði höndunum þannig, að öllum mátti vera ljóst hvert tilefnið var."???? 

[Borgþór Jónsson, 22.1.2018 kl. 17:12]

Off Topic.

Ómar, héer er íþjóttamaður se ætti að gleðja þitt gamla hjarta.

Flottur ballett.

https://www.youtube.com/watch?v=AbRt-EWq5Bo

[Ómar Ragnarsson, 22.1.2018 kl. 17:43]

Það er mikilsvert, Jakob, að aðeins sé skrifað eða sagt það sem er pottþétt. 

Mig minnir að vísu að áhorfendur hefðu verið með látbragð eða köll í þá veru að Íslendingarnir væru frumstæðir apakettir, og þegar Ásgeir fagnaði markinu, man ég, að hann hljóp hann í áttina að þeim, sem voru að lítilsvirða íslenska liðið, bar hendurnar upp að eyrunum þannig að þær vísuðu upp og lófarnir fram í átt að dónunum og blakaði Ásgeir þannig höndunum. 

Ætla að vita hvort ég get fengið upplýsingar um þetta. 

[Þorvaldur Sigurdsson (IP-tala skráð) 22.1.2018 kl. 21:23]

http://boltabull.blogspot.is/2014/03/73-viureignir-wales-og-island-i-gegnum.html