"Heilsu"rafrettur svipað fyrirbæri og filtersígaretturnar?

Sú var tíðin að svonefndar filtersígarettur voru auglýstar mikið sem heilsubætandi reyktóbak, að minnsta kosti miðað við venjlegar sígarettur. 

Helstu auglýsendur sígarettanna voru vinsælustu kvikmyndastjörnurnar, einkum þeir karlar sem léku töffara og hetjur. 

Marlborough-maðurinn geislaði af hreysti. 

En síðan fóru hetjurnar að hrynja niður úr krabbameini, einkum lungnakrabbameini, en samt tókst tóbaksframleiðendum ótrúlega vel að viðhalda reykingunum.  

Nú er sagt í fréttum frá svonefndum heilsurafrettum, og óneitanlega minnir það svolítið á það sem var í kringum filtersígaretturnar í den. 

„Heilsu“ rafrettur bannaðar

Athugasemdir

[Vagn (IP-tala skráð) 19.9.2019 kl. 02:43]

Og það er talað um faraldur. En skoði maður þennan faraldur kemur nokkuð forvitnilegt í ljós. 20x fleiri deyja í sláttuvélaslysum. 40x fleiri deyja úr hægðatregðu. 200x fleiri falla til dauða úr rúmi. 20000x fleiri greinast með krónískt bronkítis en lungnakvilla sem rekja má til rafrettna. Kýr drepa fleiri og 400x fleiri enda á sjúkrahúsi vegna fæðubótarefna. Og taki maður svo mið af fjölda rafrettunotenda þá er þessi faraldur ekki annað en lítilfjörlegt frávik. Fjölmiðlafár og stormur í vatnsglasi, franskbrauð veldur fleiri sjúkrahúsinnlögnum og andlátum.

Það væri ekki slæmt ef vísindalegar niðurstöður væru notaðar frekar en efasemdir, vantrú og hræðsla. En sama fólk og segir vísindin sanna loftslagsbreytingar af manna völdum segir lítið að marka vísindi þegar kemur að rafrettum. Samt er annað bara kenning sem ekki er hægt að sanna nema með því að bæta í mengunina og helst á mörgum hnöttum en hitt marg mælt og prófað með vísindalega viðurkenndum aðferðum. Kenningu án vísindalegra sannana er trúað en vísindalegar mælingar, tilraunir og rannsóknir dregnar í efa.

[Jón Logi (IP-tala skráð) 19.9.2019 kl. 08:46]

'Omar, hvad med hjartasjukdoma.....