Bók á réttum tíma. Efni í stórmynd?

Rétt eins og Draumalandið, bók Andra Snæs Magnasonar, fékk gríðargóðar viðtökur 2006 og var afar áhrifamikið innlegg í baráttu umhverfis- og náttúruverndarfólks, eru það afar góðar fréttir að nýja bókin hans Um tímann og vatnið fái mun hraðari og víðtækari viðtökur heima og erlendis en fyrri stórvirki þessa ritsnillings. 

Í kjölfar bókarinnar Draumalandið var gerð samnefnd kvikmynd sem hafði ekki síður mikil áhrif en bókin.  

Nú má sjá fyrir sér, miðað við það hve sögusvið bókarinnar Um tímann og vatnið er víðfemt og teygir jafnvel anga sína allt frá auðnum heimsskautanna upp í bráðnandi jökulheima Himalayafjalla, að hægt verði að gera sannkallaða stórmynd á grunni bókarinnar.  

 

Ánægjulegt að tala við heiminn samtímis

Athugasemdir

[Haukur Kristinsson (IP-tala skráð) 10.10.2019 kl. 21:55]

Mikið er gaman að eiga landsmann eins og Andra Snæ sem maður getur verið stoltur af. Ekki síst fyrir okkur sem erum búsettir fyrir utan landsteinana.

[Haukur Kristinsson (IP-tala skráð) 11.10.2019 kl. 09:42]

edit: ...erum búsett....

[Vagn (IP-tala skráð) 11.10.2019 kl. 12:27]

það finnst mörgum gott að sækja stuðning og staðfestingu í rit sem þeir telja góða bók. Sækja þangað sannleikan og fullvissu fyrir því hvað hinir eru vitlausir. Þannig rit verða oft áhrifarík og vinsæl og höfundarnir lofaðir og dáðir. Góð dæmi eru Kóraninn, Biblían, Mein Kampf, Kommúnistaávarpið, Mormónabók o.s.frv.

[Haukur Kristinsson (IP-tala skráð) 11.10.2019 kl. 13:01]

Vagn (12:27) gleymdi: On the Origin of Species, A Brief History of Time, The God Delusion, Cosmos, The Elegant Universe etc.