Churchill fór flatt á að draga Attlee inn í vafasama samlíkingu.

Það hefur ekki gefist vel fyrir kosningar fyrir formenn Íhaldsflokksins breska að líkja leiðtogum breska Verkamannaflokksins við verstu harðstjóra sögunnar á borð við Stalín og Hitler. 

Winston Churchill álpaðist til þess í sigurvímu eftir lok Heimsstyrjaldarinnar síðari að vara í ræðu bresku þjóðina við því að kjósa Clement Attlee og flokk hans, vegna þess að Attlee myndi innleiða sams konar ógnar- og harðstjórn og þau öfl, sem kveðin hefðu verið niður í stríðinu. 

Eiginkona Churchill sá uppkastið að ræðunni og vildi að Churchill sleppti þessum orðum, en han fór ekki að ráðum hennar og beið beiskan ósigur í kosningunum. 

Hæpið er einnig hjá Johnson að segja að Stalín hafi hatað þá sem skopuðu verðmæti, svo mjög sem hann beitti ítrustu hvatningu með loforðum um heiðursveitingar til handa þeim sem voru pískaðir áfram með flokksvaldinu til óheyrilegra afkasta og fórna í þágu framleiðslu fyrir flokkinn og þjóðina. 

Líkir Corbyn við Stalín

Athugasemdir

[Haukur Kristinsson (IP-tala skráð) 6.11.2019 kl. 21:58]

Gamaldags, idiótískur áróður gegn jafnaðarmönnum, socialdemokrötum. Eru Tjallarnir ekki lengra komnir? Líklega ekki, að mörgu leiti frumstætt og afturhaldssamt samfélag. Vil losna við þá úr EU í nokkur ár.

[Húsari. (IP-tala skráð) 7.11.2019 kl. 18:00]

Sæll Ómar.

Ég held að Jeromy Corbyn sé búinn
að vera sem flokksformaður og honum
verði brátt skipt út og í allra síðasta lagi
að loknum kosningum eftir herfilegan ósigur
verkamannaflokksins.

Má segja að sú útganga ef ekki útför megi líkja
við fréttir af andláti Jóns Helgasonar biskups og
þegar Árni Þórarinsso var spurður hvort hann ætlaði ekki
að vera viðstaddur:

Þó fyrr hefði verið!

[Haukur Kristinsson (IP-tala skráð) 7.11.2019 kl. 18:14]

Menn vitna gjarnan í séra Árna Þórarinsson. Ekki síst vegna snillingsins Þorbergs Þórðarsonar, sem skrifaði niður ævisögu hans. Árni var hinsvegar dæmigerður íslenskur rugludallur.

[Húsari. (IP-tala skráð) 8.11.2019 kl. 10:12]

Haukur! Sr. Árni Þórarinsson þjáist ekki
        af orðsýki framar.Líf hans utan
        þess er greinir frá af bókum átti eftir
        að verða ekki síður ævintýralegt;
        illar tungur sögðu þá þann trúgjarnasta og lygnasta
        á sinni tíð og jafnvitlausa báða tvo,
        hvorugur snérist gegn löndum sínum og þá ekki gegn Gyðingum
        og fáir ef nokkur komist í föt þeirra fram til þessa.

        En gættu að orðum mínum, þau munu koma fram
        sem dagur fylgir nóttu.