Hlustum líka á Kára eins og Þórólf, Ölmu og Víði.

Heimsfaraldurinn, sem nú geysar, hefur falist í veiki, sem birtist og breiðist út í óvenju margbreytilegum myndum. 

Þegar kunnáttumaður eins og Kári Stefánsson leggur eitthvað til málanna, er rétt að leggja hlustir við. 

Vitað er að erlendis er allur gangur á því hvernig 1. bylgja, 2. bylgja og jafnvel 3. bylgja spretta upp og breiðast út og hvernig þær leggjast á fólk. 

Þegar kvartað er yfir því að sóttvarnaráðstafanir séu of sveiflukenndar verður að taka tillit til þess, að sjálf veikin er óvenju slóttug, varasöm og sveiflukennd. 

 

 

Ættum að búa okkur undir nýja bylgju

Athugasemdir

[Þorsteinn Siglaugsson, 16.9.2020 kl. 15:28]

Já, mjög mikilvægt að hlusta á fulltrúa AmGen og láta hann halda áfram að stýra málum hérlendis!

[Kolbrún Hilmars, 16.9.2020 kl. 15:31]

Sendi þér bestu afmæliskveðjur á stórafmælinu Ómar. 
Þakka í leiðinni fyrir áratuga skemmtilegheit og fróðleik - og undanfarið ánægjuleg skoðaskipti hér á þessum vettvangi.  :)

[Haukur Kristinsson (IP-tala skráð) 16.9.2020 kl. 16:42]

Til hamingju með daginn Ómar Ragnarsson. "A great guy."

[Vagn (IP-tala skráð) 16.9.2020 kl. 17:14]

Kári Stefánsson er kunnáttumaður eins og þú og ég erum kunnáttumenn. Hann er taugalæknir sem aðeins hefur fengist við smitsjúkdóma sem flensusjúklingur. En hann getur verið sannfærandi þegar hann myndar sér skoðanir og lætur eins og þeir sem honum eru ósammála viti ekki neitt. Kára Stefánsson þarf að taka með þeim fyrirvara að margt af því sem hann segir er bara skoðun áhugamanns.

Kári hefur einnig séð ástæðu til að tjá sig, af sömu kunnáttu, um bankaleind, persónuvernd, leikskóla, vegavinnu, Trump, Sigmund Davíð, brjóstaskurðaðgerðir o.fl. o.fl.

[Haukur Kristinsson (IP-tala skráð) 16.9.2020 kl. 19:13]

Kári Stefánsson er líklega allgóður visindamaður, en hann er ofvirkur. Einnig lítur hann of stórt á sig, skortir það sem á þýsku heitir: Bescheidenheit. Nokkuð sem einkennir marga innbyggja.

[Þorsteinn Siglaugsson, 16.9.2020 kl. 19:26]

Já, til hamingju Ómar. Hlakka til að sjá myndina á eftir.

Eins og Haukur segir er Kári taugalæknir, ekki sóttvarnasérfræðingur. En hann hefur samt verið gerður að einskonar yfirráðherra í þeim málaflokki. Og Kári er ekki hlutlaus. Hann er starfsmaður fyrirtækis sem á mikið undir í því að treina veiruna eins og hægt er.

[Jón Bjarnason (IP-tala skráð) 16.9.2020 kl. 22:16]

Hjartanlega til hamingju með stórafmælið. Stórkostlegt að horfa á mynina þína í kvöld. Verðskuldað að dagur náttúrunnar sé þér til heiðurs.

[Gunnar Heiðarsson, 16.9.2020 kl. 22:27]

Til hamingju með daginn Ómar og takk fyrir allt sem þú hefur gert fyrir þjóðina.

[Þorsteinn Siglaugsson, 16.9.2020 kl. 22:28]

Myndin var frábær fannst mér. Og vel valið hjá þér að eiga afmæli á degi náttúrunnar 

Athyglivert var að heyra lýsingarnar á þöggunartilburðunum. Man vel eftir þeim sjálfur þótt aðkoma mín að þessu máli væri langtum takmarkaðri. Slíkt fylgir alltaf þegar pólitísk spilling, atkvæðakaup og mútuþægni ráða för eins og þarna var.

[Óskar Helgi Helgason (IP-tala skráð) 16.9.2020 kl. 23:20]

Sæll Ómar: sem og aðrir gestir, þínir !

Heillakveðjur - þjer og þínum til handa Ómar, í tilefni þessa merkisdags.

Man vart eptir mjer heima á Stokkseyri: á mínum yngri árum, öðruvísi en með margvíslegri skemmtan af þinni hálfu:: fyrir nú utan alls lags fróðleik, frá hinum seinni árum og áratugum, sem seint mun fullþakkaður verða, og mun lengi í minnum hafður verða.

Mbkv.; sem öðrum og fyrri, af Suðurlandi /  

[Ómar Ragnarsson, 16.9.2020 kl. 23:40]

Takk.  Angelika Andrees og Siguðurður Grímson gerðu myndina.