Íslands þúsund ár

27.8.2008 | 14:31

Viðeigandi að heiðra Hafnarfjörð.

Ég legg til að silfurmennirnir frá Peking aki eftir herlegheitin í Reykjavík til Hafnarfjarðar og heiðri þessa Mekku handboltans á Íslandi með því að fara fram hjá borðunum sem þar átti að setja upp í góðri trú.

Að öðru leyti er ég áfram þeirrar skoðunar sem ég set fram í pistli hér á undan með upptalningu á nokkrum þeirra sem komu til landsins í Reykjavík: Friðrik 8, Kristján 10, Halldór Laxness, Nelson, Lindberg, Balbo, fyrsta millilandaflugvélin, Friðrik 9, Vilhhjálmur Einarsson, fyrsta íslenska þotan, íslensku handritin, Bobby Fisher.

	Svið reist á Lækjartorgi
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

Mikið rétt, Ómar, Vagga og Mekka handboltans er í Hafnarfirði.

Rauða Ljónið, 27.8.2008 kl. 14:34

Líka að hluta til Menntaskólinn í Reykjavík þar sem Valdimar Sveinbjörnsson var meðal þeirra fyrstu sem kynnti þessa íþrótt fyrir fjölmörgum nemendum sínum og þar voru meira að segja haldin handboltamót lengi vel í sal sem hvað stærð snerti minnti meira á stofu en sal.

Mörkin voru á veggjunum sjálfum. Þar upplifði ég mestu boltamartröð lífs míns þegar ég álpaðist til þess að standa í marki fyrir árganginn minn og Matthías Hallgrímsson skoraði ég man ekki hvað mörg mörk með því að stökkva upp og skora með þrumuskotum.

Ég varði ekki eitt einasta skot og hef aldrei látið mér til hugar koma að standa í handboltamarki síðan, enda sé ég ekki betur en að markmenn nútímans séu haldnir sjálfspíningarhvöt á hæsta stigi þegar þeir láta bomba á sig á æfingum.

Ómar Ragnarsson, 27.8.2008 kl. 14:42

Já gaman er að skoða "bloggin" þín Ómar. Þetta er vissulega gleðistund fyrir þjóðina alla og þetta með Hafnarfjörð get ég Gaflarinn tekið heils hugar undir. Hinsvegar er tvennt sem ég á erfitt með að sætta mig við og tengist þessu frábæra afreki. Það er í fyrsta lagi hvernig fjallað hefur verið á "frjáslega" hátt um framkomu og ummæli Dorritar forsetafrúar. Öll hljótum við og eigum að bera fyllstu virðingu fyrir forseta vorum og þar með forsetafrúnni. Þegar hún svo hrópaði í hrifningu "og geðshræringu" að Ísland væri " Stórasta land í heimi ", þá gripu fjölmiðlar þetta og margir landsmenn og höfðu í flimtingum. Til að kóróna þetta allt saman hefur svo "einhver" látið sér detta í hug að framleiða boli með þessari áletrun. Svei segi ég hvar er virðingingin ? Þetta er hrein og klár vanvirðing finnst mér. Hitt atriðið er, að "auka-landsliðsmaðurinn", sem átti að vera til taks ef einhver meiddist, hann hefur alveg gleymst og ef ég fer rétt með sendur heim áður en leikunum lauk, þar sem ekki mátti nota hann í úrslitakeppninni um verðlaun. Ég spyr því mátti hann ekki vera með félögum sínum til enda leikanna, hann hafði jú lagt jafn mikið á sig og aðrir við undirbúning fyrir leikana. Var þetta fjárskortur ? Það var allavega ekki fjárskortur hjá ríkinu, ef marka má kostnað ríkisins af ferðum menntamálaráðherra. Með kveðju til þín Jón Sveinsson.

Jón Sveinsson (IP-tala skráð) 27.8.2008 kl. 15:07

Á Ólympíuleikunum áttundi,
en ennþá var lélegri níundi,
hlupu í spik,
hétu Friðrik,
í tugþraut var Kristján tíundi.

Þorsteinn Briem, 27.8.2008 kl. 15:16

mér fannst fáranlegt hvernig hann þurfti að leiðrétta það sem forsetafrúin sagði (sá sem var að taka viðtölin í sjónvarpinu), það voru allir sem skyldu það sem hún var að segja og þetta var mjög fallega sagt hjá henni.

Annað finnst mér svolítið skrítið að Þorgerður Katrín sú indæla stjórnmálakona sem ég hef talið í langan tíma vera ein af fáum sem eru virkilega að standa sig í pólitíkinni sé virkilega að eyða 5 milljónum í að fljúga sér og sínum til Kína fram og tilbaka. Þetta er til háborinnar skammar, það er ekki eins og það skipti einhverjum sköpum að hún sé á staðnum eða ekki, ef henni langar að fara þá getur hún bara borgað úr sínum eigin vasa eins og aðrir gera. Er þetta rétt hérna að ofan sem ég heyrði úr útvarpinu?

en sátt með að heiðra Hafnarfjörðinn enda flottasti bærinn :D

Hanna (IP-tala skráð) 27.8.2008 kl. 15:24