Gömul saga: Hver lak ?

Alltaf finnst mér jafn dásamlegt þegar stórmál koma upp í kjölfar þess að leynilegum trúnaðarupplýsingum hafi verið "lekið" að þá snýst málið upp í það að aðalatriðið sé hver lak því í fjölmiðla eða til almennings en innihald þess sem lekið var verður að aukaatriði.

Davíð Oddsson var snjall í því á sínum tíma að halda upplýsingum leyndum ef með þurfti og var klassadæmi um það þegar því var haldið vandlega leyndu fyrir kosningarnar 2003 að herinn væri á förum.

Og nú ræða menn um ekki síðri snilli Davíðs að leka heppilegum upplýsingum eða að láta í veðri vaka að hann búi yfir óþægilegri vitneskju, samanber ræðuna frægu hjá viðskiptaráðinu í haust.

Birgir aflétti leynd

Athugasemdir

[Árni Gunnarsson, 10.2.2009 kl. 19:35]

Eiginlega finnst mér nú að þessi þjóð eigi ekki innstæðu fyrir meiri virðingu en þarna lýsir af. Í næstu alþingiskosningum er mikil þörf á að fjarlægja flesta okkar fulltrúa út af löggjafarþinginu. Og lofta vel út áður en nýir fá að spreyta sig.

[101 (IP-tala skráð) 10.2.2009 kl. 19:42]

.

Það er eitt sem kannski styður þessa kenningu um leka flokksholls starfsmanns í ráðuneyti Jóhönnu

Það er þessi frétt

Nema lekinn hafi komið úr Svörtuloftum. Fær ekki Seðlabankinn afrit?

[B.N. (IP-tala skráð) 10.2.2009 kl. 21:23]

Suðurnes	karlar921	konur 719	alls 1.640

Nýjustu tölur frá Suðurnesjum er að 31 einstaklingar bætust við skrána í dag og eru því 1640 manns atvinnulausir á þessu svæði í dag. Mér sýnist að þegar kosið verður til Alþingis þann 25.apríl nk. verði þessar tölur komnar í 2500 manns a.m.k enda er ekkert í spilunum hvað stjórnmálamenn sem hafa valdið ætli sér að gera í alvörunni til að snúa þessari þróun við. Þingflokkarnir eru núna að undirbúa kosningarbaráttuna með mikið fé að vopni til að afvegaleiða kjósandann þ.a.s að fá hann til að trúa að gömlu flokkarnir sem bera ábyrgðina á ,,Hruninu Mikla'' séu  þeir einu sem geti leitt þjóðina út úr ógöngunum sem hún er í vegna þessara hagsmuna sem reka þessa flokka.

Baldvin Nielsen Reykjanesbæ 

[Sævar Helgason, 10.2.2009 kl. 21:49]

Forsætisráðuneytið fékk eitt eintak og Seðlabankinn eitt eintak og allt í trúnaði.  Það er síðan Sjálfstæðismaður sem gerir fyrirspurn um málið  á alþingi- áður en forsætisráðherra hefur vitneskju um að þessi tölvupóstur sé til.  Sigurður Einarsson fv bankastjóri Kaupþings kvartar sáran yfir því að trúnaðarsamtöl við Seðlabankastjórann hafi yfirleitt birst í Mbl. daginn eftir í umsjón Agnesar B. á Mbl.   Mikill lekandi þar.

[Ari (IP-tala skráð) 11.2.2009 kl. 02:39]

Davíð á einhverjar óþægilegar upplýsingar um flesta samstarfsmenn sína segja menn. Hann getur því sent þeim eitraðar pillur ef þeir svíkja hann. Sumir segja að þetta sé ástæðan f. því að Geir og co. verja hann fram í rauðan dauðann.

[Þorsteinn Briem, 11.2.2009 kl. 18:11]

Halldór Blöndal heitir einn,
hans er sonur ekki seinn,
og dáða var bankadrengur,
hann Davíð en ekki lengur.