Tímanna tákn.

Ekki eru nema örfá ár síðan það hlakkaði í íslensku þjóðinni yfir því að fyrirtæki, sem voru stolt nágrannaþjóða okkar svo sem í Kaupmannahöfn væru komin í eigu Íslendinga. 

Sjá mátti skrif um það að nú væri hefnt fyrir einokunarverslunina og maðkaða mjölið.

Þess nöturlegra er að sjá að banki með nafninu Íslandsbanki sé kominn í erlendar hendur.

En kannski var þetta okkur mátulegt. Hefði kannski átt að hlakka aðeins minna í okkur þegar Magasin de Nord varð íslenskt. 

Og síðan glyttir í það hvort erlent eignarhald á íslenskum bönkum þýði í raun að vegna hinnar fáránlegu skuldsetningar íslensk sjávarútvegs sé hann þar með í raun kominn í eigu útlendinga.  

Íslandsbanki í erlendar hendur

Athugasemdir

[stefan benediktsson (IP-tala skráð) 15.10.2009 kl. 11:54]

Við verðum að muna að "dyggðasnauðu fantarnir" hafa alltaf verið innlendir en ekki erlendir. Íslenskir valdhafar hafa skaðað okkur meira gegnum tíðina en erlendir.

[Guðjón Sigþór Jensson, 15.10.2009 kl. 12:20]

Já drambsemin verður mörgum að falli.

Mér finnst ansi hart að þurfa að horfa á eftir 20 ára sparnaði mínum og fjölskyldu minnar í formi hlutabréfa bókstaflega gufa upp og verða að engu í höndunum á þessum útrásarvíkingum. Sparnaður var einu sinni talin til dyggða, nú er hann sennilega líklega talinn til heimsku. En það svar Framsópknarflokkurinn og Sjálfstæðisflokkurinn sem færði bankana í hendur á þessum útrásarmönnum sem nú eru eins og hverjir aðrir munaðarleysingjar sem útlendingar taka upp í skuld. Ætli svipað verði uppi með Landsvirkjun þegar Impregíló sendir lokareikninginn? Það skyldi aldrei vera.

Mosi

[Þorsteinn Briem, 15.10.2009 kl. 19:22]

Útflutningsverðmæti sjávarfurða var 171,4 milljarðar króna í fyrra, árið 2008, en það var 127,6 milljarðar árið 2007, sem er 44ra milljarða króna aukning, eða 34%, á milli áranna. (Sjá vef Hagstofu Íslands.)

Og heildaraflaverðmætið hér í fyrra, árið 2008, var 99,2 milljarðar króna en það var 80,2 milljarðar árið 2007 og jókst því um 19 milljarða, eða 24%.

Um 80% af íslenskum sávarafurðum eru seld til Evrópusambandslandanna en þetta hlutfall var 65% fyrir 14 árum. Um 184 krónur fást nú fyrir evruna, um 100% meira en í árslok 2007, en þá fékkst um 91 króna fyrir hana.

4.1.2009: "Eins og greint hefur verið frá í Morgunblaðinu skulda sjávarútvegsfyrirtæki í landinu 25-30 milljarða króna miðað við núverandi gengi, vegna afleiðu- og gjaldmiðlaskiptasamninga sem fyrirtækin gerðu við gömlu bankana.

Stærstur hluti þessara samninga var við gamla Landsbankann en virði samninga sem tilheyra honum er um 18 milljarðar."

Einar K. Guðfinnsson: Skuldastaðan mun batna

19.3.2009: "Brúttóskuldir íslenskra sjávarútvegsfyrirtækja voru 300,3 milljarðar króna í lok ársins 2007. Heildarskuldir íslenskra fyrirtækja námu á sama tíma 15.685 milljörðum króna, samkvæmt frétt Morgunblaðsins í gær, sem byggir á upplýsingum frá ríkisskattstjóra.

Samkvæmt þessu voru skuldir sjávarútvegsins innan við 2% af heildarskuldum allra fyrirtækja í árslok 2007."

Skuldir sjávarútvegsins innan við 2% af heildarskuldum allra fyrirtækja í árslok 2007

Heildareignir sjávarútvegsins í árslok 2007 voru 435 milljarðar króna og heildarskuldir 325 milljarðar króna. Eigið fé sjávarútvegsins í árslok 2007 var því 110 milljarðar króna. Heildareignir og skuldir höfðu þá aukist um 12% frá árinu áður en eigið fé jókst um 13%.

Hreinn hagnaður samkvæmt árgreiðsluaðferð og 6% ávöxtun var 10,3% árið 2007, 13,4% 2006, 8% 2005 og 5,9% 2004.

Tekjur af fiskveiðum árið 2007 voru 85,4 milljarðar króna en gjöld um 67 milljarðar króna.

Tekjur fiskvinnslu alls á skilaverði árið 2007 voru 94,3 milljarðar króna en kostnaður vegna aðfanga um 71 milljarður króna.

Hagtíðindi 27. apríl 2009: Hagur fiskveiða og fiskvinnslu 2007