Móða austanlands. "Móðir íslenskra eldfjalla".

Það hefur vakið blendnar tilfinningar að vera á ferli á austurhálendinu þessa dagana.  Í gær lá ljósblá móða þar yfir og það grillti varla í helstu fjöll eins og Kverkfjöll, Snæfell og Herðubreið.

Í nótt mátti sjá móta fyrir daufum, rauðum bletti í skýjum íí suðri, séð frá Egilsstöðum og var karlinn í tunglinu ósköp daufur að sjá.

Viss tign er yfir þessari móðu en jafnframt ógn, sem ævinlega fylgir eldgosum á Íslandi, þegar í hlut eiga helstu eldstöðvar landsins, sem hafa valdið landsmönnum miklum búsifjum í gegnum aldirnar.

Meðan Bárðarbunga, sem Jón Grétar Sigurðsson flugmaður í Skaftafelli, hefur kallað móður íslenskra eldfjalla, heldur áfram  að hrista sig jafn duglega og hún gerir, verður að búast við hverju sem er.   

Bjarminn sést úr Mývatnssveit

Athugasemdir

[Gunnar Th. Gunnarsson, 6.9.2014 kl. 22:08]

Það liggur gosmistur hér yfir á Reyðarfirði.