Til lítils að svekkja sig nú yfir hlutdrægum dómurum.

Íslenska landsliðið sýndi það í leiknum við Þýskaland að þáð getur, ef rétt er á haldið, vel átt erindi í hóp sterkustu handboltaþjóða heims. 

Í lýsingu sinni á leiknum lýsti Einar Örn Jónsson fram á það hvernig lélegir dómararar sýndu margsinnis hlutdrægni í dómum sínum og kórónuðu það með því að leyfa Þjóðverjum að nýta sér ólöglegar aðferðir á síðustu mínutu leiksins.  

Þetta er svekkjandi, en fánýtt að vera að eyða dýrmætum tíma nú í að sökkva sér ofan í slíkt þegar aðalatriðið er að vinna jákvætt úr reynsluna af hinum tímabæra og gagnlega leik liðs okkar; besta leik okkar hingað til á mótinu. 

Aron: Þetta fór mikið í taugarnar á mér

"Eigi skal gráta Björn bónda, heldur safna liði"?

Þessi setning hefur verið höfð eftir Ólöfu ríku Loftsdóttur þegar bóndi hennar hafði verið drepinn og gætu kannski átt við eftir hrakfarir íslenska karlalandsliðsins í kvðld. 

Nýrri setningu væri hægt að bæta við: "Rallið er ekki búið fyrr en það er búið."

Er ekki rétt farið með að meðal þjóða, sem eru sárar leiknar en Íslendingar, eru lið á borð við Spánverja, sem hafa úr enn hærri söðlum að detta og eru með síst skárri kosti í boði? 

Það er einboðið, að nota leikina, sem Íslendingar eiga eftir að leika, til þess að vinna sig áfram út úr stöðunni, sem er þó í boði. 

 

Hver mistökin á fætur öðrum gegn Ungverjum

Önnur af tveimur ógnvænlegustu "sviðsmyndunum": Mannvirkin í Grindavík.

Í starfi vísindamanna í kringum umbrotin á Reykjanesskaga hefur stór hluti snúist í kringum það að búa til svonefndar "sviðsmyndir", annað orð yfir orðið möguleika.  

Þetta var notað í vinnu við viðbrögð við fyrstu gosin, í Geldingadölum og Meradölum, sem stundum hafa verið spyrt saman úndir heitinu Fagradalsgos. 

Eftir tveimur aðal sviðsmyndum hefur verið unnið að varnargörðum við tvö stærstu verðmætin, mannvirkin í Grindavík í formi hafnar, fyrirtækja og húsabyggðar, og hins vegar Svartsengisvirkjun, vatnsveitur og Bláa lónið norðan við Þorbjarnarfell.   

Nú er að koma í ljós að undir húsabyggðinni í Grindavík er að myndast sigdalur þar sem land allt er kolsprungið á þann veg, að muni lenda í væntanlegum gosstað. 

Þokkalegt að tarna og sýnir vel hve snúin og flókin staðan er á þessu svæði. 

Vill endurskoða reglur um heimagistingu fyrir Grindvíkinga

Blönduð leið í Eyjum fyrir hálfri öld. Flóknara og stærra í Grindavík?

Þótt útlitið í Eyjagosinu 1973 væri dökkt til að byrja með römbuðu menn á lausn vandans sem réðist af mjög sérstæðum aðstæðum. 

Í Eyjum var um tiltölulega lítið gos að ræða, sem fljótlega var aðeins í gangi í einum afmörkuðum gíg á upphaflegu gígsprungunni. 

Lögun hraunsins og þykkt gerði mögulegt að bjarga ótrúlega miklu með gríðaröflugri vatnsdælingu. 

Nú þegar sést vel að viðfangsefnið í Grindavík er miklu stærra og flóknara með bæjarstæðið krosssprungið og illvígt viðureignar. 

Þara að auki eru afdrif Svartsengis enn óráðin. Og kvikugangurinn, sem liggur í gegnum sjálft bæjarstæðið, er alls um 15 kílómetra langur, margfalt lengri en upprunalegi kvikugangurinn í Eyjum.  Og í ofanálag bíða fjórir aðrir eftir því að koma síðar til skjalanna á öllum skaganum á næstu áratugum og öldum. 

Hraunið runnið yfir varnargarðinn

Tóku Íslending á þetta.

Hafi mörgum fundist þeir aldrei upplifað annað eins í lok leik Íslendinga og Serba í gærkvöldi, verður slík fullyrðing að standast leiðréttingu í kvöld; við höfum aldrei upplifað annað eins tvö kvöld í röð eins og nú er raunin. 

Á rúmri mínútu í leikslok misstu Norðmenn niður tveggja marka forskot og fyrsta stig Norðmanna á stórmóti af þessu tagi var skyndilega staðreynd. 

Í báðum leikjunum hjálpuðu einstaklingsmistök til við að skola stigi til frændþjóðanna norrænu utan af Norður-Atlantshafi. 

Lengi hefur haldist líf í hugtaki í handboltanum hjá okkur, þar sem talað er um að taka Júgga inn í spilið. 

Kannski er komið tilefni til að tala um það að "taka Íslending" á þetta?

Færeyingar komu til baka og náðu í stig

Tvö gullmörk Arons, eins og klippt út úr spennusögu.

Mörkin tvö sem Aron Pálmarsson skoraði á síðustu mínútum leiksins við Serbíu komu eftir að honum hafði verið skipt inn á. 

Aron hefur að baki stöðu burðaráss í landsliðinu bæði í vörn og sókn, auk þess sem álagið á honum á atvinnumannsferlinu var orðið svo sjúklega erfitt og krefjandi, að það var farið að bitna á honum í formi meiðsla og leikþreytu. 

Hann söðlaði því um og fékk þægilegra prógramm sem gerði honum smám saman kleift að ná þeim árangri, sem blasti við í blálok leiksins i gær, að koma inn á ögurstundu leiksins og snúa honum úr beiskum ósigri í einhvern eftirminnilegasta viðsnúning sem menn muna. 

Aron Pálmason, þökk fyrir eitt af stærstu augnablikum íslenskrar handboltasögu. Svona geta aðeins snillingar framkvæmt.   

Hvað í fjáranum Aron Pálmarsson?

"Virkasta eldstöðin" ber nafn með rentu.

Grímsvötn hafa einhverja mestu reynslu af heilabrotum vísindamanna hér á landi. Þegar Agnar Koefoed-Hanson hóf að nota Klemm flugvélina þýsku 1938 urðu þau tímamót, að hægt var að nota nútíma flugtækni til rannsókna á eldsumbrotum. 

Og þá þegar var kominn grundvöllur fyrir mismunandi útskýringar á því hvort olli hinu, eldgos í grímsvönum og hlaup úr þeim.

Síðasta gos, 2011, var svo stórt, að ekki fór á milli mála að gosið réði ferðinni í það sinn.  

Stærsti skjálfti frá upphafi mælinga: Órói mælist

Lausnarmiðað og vant fólk ætti að geta leyst þetta mál.

Mál Svandísar Svavarsdóttur sýnist mörgum snúið, en nú, þegar öll atriðði þess koma betur fram, ætti fjarvera ráðherra á samskipta- og fjarskiptaöld ekki að verða að afsökun fyrir því fyrir lausanamiðaða og sjóaða stjórnmálamenn að sigla því í höfn eins og gert hefur verið áður. 

Kristján Loftsson var búinn að draga lappirnar lengi og nánast stefna í þær ógöngur sem gerði ráðherra illmögulegt að komast hjá því að gera upphaflegu ákvörðun sína fyrirsjáanlega.

Afleiðingin varð einstaklega klaufalegt mál, sem vefst fyrir aðilum þess.  

Guðlaugur Þór staðgengill í fjarveru Katrínar

Mannslíf njóti vafans.

Eins og oft áður eru ýmsar skýringar á sveimi varðandi stöðuna í umbrotunum á Grindavíkursvæðinu. 

Sem fyrr ætti það að hafa forgang hjá öllum að mannslífin, sem í húfi eru, hafi forgang. 

Ástæða fyrir lítilli skjálftavirkni á mælum

Eftirköst mikilsvægs fundar frá því fyrir næstum aldarfjórðungi?

Sjónvarpsstöðin Al Jazeera fjallaði fyrir áratug um stefnumarkandi fund í æðstu stjórn Boeing verksmiðjanna fyriir um aldarfjórðunigi, þar sem rætt var um nauðsynlegrum viðbrögðum andstpænis vaxandi velgengni Airbus. 

samkvæmt gögnum Al Jazeera var ákveðið að í forgangsröð yrði sett markaðsástand framar öryggi. 

Í kjölfarið fór mikið átak varðandi atriði á borð við framleiðslu á Boeing 787 Dreamliner. 

Þegar frá leið lenti Boeing í mesta basli við Dreamliner, sem olli vandræðum með að standa við tímaáætlanir í framleiðslu og sölu vérlarinnar. 

Vandræðin með Boeing 737 Max urðu síðan heimskunn. 

Nýjustu vandræðin, sem rakin eru nú í fréttum, leiða líkur að því, að Boeing hafi ekki enn náð að bíta að fullu úr nálinni með meinta tilslökun í öryggismálum hér um árið. 

Hurð Boeing-vélarinnar fundin