Er þetta ekki bara dæmigert um íslenska umferð?

Það þarf ekki að koma á óvart að vegfarendur brjóti umferðarlögin í stórum stíl hér á landi, til dæmis reglur um notkun stefnuljósa. 

Það er fyrir löngu orðin lenska hér að aka að eigin geðþótta á þann hátt að það bæði tefur fyrir umferð og skapi hættu. 

Í hugann koma ljóðlínurnar "Á Íslandi við getum verið kóngar allir hreint" þegar horft er upp á hegðun þá fjðlbreyttu hegðun, sem hér er plagsiður. 

„Þetta er algjörlega með ólíkindum“

Stefnir í að orðin "heldur betur" verði orð ársins? Jú, heldur betur.

Í lok síðustu ára hefur fest í sessi að velja svokölluð "orð ársins."

Já, heldur betur.

Að undanförnu hefur engu verið líkara en eins konar stífla hafi brostið hjá fjölmiðlafólki landins með sífelldri og víðtækri notkun orðanna "heldur betur". 

Þetta hefur gengið svo langt, að þegar tveir fréttamenn hafa talað í frétt, hafa báðir stagast á þessu ágenga tískuyrði. 

Og þegar eru komnir fram fréttamenn sem byrja jafnvel alltaf á þessu sem fyrstu orðum tilsvara. 

Já, heldur betur. 

Er einhver von til að þessu heldur betur fári fari að linna? 

Nei, heldur betur ekki. 

Það hefur nefnilega færst heldur betur í vöxt að nota þessi síbyljulegu orð heldur betur bæði í bæði jákvæðri og neikvæðri umgjörð. 

Þess vegna er það heldur betur ekki tilviljun hve mikið verðandi orð ársins 2024 eru notuð í þessum stutta pistli. 

Já, heldur betur. 

Sjálfstæðisflokkurinn og Samfylkingin bæta við sig

Mál Grindvíkinga mun flóknara en mál Eyjamanna 1973.

Hlutfallslega voru íbúar Vestmannaeyja fjórfalt fleiri 1973, miðað við stærð þjóðarinnar, íbúar Grindvíkinga eru nú. 

En það þarf þó ekki endilega að þýða að fjórfalt meira mál hafi verið að leysa úr vanda Eyjamanna en Grindvíkinga.

1. Eðli gossins í Eyjum, var miklu einfaldari en jarðeldarnar, sem nú eru að hefjast á Reykjanesskaga, og brjótast út á miklu fjölbreytilegri hátt og enginn veit hve víða þeir eiga eftir að geysa og heldur ekki hvort þeir eru upphafið á margra alda jarðeldaskeiðs.  

2. Gosið í Heimaey varð fljótlega bæði einfalt og bauð upp á einfaldari mótaðgerðir en jarðeldarinir á Suðurnesjum gera nú. 

3. Jarðeldarnir á Reykjanesi kunna að valda víðfeðmu tjóni á svæði, þar sem mikill meirihluti þjóðarinnar býr. 

Raunar kallar þessi nýja náttúruvá stórfellda breytingu, jafnvel byltingu,  á því hvernig byggð og efnahagslíf verða til frambúðaar. 

 

Íbúafundur Grindvíkinga

Mestallt innviðakerfi Reykjanesskagans er undir.

Þegar síðuhafi var kallaður í viðtal hjá Agli Helgasyni í upphafi jarðeldanna á Reykjanesskaga, voru tvö atriði efst á blaði. 

1. Um Reykjanesskaga liggur hringlaga innviðakerfi, þar sem á meirihluta hringleiðarinnar hafa runnið hraun eftir ísöld. 

2. Liðið hafa átta hundrað ár síðan nokkurra alda eldgosatímabili lauk um 1140, og nú væri hætta á því að nýtt langvarandi eldgosatímabil væri að hefjast. Húsfellsbruni væri ein af tíu stærstu hraunbreiðum landsins og hraun hefðu runnið til sjávar við Hafnarfjörð og út í Ellíðarvog í Reykjavík.  

Á þeim þremur árum sem liðin síðan þetta viðtal var tekið hafa komið átta goshrinur og hin níuunda gæti verið skammt undan. 

Eina huggunin er fólgin í góðum staðsetningum Keflavíkurflugvallar og Reykjavíkurflugvallar. 

 

Ekki víst að hægt sé að verja Reykjanesbraut

Hver er best, F-35, SAAB Gripen eða TU-160?

Þoturnar, sem mörg HATO lönd, eru nú að fá sér og koma til Íslands til að sinna loftgæslueftirliti, eru af gerðinni F-35, og hafa fengið mikla umfjöllun, vegna þess hve dýrar þær hafa verið og með flókinn búnað. 

Honum hafa fylgt mörg óhöpp, enda um um afar metnaðarfulla eiginleika að ræða. 

Þær geta nýst í fjölbreytilegu umhverfi á sjó og landi og lent og tekið sig lóðrétt til flugs. 

Ítarleg umfjöllun sérfræðinga á netinu hefur talið hinn mikla kostnað eðlilegan miðað við gríðarlega metnaðarfulla smíði, sem enn er verið að endurbæta. 

Ungverjar hafa fengið sér SAAB Gripen herþotur, sem liðka um þessar mundir fyrir inngönnguu Svía í NATO. 

Í umfjöllun handbóka um hernaðarflugvélar koma þessar sænsku orrustuþotur mjög vel út, allt upp í það að vera þær liprustu og bestu á markaðnum.  

Á tima staðgenglastríðsins, sem nú er háð í Úkraínu milli Rússa og NATO, eru líka nefndir rússneskir kandídatar að slíkum titli, en á tímabili um síðustu aldamót sýndu herþotur af gerðinni Sukhoi 27 og 37 yfirburða snilldartakta á flugsýningum. 

En þotan Tupolev 160 M sem Putin er að dást að, er einfaldlega kraftmesta og hraðskreiðasta herþota heims. 

En hún á langt í land með að ná eins mikilli útbreiðslu og F-35 hjá Kananum, en á pöntunarlista yfir þær þotur eru þegar komnar nokkur þúsund. 

Aðilarnir að Ukranínustríðinu forðast að tefla þessum flugvélum fram eins og er, af ótta við að það geti stigmagnað stríðið. 

Pútín ferðast á hljóðhraða

Gömlu vínarbrauðin gefðu mér.

Þegar afi var bakarameistari og pabbi líka varð bakaradrengurinn, sem þessar línur skrifar,  aðnjótandi áhorfs á þvílíka nosturs baksturstækni í bakstri vínarbrauða, að aldrei gleymist. 

Umönnun bakaranna stóð yfir allt frá samsetningu deigsins til enda bakstursins. 

Sérstaklega var vandað til efnisvals, aðeins úrvald amerískt hveiti, smjör og sykur. 

Innifallið í ferlinum var að "lyfta" lengjunni og opna hana handvirkt eftir endilöngu. 

Langt er síðan þessi nákvæma handavinna var í hávegum höfð, sem síðan er höfð í hávegum í endurminningunni um að hafa að stórum hluta vera alinn upp á vínabrauðsendum.  

Öðruvísi vínarbrauð að hætti Húsó

Ný og ný ofríkismál Bílastæðasjóðs.

Nýjum dæmum um ofríki á vegum Bílastæðasjóðs virðist fjölga með vaxandi hraða. 

Í fyrra tóku gildi ný umferðarlðg sem kættu mjög starfsmenn sjóðsins vegna þess að með því opnuðust auknir möguleikar til að breyta reglugerðum í þessu efni til að auðvelda sókn sjóðsins á hendur bílaeigendum. 

Sú hefur líka orðið raunin, og var eitt þeirra rakið hér á síðunni í hitteðfyrra. Í því máli hafði sjóðurinn að engu þinglýstan eignarétt eigenda blokkarinnar sem í hlut átti. 

Í samtölum við talsmenn sjóðsins hældust þeir um, að með nýju reglugerðinni gætu þeir látið lögreglu fjarlægja bíl og gera hann upptækan.

Væri best fyrir bíleigandann að hafa sig hægan, því að ef Bílastæðasjóður vildi, gæti hann látið fjarlægja fyrirvararlaust alla bíla sem stæðu fyrir framan bílskúradyr borgarinnar.   

Borgin rýfur 80 ára hefð og bannar akstur íbúa

Nasasjón af áhrifum nýrrar byggðar á lendingar og flugtök lofar ekki góðu.

Stefnan, sem tekin hefur verið í uppbyggingu húsa í stórum stíl þétt upp að Reykjavíkurflugvelli, minnir á orðtakið "skjóta fyrst og spyrja svo."

Greinilega á að taka áhættuna af því hefja uppbygginguna áður en fyrir ligga niðurstöður rannsókna á loftflæði og ókyrrð í lofti. 

Nú þegar er risið næsta hátimbruð byggð á svonefndum Valsreit sem hefur áhrif á loftflæði fyrir flugvélar í lendingum og flugtökum á norður-suðurbrautinni. 

Síðuhafi hefur stundum nýtt sér heimildir til snertilendinga á þessari braut og hefur því fengið nasasjón af þessum lendingum og flugtökum í stífum hliðarvindi, þegar hann steypist yfir þetta nýja hverfi og frumniðurstöðurnar eru ekki uppörvandi. 

Með tilkomu þessa fimm hæða hverfis er mun meiri ókyrrð þarna en var, áður en "neyðarbrautinni" svonefndu var fórnað fyrir hið nýja hverfi. 

Íbúðablokkirnar þarna liggja eins og háir veggir þvert á vindstefnuna og valda mikilli ókyrrð. 

Af þessu ætla menn greinilega ekkert að læra, heldur halda áfram að sækja að vellinum með þeirri aðferð að skjóta fyrst og spyrja svo.  

 

Byggt við flugvöllinn enn á ný

Vinnur tíminn með Rússum núna eins og svo oft áður?

Löng reynsla úr hernaði í Rússlandi hefur oftast sýnt, að tíminn vinni með þeim. Þetta máttu Napóleon og Hitler reyna og á fyrstu árunum eftir stofnun Sovétríkjanna endaði hernaðurinn, ssem þá var stundaður næsta losaralega með því að Sovétrín efldust sem stórveldi. 

Þessa dagana, á tveggja ára afmæli stríðs Pútíns gegn Úkraínu, virðist flest falla hægt og bítandi með rússnesku tímavélinni, sem malar rólega í þá átt að þreyta andstæðinginn á ýmsa vegu. 

Stalín lét drepa milljónir í sínum hernaði gegn Úkraínumönnum, en Pútín velur sér sín fórnalömb í rólegheitunum með því að koma þeim fyrir kattarnef einum og einum. 

Og ef aðstæður eru þannig að forystusveit viðsjárverðra afla eins og Wagnersveitanna er svo barnaleg að halda að hún geti bara valsað um óáreitt, bíður Pútín sallarólegur og stráfellir forystu vígasveitina alla á einu augnabliki. 

Eftir á hælist hann um með því "giska á" aðeins til þess hefði ekki þurft nema eina handsprengju. 

Yfirlýsing Trumps og tregða Repúblikana á Bandaríkjaþingi styrkja stöðu Pútíns, og á vígvellinum malar hernaðarkvörn hans hægt og bítandi. 

Rússar ná Avdívku á sitt vald

Glæsilegur listamaður.

Jóhanna Vigdís Arnardóttir er afar hæfileikarík eins og kom til dæmis vel fram í söngleikjunum, sem hún sðng í.  Það er því fagnaðarefni að hún birtist aftur á fjölunum og hrífi áhorfendur í ný með glæsileik sínum. 

Reið ung kona á ferðinni