Dæmi um það hvað reynsla og þrautseigja vega þungt.

Sú var tíð að íslenskir stjórnmálamenn héldu að á tiltölulega fáum árum væri hægt að fjölga loðdýrabúum á Íslandi tuttugufalt upp í 600.

Skellt var skollaeyrum við aðvörunarorðum frá að minnsta kosti einum Íslending sem hafði kynnst slíkum landbúnaði í Danmörku og sagði að áratuga reynsla og yfirveguð markviss þróun væri forsenda fyrir velgengni. 

Við sjáum að Danir búa enn að reynslu sinni en líka að í áranna rás hafa þeir Íslendingar sem þraukuðu og þróuðu með sér reynslu og þekkingu náð árangri. 

Minkaskinn frá Íslandi aldrei dýrari

Athugasemdir

[Ólína Kjerúlf Þorvarðardóttir, 16.9.2010 kl. 09:45]

Kæri Ómar.

Ég færi þér hjartanlegar hamingjuóskir á afmælisdaginn þinn. Takk fyrir margar ógleymanlegar stundir sem við áttum hér á árum áður á fréttastofu Sjónvarpsins, hlátra og kæti í sambandi við flugferðir, fréttavinnslu, mistök í útsendingu o.s.frv., o.s. frv.

Njóttu dagsins. Bestu kveðjur til fjölskyldunnar.

[Árni Gunnarsson, 16.9.2010 kl. 10:09]

Mig brestur tækniþekkingu til að stofna bloggsíðu til heiðurs þér á þessum heiðursdegi þínum Ómar Ragnarsson. Til þess hefði þó verið ærin ástæða.

En ég flyt þér árnaðaróskir frá mér og þakka þér fyrir mína hönd og minna fjölmörgu afkomenda þitt ómetanlega starf í þágu landsins okkar dýrmæta og fólksins sem það hefur tekið í fóstur.

Við erum svo stór hópurinn sem eigum ógreidda skuld við þig og nú brestur mig orð.

Lifðu heill!   

[Sveinn Atli Gunnarsson, 16.9.2010 kl. 11:26]

Til hamingju með daginn Ómar. Þú ert gott dæmi um reynslubolta með þrautseigju. Gangi þér vel í framtíðinni.

[Kristján Hilmarsson, 16.9.2010 kl. 11:53]

Hetjan, Gárunginn, Lífsheimspekingurinn og fimmti Landvætturinn, okkar allra Ómar er sjötugur í dag.

 Til Hamingju Ómar ! og takk fyrir alla þína visku og ærsl í gegn um tíðina, veit það er af miklu meir að að taka og meira kemur.

Fyrir mig og mína fjölskyldu.

Kristján Hilmarsson

[Báran, 16.9.2010 kl. 12:12]

Elskulegi Ómar okkar allra.

Ég vil óska þér innilega til hamingju með 70 árin. Hafðu bestu þakkir fyrir hetjulund þína og umhyggju fyrir landinu okkar, og fyrir allt það sem frá þér hefur komið, okkur og áframhaldandi kynslóðum til skemmtunar og fræðslu. Megi dagurinn verða þér dásamlegur í alla staði.

[Sigurður Sigurðsson, 16.9.2010 kl. 12:42]

Kæri Ómar til hamingju með daginn.

[Hólímólí (IP-tala skráð) 16.9.2010 kl. 12:56]

Til hamingju með afmælið, Ómar. Megir þú lengi lifa.

[doctore (IP-tala skráð) 16.9.2010 kl. 13:42]

Hjartanlega til hamingju með afmælið gamli minn!!

[Bjarni Gunnlaugur (IP-tala skráð) 16.9.2010 kl. 14:22]

Sæll Ómar! Við þekkjumst ekki persónulega en þakka þér samt fyrir allt gamalt og gott! Hér er smá limra í tilefni dagsins:

Hann skröltir um landið með skómar

í skýum á vitana hómar

elskar sitt land

og - hjónaband

til lukku með afmælið Ómar!

[Heimir Tómasson, 16.9.2010 kl. 14:58]

Innilega til hamingju með daginn Ómar minn, þakka þér kærlega fyrir allt sem að þú hefur gert landanum í gegnum tíðina, sem of margt er til að telja.

Heill þér meistari.

[Gunnar Th. Gunnarsson, 16.9.2010 kl. 15:14]

Hjartanlega til hamingju með daginn, Ómar.... eða á maður að segja "gamli"?

Annars ertu algjörlega aldurslaus í mínum huga... alltaf sprækur eins og lækur. Þú verður örugglega 100 ára....   

[Sverrir Stormsker, 16.9.2010 kl. 15:15]

Innilega til hamingju með 70 ára afmælið Ómar. Þó þú hafir alla tíð verið með tímabundnustu mönnum þá held ég að fáir hafi komið jafn miklu og góðu í verk og þú. Þú gafst þér meiraðsegja tíma til að reyna að tæta af mér hausinn með hreyflinum á flugvélinni þinni í myndbandi mínu við lagið Allsstaðar er fólk, sællar minningar - þar sem þú komst svífandi á rellunni (kellunni, frúnni) að mér þar sem ég var á göngu í óbyggðum og straukst við hausinn á mér og gafst mér þessa líka fínu herraklippingu.  Hitchcock hefði pottþétt ráðið þig sem flugmann í myndina North by Northwest hefði hann vitað af þér.

Þó ég viti að þú sért spenntari fyrir mörgu öðru en virkjunum á þjóðarperlum þá gerði ég um þig litla vísu:

Ómar er náttúruafl

sem á að styrkja

og efla af krafti ár og síð.

Ómar er náttúruauðlind

sem á að virkja

til heilla fyrir land og lýð.

Bestu kveðjur og takk kærlega fyrir þitt fjölskrúðuga og frábæra ævistarf. Þú ert samt bara rétt að byrja. Miðað við orkuna sem í þér býr þá ferðu bráðum að komast á miðjan aldur. Verður pottþétt 150 ára. Til að gæta hófs þú skulum við segja að þú lifir allavega lengur en ríkisstjórnin.

[Óskar Helgi Helgason (IP-tala skráð) 16.9.2010 kl. 15:20]

Mínar beztu hamingjuóskir; í tilefni dagsins, fræða þulur góður - þér; og fjölskyldu þinni allri, til handa.

                                                   Óskar Helgi Helgason

[Ágúst H Bjarnason, 16.9.2010 kl. 16:09]

Til hamingju með daginn ágæti Ómar og kærar þakkir fyrir að vera óþreytandi að minna okkur á að ganga vel um náttúruna.  Bestu þakkir fyrir allar fræðslumyndirnar og skemmtunina sem þú hefur veitt okkur svo lengi sem elstu menn muna.

[Þorsteinn Briem, 16.9.2010 kl. 16:21]

Til hamingju með daginn og takk kærlega fyrir liðin ár!!!

[Jóhann Páll Símonarson, 16.9.2010 kl. 16:59]

Á fallegum haustdegi á hann Ómar Ragnarsson merkisafmælisdag, Ómar er ofurmaður sem getur gert allt sem hann leggur fyrir sig. Það sýna þessi myndbrot í sjónvarpinu. Ekki má gleyma hans baráttur fyrir bættu umhverfi og flugvélin sem hefur verið honum kærkomin og bílarnir sem nú bíða að fara á safn. Ómar Ragnarsson er einstakur persónuleiki sem þjóðin mun ekki gleyma, því lífið heldur áfram.

Ómar Ragnarson til hamingju með afmælisdaginn þinn, megi guð umvefja þig og fjölskyldu þína alla tíð.

Jóhann Páll Símonarson.

[Ingvi Rúnar Einarsson, 16.9.2010 kl. 18:07]

Dagur íslenska náttúru.Afmælisdagur þinn er valinn þér til heiðurs.Þjóðin tekur undir það,að sú áhvörðun sé ekki spurning.Stiklur og annað efni,sem þú hefur fært inn í stofu hefur bendt þjóðinni á okkar fallega land.Ekki má heldur gleyma þinn þátt,sem hefur létt undir hjá þjóðinni,sem skemmtikraftur,lagasmiður og textahöfundur.Þú ert einstakur maður Ómar,til hamingju með daginn.

[Jóhann Grétar Kröyer Gizurarson (IP-tala skráð) 16.9.2010 kl. 19:08]

Til hamingju með 70 ára afmælið Ómar, þó þú lítir ekki út fyrir að vera deginum eldri en fimmtugt! Vonandi fáum við önnur 70 ár með þér!

Ég varð sérstaklega ánægður með það að 16. sept skuli verða Dagur Íslenskrar Náttúru til heiðurs þér eins og ég komst að þegar ég var að hlusta á síðdegisútvarpið í dag. Það er enginn betur til þess fallinn að njóta þess heiðurs heldur en þú. Þú opnaðir augun mín fyrir fegurð landsins. Þú ert sannkallaður fimmti landvætturinn :).  

[Sigurður Haraldsson, 16.9.2010 kl. 19:58]

Til hamingju með daginn Ómar baráttujaxl þú lengi lifir takk fyrir blogg þitt!

[hilmar jónsson, 16.9.2010 kl. 21:36]

Til hamingju Ómar...

[Sjonni G (IP-tala skráð) 16.9.2010 kl. 21:51]

Til hamingju með afmælið Ómar minn. Þú ert heiðursmaður og megum við Íslendingar vera stoltir af þér.

[Heiður Ósk Helgadóttir (IP-tala skráð) 16.9.2010 kl. 22:30]

Elsku Ómar okkar.

Innilegar hamingjuóskir með 70 árin, Dag íslenskrar náttúru og allar þær viðukenningar sem falla til þín þessa dagana.  Það var tími til kominn að þú fengir að heyra hvers virði þú ert þjóðinni.

Við Hjalti sendum þér stórt knús af Héraðinu og vonumst til að sjá þig í næstu heimsókn þinni austur.

[Haukur Nikulásson, 17.9.2010 kl. 00:03]

Sæll Ómar og mínar bestu hamingjuóskir með daginn. Takk fyrir allt sem þú hefur gefið af þér í gegnum tíðina allt frá því ég pjakkurinn heyrði í þér fyrst í sunnudagsþáttum Svavars heitins Gests og fram á þennan dag. Megi góðu dagarnir halda áfram að koma hjá þér.

[Ómar Ragnarsson, 17.9.2010 kl. 06:51]

Ég þakka, vitandi um veikleika mína og mistök. Vísa að öðru leyti til næsta bloggpistils á eftir þessum. Það gafst enginn tími í gær til að blogga.