Tók örvæntingarfulla áhættu og tapaði.

Þjálfari norska liðsins hélt líklega að með því að tala í niðurlægjandi tóni um íslenska liðið myndi það hafa svipuð áhrif á það og þegar Ali tók andstæðinga sína á sálfræðinni hér í gamla daga.

Þetta er áhættusamt. Ali tókst þetta oftast en misreiknaði bæði Ken Norton og Joe Frazier í fyrsta bardaga þeirra. 

Þetta herbragð Hedins mistókst algerlega og virtist hafa alveg öfug áhrif á íslenska liðið miðað við það sem ætlunin var því að það sýndi alveg ævintýralega baráttu og stemningu.

Það var hreint guðdómlegt að horfa á leikinn, ekki síður en þann síðasta. 

Raunar virkaði þetta eins og örvæntingarbragð fyrirfram hjá Hedin, því að í íslenska liðinu eru meiri breidd en því norska og aðeins tveir Íslendinganna höfðu leikið meira en þrjár klukkustundir alls á mótinu, en sex hjá því norska. 

Norska liðið átti við svipað vandamál að etja og oftast hefur orðið Íslendingum að falli á mótum fram að þessu, að hafa að vísu frábært byrjunarlið en ekki nógu sterkan "bekk", svo að of mikið var keyrt á sömu mönnunum. 

Hedin hafði sagt að Norðmenn myndu vinna með því að "keyra á" íslenska liðið á fullu og það gekk svo sem upp fyrri hálfleikinn og fram undir miðjan seinni hálfleik. 

Þá kom í ljós að þetta var kolröng og örvæntingarfull aðferð og norska liðið missti pústið fyrr en maður átti von á enda búið að halda uppi gríðarlegri hörku, pressu og hraða fram að því. 

 

 

„Þetta var bara stríð“

Athugasemdir

[Óskar Þorkelsson, 20.1.2011 kl. 22:08]

ég heyrði aldrei neinn niðurlægjandi tón hjá Hedin um íslenska landsliðið.. þvert á móti.

[Ómar Ragnarsson, 20.1.2011 kl. 22:20]

Strákarnir tóku það þannig, skilst mér, og það fyllti þá eldmóði.

[Haraldur Haraldsson, 20.1.2011 kl. 23:27]

hefði nú haldið fyrir víst að allir Ísendingar væru sammála þarna,og við erum það,allavega við Ómar

[Óskar Þorkelsson, 21.1.2011 kl. 05:27]

ég horfði á fjölmörg viðtöl við Hedin fyrir leikinn og í þeim öllum segir hann að íslenska liðið sé sigurstranglegra og að norska liðið þurfi að eiga toppleik til þess eins að eiga möguleika... "niðurlægingin" er sennilega bara til í hausnum á íslendingum sem ekki skilja sænsku

[Handoltafregnir - Allt um handbolta!, 21.1.2011 kl. 18:23]

Óskar þú hefur bara ekkert verið að fylgjast með fyrir leikinn því að Robet Hedin drullaði nokkrum sinnum yfir íslenska liðið og sagði m.a að íslenska vörnin væri "eyðilegging".

[Óskar Þorkelsson, 21.1.2011 kl. 18:27]

allt um handbolta, ég horfði á beina útsendingu hér í noregi og þetta er líka spurning um að SKILJA tungumálið sem maðurinn talar.. hann talar um destruktivt forsvar og ekki í neikvæðri merkingu..

djö leiðast mér sjálfumglaðir íslendingar sem geta ekki einu sinni glaðst yfir því að hafa burstað sterkt lið norðmanna heldur velta sér upp úr orðum sem þeir skilja ekki einu sinni..

[Handoltafregnir - Allt um handbolta!, 21.1.2011 kl. 18:59]

Ég er að tala um fyrir leikinn !!!

http://www.visir.is/robert-hedin,-thjalfari-nordmanna--domararnir-hjalpudu-islandi/article/2011491583366

http://mbl.is/sport/hm_handbolta/2011/01/20/hedin_berjid_alexander/

Svo sagði hann líka fyrir leikinn að íslenska vörnin væri "eyðilegging", og væri alltof gróf.

Og þetta !! http://visir.is/thorsteinn-j-&-gestir--thola-sviar-ekki-gudmund-thjalfara-/article/2011663709863

[Óskar Þorkelsson, 22.1.2011 kl. 06:28]

hefur séð þessi viðtöl við Hedin á sænsku ? stórefast um það en ég hef fyulgst með öllu þessu galleríi í beinni útsendingu hérna úti í noregi og verð að segja að þessar fréttir eru annaðhvort upplognar, illa skrifaðar eða hreeinlega að blaðamenn skilja ekki sænsku og norsku !