Sífelld vandræði af svipuðum toga.

Svo virðist sem Bandaríkjamenn geti ekki komið í veg fyrir síendurtekið klúður með jöfnu millibili í hinu endalausa stríði í Afganistan.

Varla eru heimamenn búnir að jafna sig eftir eitt klúðrið þegar annað bætist við. Þrjú slík atvik hafa nú dunið yfir með tiltölulega stuttu millibili, fyrst migið á lík fallinna Afgana, síðan Kóraninn brenndur í stórum stíl og loks þetta.

Raunar er skotárásin nú ekki úr stíl við þær síendurteknu skotárásir, sem verða í bandarískum skólum, af því að Bandaríkjamenn skera sig úr öðrum þjóðum varðandi byssueign, byssugleði og byssubrjálæði.

En afganskur almenningur hefur þrátt fyrir nær samfellt stríðsástand í áratugi ekki kynnst slíkum síendurteknum fyrirbærum og því er eðlilegt að auðvelt sé að fá Afgana til að túlka þessa skotárás sem eina af beinum og endurteknum árásum á sig sem þjóð.

Stríðið er nú orðið lengsta samfellda stríð sem Bandaríkjamenn hafa háð og ekki örlar á því að það vinnist, heldur virðast stríðslok frekar fjarlægjast en hitt.

 

Vottaði samúð sína

Athugasemdir

[Jón Logi (IP-tala skráð) 12.3.2012 kl. 08:45]

Þetta hefur verið að endurtaka sig nokkuð, og hefur valdið hneykslan hvað þessir gaurar fá lina málsmeðferð. Ætli besta grýlan á svona hagelsi væri ekki bara að refsingin yrði framsal til heimamanna.