20.5.2012 | 22:50
"Skagamenn skoruðu mörkin" - áfram?
Líklega á ekkert bæjarfélag á Íslandi knattspyrnuhefð á við Akranes. Skagamenn voru fyrsta liðið utan Reykjavíkur til að verða Íslandsmeistari og á sjötta áratugnum og fram á þann sjöunda átti Skaginn svonefnt Gullaldarlið, sem var svo sterkt á köflum að meirihluti landsliðsins var úr því.
Sem innvígður Framari var valið samt auðvelt á knattspyrnuvellinum ef Fram var ekki annað liðið sem var að spila. Það var næstum því þegnskylda að halda þá með Skagamönnum en vera á móti KR.
Það var því ekkert erfitt fyrir mig að setja mig inn í Skagaandann og semja textann "Skagamenn skoruðu mörkin" þótt Fram ætti alla tíð hug minn.
Þegar fyrstu gullaldarmennirnir á Skaganum hurfu af vettvangi og liðið hrapaði niður hátt fall, reis nýtt lið í fremstu röð undra hratt þegar ný kynslóð tólk við.
Þannig hefur þetta, hin óhjákvæmilegu kynslóðaskipti, endurtekið sig nú kemur Skaginn á gríðarlegri siglingu upp í efstu deild og fer svo vel af stað í fyrstu leikjunum, að þeim verður best lýst með því að syngja: "Skagamenn skoruðu mörkin!"
Það munaði ekki nema örfáum mínútum að Skagamenn innbyrtu sigur í kvöld og óvíst að hægt verði að treysta á slíka "meistaraheppni" áfram, heldur afar spennandi að sjá hvernig liðið vinnur úr fyrsta ósigri sínum, þegar og ef hann ber að höndum, sem verður þó að telja líklegt í jafn langvinnri keppni og Íslandsmótið er.
Skagamenn á mikilli siglingu | |
Tilkynna um óviðeigandi tengingu við frétt |
Flokkur: Pepsi-deildin | Facebook
Athugasemdir
Mikið sammála þessu Ómar/Kveðja
Haraldur Haraldsson, 20.5.2012 kl. 23:55
Vissi ekki að þú ættir textann við "Skagamenn skoruðu mörkin" sem er enn lang besta skagalagið. Þeir spila reyndar núna "Ég er kominn heim" eftir leiki og væntanlega að vísa í að Skaginn er aftur kominn í deild þeirra bestu. Lagið reyndar fínt, svoldið "You never walk alone" fílingur ef það festist en ekki beint skagalag. ;)
Hrannar Örn Hauksson (IP-tala skráð) 21.5.2012 kl. 10:38
Mjög gaman að sjá baráttuna í liðinu og þennan frábæra árangur liðsins í byrjun móts. Liðið er nýliðar í Pepsi deildini og eru á toppnum með 13. stig. Ósigraðir. Hafa unnið fjóra leiki og gert eitt jafntefli. Í þessum sigrum eru íslandsmeistarar 2010 og 2011. Frábær árangur.
Eitt finnst mér leiðinlegt. Það virðist vera einhver öfund í gangi hjá ja.. bæði sumum íþróttafréttamönnum sem og einhverjum leikmönnum annara liða. Merkilegt fannst mér þegar einn Fylkismaðurinn í viðtali sýndi ótrúlegan barnaskap þar sem hann talaði um "spilaði þessi á Englandi" og var þar að tala um fyrirliða ÍA. Sama nú í leik Stjörnunar þegar leikmaður í viðtali sagði að "einhver leikmaður fékk boltan" og var þar að tala um Garðar Gunnlaugs. - Báðir þessir leikmenn búnir að vera á annan tug ára í atvinnumennsku úti.
Er þetta virkilega íþróttandinn sem þessir leikmenn sýna. Eiga þessir menn ekki að sýna gott fordæmi og íþróttaanda.. en í stað þess eru þeir tapsárir eins og 10 ára strákar sem ekki vita betur.
Þetta er mjög leiðinlegt að sjá. Og blettur á þessu annars góða móti.
Takk fyrir þitt framlag Ómar. Skagamenn skora mörkin er frábær texti og lag.
Kveðja
Einar
Akranesi.
Einar (IP-tala skráð) 26.5.2012 kl. 15:56
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.