Ætli heilsa og heiður séu ekki meira virði en fé ?

Þegar við tökum þátt í lottói eða happdrættum blundar sjálfsagt í okkur vonin um að detta í stóra lukkupottinn og geta átt áhyggjulausa daga, - það er bara mannlegt.

Þó vitum við mætavel að peningar eru engin trygging fyrir hamingju og að þeir koma að litlu gagni ef heilsa eða heiður fara forgörðum og sagan af heppna lóttóspilaranum í Bandaríkjunum er lærdómsrík.

Ég átti eitt sinn við sjálfan mig rökræðu um lán heimsins eftir að ég hafði staðið undir hellismunnanum yfir ánni Volgu, þar sem hún kemur undan Kverkjökli, og horft síðan mínútu síðar á þúsund tonna ísstál hrynja yfir staðinn þar sem ég hafði staðið.

Ég náði á þessu augnabliki einstæðu myndskeiði af hruninu sem minni líkur voru á að ná en að vinna í Víkingalottói og fór hið innra með mér í ímyndað viðtal við skaparinn:

ÉG:   "Heyrðu, þarna uppi. Hefði ekki verið möguleiki að víxla þessari heppni fyrir fyrsta vinning í    Víkingalottói?"

DROTTINN:   "Heimski og vanþakkláti maður. Stóra heppnin þín núna var ekki sú að ná þessu myndskeiði eða að vinna í staðinn í Víkingalottói, heldur sú heppni að það munaði aðeins mínútu að þú yrðir undir þúsund tonna ísstáli. Dauður maður vinnur ekki í víkingalottói. Mundu það."

Umdeildur lottóvinningshafi lést

Athugasemdir

[Anna Sigríður Guðmundsdóttir, 30.9.2012 kl. 22:13]

Ómar. Viskan í þessum pistli er raunsönn og ekta.

M.b.kv.

[Ari (IP-tala skráð) 1.10.2012 kl. 01:16]

Ég stóð fyrir framan íshellismunann í Kverkfjöllum í kringum ´95 og ég áttaði mig á "and"lottó-hættunni og ætlaði svo sannarlega ekki að "kaupa miða" í því. Eins og þú segir í öðrum pistli sem ég rakst í með googli um íshellinn:

 "Aldrei skyldi afskrifa neitt alveg þótt líkur séu hverfandi.

Ef það væri alltaf gert myndi enginn spila í Víkingalottói"  ;)http://omarragnarsson.blog.is/blog/omarragnarsson/entry/1166379/

[DoctorE (IP-tala skráð) 1.10.2012 kl. 09:00]

Money takes the sting out of being poor; það er sama hvaða ástand er á mönnum, okkur líður bara betur með peninga á vasanum.

En Ómar, þegar þessi drottinn bjargaði þér, þennan sama dag létu tugir þúsunda barna lífið, úr hungri, vosbúð, stríðsátökum... sljókkar það ekki aðeins í þessu drottins tali þínu