Get hiklaust mælt með þeim bræðrum.

Ég gerði mér ferð norður í Mývatnssveit í fyrravetur til að sjá, hvernig þeir Þvörusleikir og Askasleikir gleddu fólk í Dimmuborgum og varð ekki fyrir vonbrigðum. Fullyrði að svipað sé ekki að finna hér á landi.

Ástæðan er tvíþætt: Annars vegar hið einstæða umhverfi, sem nýtur sín jafnvel enn betur í skammdeginu en á sumrin og hins vegar frábær frammistaða þeirra bræðra við að gleðja gesti og gangandi.

Nú get ég vottað að vetrarríkið á Norðurlandi er með magnaðasta móti og svíkur engan. Þótt það kunni að vera spölur að fara í Dimmuborgir er það víst að börn á þeim aldri þegar verið er að upplifa það sem verður minnisstæðast í lífinu, mun ævinlega verða foreldrum sínum eða aðstandendum þakklát fyrir að hafa komið til jólasveinanna í Dimmuborgum.

Og þetta á ekki aðeins við um börnin, heldur líka fullorðna. Þeir sem koma lengra að en frá Akureyri ættu ekki að sleppa því að fara jafnframt í Jólagarðinn, sem einnig er einstakur.

Jólasveinar mættir í Dimmuborgir

Athugasemdir

[Þorsteinn Briem, 26.11.2012 kl. 01:24]

Ómar nú á grænni grein,
Grýlu sá og jólasvein,
einnig gamla hrútinn Hrein,
og hundinn Gísla með sitt bein.