Gos í dyngjum enn betri?

Ef gos á söndum eru æskilegri en gos undir jökli á þeirri línu, sem jarðskjálftar og gliðnun liggja núna,  eru gos í dyngjum líklega enn betri.

Hraun, sem renna úr dyngjum, renna víst yfirleitt hægt og lengi og breiða rólega úr sér, þannig að þau eru meinlítil og endast lengi sem aðdráttarafli fyrir ferðamenn.

En seint munu menn geta stjórnað þessu með óskum einum, samanber Heimaeyjargosið, sem svo sannarlega kom ekki upp á góðum stað. 

Og því miður er Heimaey stærst Vestmannaeyja vegna þess einfaldlega að þar hafa flest gosin orðið á einu afmörkuðu svæði og því líklegasti staðurinn fyrir síðari gos.  

Vonandi gýs áfram á söndunum

Athugasemdir

[Þorsteinn Briem, 16.9.2014 kl. 21:17]

Eldgos í Heimaey "hófst skyndilega aðfaranótt 23. janúar 1973, þegar jörðin rifnaði austur af Kirkjubæ og tæplega 2 km löng rifa opnaðist, þar sem áður voru tún, um 200 metra frá næstu húsum.

Það sem engan hafði órað fyrir var orðið! Eldgos á Heimaey eftir 5.000 ára goshlé.

Uppaf sprungunni teygðu logandi eldstólpar sig til himins. Hraun vall upp úr sprungunni, sem náði frá flugvellinum á miðri háeynni og norður að innsiglingunni við Ystaklett."

[Þorsteinn Briem, 16.9.2014 kl. 22:32]

"Stór sprungugos með um 5-800 ára millibili suðvestur af Bárðarbungu eru sérlega skeinuhætt.

Þar eru flestar vatnsaflsvirkjanir landsins og sérhvert þessara gosa breytir landslagi mjög mikið á þessum slóðum.

Þarna munu verða mikil eldgos í framtíðinni og eldstöðin er að komast á tíma ef miðað er við forsöguna."

Bárðarbunga | Eldgos | Eldfjöll | Eldstöðvar

[Vilhjálmur Eyþórsson, 17.9.2014 kl. 03:27]

Vestmannaeyjar eru tvímælalaust langhættulegsti staður landsins til að búa á. Um þetta hef ég skrifað í Moggagrein og áréttaði í bloggrein fyrir nokkru.http://vey.blog.is/blog/vey/entry/1045325/

[Bjarne Örn Hansen (IP-tala skráð) 17.9.2014 kl. 08:13]

Steini, orðið Eyja ... með j, beigist Eyja, um Eyju, frá Eyju, til Eyjar ... ekki Eya, um Eynna, frá Eynni, til Eynnar ... orðið er einnig kvenkyns. Og orðið Ytri, er komið af Utar, og t-ið breytist i blásið D, eða Ð, og verður Yðsti klettur.

[Þorsteinn Briem, 17.9.2014 kl. 10:32]

Eyin um eyna frá eynni eða eyjunni til eyjarinnar, Bjarne Örn Hansen.

Ey

Hins vegar eyjan, um eyjuna, frá eyjunni til eyjunnar.

Eyja

Eitt sinn bjó ég í Hrísey og faðir minn í Heimaey.

Og Ystiklettur var áður ritað Yztiklettur.