Mín tegund af maraþonhlaupi.

Fyrir ellefu árum bannaði læknir mér að hlaupa, af því að ég hefði gert of mikið af því um ævina og hnén að nálgast bein í bein. Í staðinn hef ég læðst hratt í hlaupum upp stiga. 

En einhvern veginn er þetta árstíminn þegar það er ástæða til að takast á við einhverja áskorun, sem er í svipuðum dúr og erfitt langhlaup. 

Og það ætla ég að reyna eins og í fyrra. 

Í fyrra fór ég af stað 18. ágúst á rafhjólinu Sörla á leið frá Akureyri til Reykjavíkur til að sýna fram á yfirburði rafaflsins hvað snerti orkukostnað, sem var aðeins 115 krónur.

Á myndinni er Sörli að blása mæðinni í Bakkaselsbrekkunni. 

 

Nú er ætlunin að fara í fyrramálið frá Ráðhúsi Reykjavíkur til Ráðhústorgsins á Akureyri á minna en sex klukkustundum á létta bifhjólinu ( "vespuhjól") Létti, sem er með einkanúmerinu EDRÚ. 

( Léttir Jóns Ásgeirssonar á Þingeyrum var annar tveggja frægustu gæðinga Íslandssögunnar og afburða skeiðhestur ) til að sýna fram á yfirburði þessara vespuhjóla, sem geta haldið þjóðvegahraða en eru með minnst þrisvar sinnum minni orkukostnað og heildarrekstrarkostnað en ódýrustu bílar.

Geysivinsæl í Evrópu, þarf ekki mótorhjólapróf, 15 ára aldur nægir, og fleiri fríðindi.

Takmarkið er að eyða ekki meira en 10 lítrum samtals á leiðinni, þrátt fyrir þjóðvegahraða, ( 2,5 á hundraðið) og að orkukostnaðurinn verði minni en 1900 krónur á þessari leið.

Ef vel gengur kannski haldið áfram austur hringveginn og gert fleira í sama dúr. Þetta verkefni er í þágu umhverfismála en í ár hef ég verið með annað stórt verkefni, sem er í þágu íslenskrar náttúru og ber heitið "Hróður lands og þjóðar"

Ég er nú að leggja lokahönd á síðustu lögin af 16 nýjum lögum af 52 lögum um náttúru Íslands, land og þjóðlíf, sem stefnt er að að gefa út í hljómdiskaalbúmi til að vekja athygli á hugmyndinni um stóran þjóðgarð á hálendi Íslands undir ofangreindu heiti.

Þetta verkefni kostar tíma, vinnu og fé og róðurinn er þungur. Hægt verður að fylgjast með vespuhjólinu Létti á morgun með því að fara inn á slóðina   life. @ at.is   

Ef einhverjir vilja heita á verkefnið "Hróður lands og þjóðar" eru þetta upplýsingarnar: 

0130 26 160940  kt. 160940 4929 

Ómar Ragnarsson, Fróðengi 7, 112 Reykjavík. 

Dagarnir fyrir hlaup skipta miklu máli

Athugasemdir

[Þorsteinn Briem, 17.8.2016 kl. 18:40]

Glæsilegt og gangi þér vel, Ómar minn.

[Már Elíson, 17.8.2016 kl. 20:36]

Vel gert hjá þér, Ómar - Þú sannar það æ oftar að allt er fertugum fært...eða þannig. - Gangi þér vel.

[Haukur Kristinsson (IP-tala skráð) 17.8.2016 kl. 20:53]

Ómar er engum líkur.

[Lalli varamaður (IP-tala skráð) 17.8.2016 kl. 21:42]

Ólympíkskar dýfur:

Ingiríður sig  ýfði,

og ekki Givönnu hlífði,

frá miðnætti lon og don,

lá hún í maraþon,

með Pedró sem réri - og dýfði...

http://www.mbl.is/folk/frettir/2016/08/17/osaetti_eftir_maratho

[Sigurður Andrés Jónsson, 18.8.2016 kl. 01:48]

Gott mal. Geturdu valid um gira eda ertu bara ad nota einn gir,svona eins og snjosledar?

[Sumarliði Einar Daðason, 18.8.2016 kl. 12:00]

Flottur. Mér finnst að Landsvirkjun og Landsnet ættu að vera skyldug að lesa pistla þína um raforkuafl til þess að ferðast á milli A til B. Sérstaklega með hliðsjón af því hvernig bílar og aðrir farakostir stefna í að vera innan 10-20 ára. Í sumum löndum er verið að tala um bara 5 ár.

[Þorsteinn Briem, 18.8.2016 kl. 16:45]

VW to debut 300-mile EV at Paris motor show next month

[Þorsteinn Briem, 18.8.2016 kl. 17:05]

Fylgjast má með staðsetningu Ómars hér (þysja þarf út á kortinu til að finna hann).

[Þorsteinn Briem, 18.8.2016 kl. 19:53]

Óttinn við drægi rafbíla ofmetinn

[Þorsteinn Briem, 20.8.2016 kl. 16:54]

Gæti tvöfaldað endingu rafhlaðna