"Eitrað peð" áfram.

Sterkar og afgerandi persónur, sem gustar að, hafa löngum getað dregið að sér fylgi í stjórnmálum og gert jafnvel ótrúlega hluti á mettíma, svo sem að stofna stjórnmálaflokka sem sópar að.

Nefna má dæmi eins og Albert Guðmundsson og Borgaraflokk hans, Vilmund Gylfason og Bandalag jafnaðarmanna og Jóhönnu Sigurðardóttur og Þjóðvaka. 

Það kom mörgum á óvart þegar liðsfólk Sigmundar Davíðs Gunnlaugssonar stofnaði Miðflokkinn á mettíma fyrir síðustu kosningar og kræktu í 10 prósenta fylgi. 

En rétt eins og að Framsóknarflokkurinn með Sigmund Davíð innaborðs kom aldrei til umræðu í stjórnarmyndunarviðræðum eftir kosningarnar í fyrra, hefur Miðflokkurinn verið í svipaðri stöðu nú. 

Ástæðan er einföld og að ýmsu leyti grátleg, staðföst ítrekun SDG á því að á Tortóla sé virt og viðurkennd fjármálastarfsemi og að það hafi verið fullkomlega eðlilegt að hann leyndi því, eftir að hafa byrjað á að tala um Tortólu sem skattaskjól í heimsfrægu viðtali, að hann hefði í raun verið beggja vegna borðsins í viðskiptum og samningum íslenska ríkisins, sem hann var í forsæti fyrir, við "hrægamma", "vogunarsjóði" og skylda aðila. 

Af þessum sökum er hver sá flokkur, sem hann er í, eins konar "eitrað peð" í stjórnarmyndunarviðræðum. 

Hér að ofan var notað orðið "grátlegt" um þetta. Því að það er bagalegt þegar jafn öflugur stjórnmálamaður og Sigmundur ´Davíð vissulega er, lætur jafn einfalda en afdrifaríka afneitun sína loka dyrum fyrir sér.  

Píratar útiloka Miðflokkinn

Athugasemdir

[RAGNHILDUR H. (IP-tala skráð) 11.11.2017 kl. 21:25]

það eru ornir sorglega aumkvunarverðir  þeir menn og konur sem enn skrifa svona pistla um SDG  ..OG það er i raun ekkert annað eftir en hann viðurkenni að hann hafi stolið arfi konu sinnar og farið með til Tortóla og komið þeim þar i skattaskjól svo menn seu ánægðir ?  þó allt se nu sannað og hreinsað og ofgreiddur skattur þeirra hjona hafi verið leiðrettur !    ómar veit að þú er gamall eins og eg en eg er ekkert farin að kalka en svei mer þá ,held að þú sert það   ...og hættu svo þessari vitleysu þer til minnkunar     

[Hörður Þormar (IP-tala skráð) 11.11.2017 kl. 22:34]

Ég, um mig, frá mér, til mín!

SDG.

[Jón Ólafur (IP-tala skráð) 11.11.2017 kl. 23:08]

þetta var fyrirfram greiddur arfur, sem Anna Sigurlaug fékk frá foreldrum sínum, talið fram á Íslandi, og borgaðir skattar af þessum fjármunum á Íslandi frá fyrsta degi,og allar götur síðan, þetta hefur allt verið staðfest af skattayfirvöldum, Sigmundur átti aldrei neitt í þessum fjármunum, þetta veist þú Ómar. Það var fyrir mistök Landsbankans í London að nafn Sigmundar fór á þessi skjöl, og leiðrétt síðan af Landsbankanum með 1$ afsali.                   Það voru fjölmargir Íslendingar sem áttu kröfur á bankana þegar samið var við     Hrægammana og ekkert eðlilegra en fólk reindi að fá fjámuni sína til baka, að halda því fram að þessvegna hafi menn setið beggja vegna borðs er barnalegt. Reindu nú að komast frá þessari þráhyggju Ómar gagnvart SDG, því hann átti aldrei neitt í þessum fjármunum.                                                Ertu kanski búinn að gleyma Skjaldborginni um heimili landsmanna, sem þitt fólk Jóhanna og Steingrímur J lofuðu að reyst yrði um heimili landsmanna,9000 heimili borin út af heimilum sínum, mestu efnahagsmistök í Íslandssögunni að taka ekki vísitöluna úr sambandi strax eftir Hrun. Og 3-4 miljarðar bornir í starfsfólk Landsbankans til að þeir hertu sem mest þeir mættu innheimtu hjá þessum heimilum, í minni sveit kallast þetta mútur, og allt samþykkt af Jóhönnu og Steigrími J.               

[Birgir Gudjonsson (IP-tala skráð) 11.11.2017 kl. 23:22]

Fólk vill bara muna gott um sína.

Ómar er ekkert öðruvísi.

[Daníel Sigurðsson, 12.11.2017 kl. 01:46]

Ómar brígslar SDG um afneitun en virðist ekki átta sig á því að hann er sjálfur í forhertri afneitun að viðurkenna ekki staðreindirnar sem nú hafa komið fram um sakleysi  SDG í þeim makalsusu áskökunum sem á hann voru bornar.

Og af hverju að að gera minna úr sigri SDG en efni standa tll?  Miðflokkurinn krækti í tæp 11 prósenta fylgi en ekki 10 prósnt eins og Ómar skrifar.  Eða skrifast þetta bara á ónákvæmni?  Já, hvað munar svo sem um einn kepp í sláturtíðinni?  Það er samt alltaf betra að halda sér við staðreyndirnar og reyna að vanda sig.

[Grímur (IP-tala skráð) 12.11.2017 kl. 03:10]

10% þjóðarinn kaus SDG og vildu að þetta "eitraða peð" kæmi að stjórn landsins

en vilji þessa fólks er víst einskis virði í augum sumra

[Þorsteinn Briem, 12.11.2017 kl. 08:16]

31.3.2016:

"Eiríkur Elís Þorláksson lektor við lagadeild Háskólans í Reykjavík segir það ekki breyta neinu varðandi meint vanhæfi þó ráðherrann hafi unnið gegn hagsmunum konu sinnar."

"Þá skipti það heldur ekki máli að umræddar eignir séu séreign eiginkonunnar, vanhæfið, sé það til staðar, sé hið sama, enda sé hún það tengd honum að vanhæfisreglur eigi við um hann sem ráðherra."

"Eiríkur Elís segir að umræðan um málið hvað varði vanhæfið hafi verið á verulegum villigötum.

Þannig hafi aðstæður verið bornar saman við það að allir alþingismenn hefðu þá verið vanhæfir í sumum málum tengdum hruninu, til dæmis þegar ákveðið var að gera innistæður í bönkum að forgangskröfum.

Þessu sé gjörólíku saman að jafna við mál forsætisráðherra. Hæfisreglur varðandi alþingismenn séu af allt öðrum toga.

Þannig verði alþingismenn aðeins vanhæfir í málum þar sem um er að ræða fjárveitingar til þeirra sjálfra."

"Eiríkur Elís bendir á að forsætisráðherra væri því ekki vanhæfur til að fjalla um málið sem alþingismaður.

Hins vegar hafi hann gert það sem forsætisráðherra og þar gildi hæfisreglur stjórnsýslunnar sem séu miklu strangari en hæfisreglur alþingismanna og svipi hæfisreglum sem gildi um ráðherra raunar til hæfisreglna dómara."

"Samkvæmt upplýsingum frá embætti ríkisskattstjóra eru hjón samsköttuð óháð því hvort annað hjónanna á eignir en hitt ekki. Þau séu sameiginlega ábyrg gagnvart skattayfirvöldum."

Hæfi ræðst ekki af vinnu gegn kröfuhöfum - Eiríkur Elís Þorláksson lektor við lagadeild Háskólans í Reykjavík

[Þorsteinn Briem, 12.11.2017 kl. 08:19]

12.11.2014:

"Sann­ar­lega er þetta ljós­ár­um frá því sem Fram­sókn­ar­flokk­ur­inn lofaði fólkinu í land­inu.

Rúm­lega helm­ing­ur heim­ila fær ekki neitt.

Og inn­an við helm­ing­ur­inn fær að meðaltali rúm­lega 8.000 króna lækk­un af afborg­un á mánuði.

Það er ekki upprisa millistétt­ar­inn­ar, það eru eng­ir 300 millj­arðar og það er ekki 20%."

"Og 30% fara til fólks sem á yfir 25 millj­ón­ir króna í hreinni eign í íbúðarhús­næði sínu."

"Ætl­un stjórn­valda er að láta heim­il­in sjálf borga skuldaniðurfærsl­una með því að lækka lán þeirra um 5% en hækka mat­ar­verð um 5% með hækk­un á matarskatti og með því að lækka vaxta­bæt­ur um 14 millj­arða króna frá því sem var árið 2011."

"Og 30 þúsund heimili á leigu­markaði fá ekki neitt."

Réttlæti á hvolfi

[Þorsteinn Briem, 12.11.2017 kl. 08:22]

9.4.2014:

"Nú hafa stærstu efndir sögunnar á kosningaloforði litið dagsins ljós.

Forsætisráðherra greip til þess að nota pizzur til að útskýra fyrir fólki hvernig það ætti að nálgast efndirnar.

Hann hefði alveg getað haldið áfram með pizzurnar til að gera fólki grein fyrir upphæðum efndanna.

Samkvæmt tölum (fjölda heimila sem eiga rétt á leiðréttingu deilt í 72 milljarða) lækkar húsnæðisskuld meðalheimilis um 1 milljón.

Afborgun af hverri milljón í verðtryggðu húsnæðisláni til langs tíma er u.þ.b. 5 þúsund á mánuði sem dugir fyrir 2 vænum pizzum.

En, æ, skuldin lækkar bara um þriðjung úr milljón fyrsta árið sem gerir bara eina litla pizzu á mánuði.

Reiknað er með að fólk geti sótt þessa pizzu nú í desember sem er ekki nema einu og hálfu ári seinna en lofað var.

Og strax ári seinna dugir lækkunin fyrir 2 litlum pizzum.

Það eru vandfundnar stærri efndir á kosningaloforði."

Tvær pizzur á mánuði

[Þorsteinn Briem, 12.11.2017 kl. 08:23]

Pítsan er komin - Myndband

[Þorsteinn Briem, 12.11.2017 kl. 08:24]

There is no such thing as a free pizza

[Þorsteinn Briem, 12.11.2017 kl. 08:27]

Steini Briem, 13.11.2014:

Hvar er afnám verðtryggingar?

Hvar er vaxtalækkunin?

Hvar er afnám gjaldeyrishafta?

Hvar er lækkunin á bensíngjaldinu?

Hvar eru álverin á Húsavík og í Helguvík?

Hvar er hækkunin á öllum bótum öryrkja og aldraðra?

Hvar er lækkunin á skuldum ríkissjóðs?

Hvar er áburðarverksmiðja Framsóknarflokksins?

Hvar er þetta og hitt?

Ég er viss um að það var hér allt í gær.

[Þorsteinn Briem, 12.11.2017 kl. 08:31]

Árið 2007:

Framsóknarflokkurinn - Árangur áfram, ekkert stopp!

Árið 2008:

Guð blessi Ísland!

[Þorsteinn Briem, 12.11.2017 kl. 08:34]

Steini Briem, 13.9.2016:

Hér á Íslandi hefur verið mesta verðbólga í Evrópu, hæsta matvælaverð í Evrópu og miklu hærri vextir en á evrusvæðinu.

Stýrivextir Seðlabanka Íslands hafa verið miklu hærri en á evrusvæðinu og voru komnir í 13,3% í júní 2007, 15,5% í maí 2008 og 18% í október 2008.

Og verðbólgan var 18,6% í janúar 2009, þegar Davíð Oddsson var ennþá bankastjóri Seðlabankans.

Stýrivextir hérlendis og á evrusvæðinu 2002-2007

[Þorsteinn Briem, 12.11.2017 kl. 08:39]

9.3.2008 (fyrir Hrunið hér á Íslandi haustið 2008):

Íslendingar skulda mest í heimi

Heildarskuldir íslenskra fyrirtækja í árslok 2008 voru að sögn Ríkisskattstjóra 22.675 milljarðar króna, andvirði 170 Kárahnjúkavirkjana.

20.8.2009:

"Skuldir íslenskra heimila sem hlutfall af ráðstöfunartekjum voru 272% um síðustu áramót [í árslok 2008] en til samanburðar var þetta hlutfall 178% árið 2000 og hefur því hækkað um 94%."

Skuldir íslenskra heimila sem hlutfall af ráðstöfunartekjum tvöfalt meiri en spænskra heimila

[Þorsteinn Briem, 12.11.2017 kl. 08:40]

Verðbólga hér á Íslandi í janúar 2009: 18,6%.

Verðbólga hér á Íslandi í apríl 2013: 3,3%.

Hagvöxtur hér á Íslandi árið 2009: Mínus 6,7%.

Hagvöxtur hér á Íslandi árið 2012: Plús 1,4%.

Halli á ríkissjóði Íslands árið 2008: 216 milljarðar króna.

Halli á ríkissjóði Íslands árið 2012: 36 milljarðar króna.

[Þorsteinn Briem, 12.11.2017 kl. 08:46]

Steini Briem, 23.11.2014:

Sjálfstæðisflokkurinn og Framsóknarflokkurinn gapa nú mjög um hagvöxt hér á Íslandi síðastliðin ár en útflutningur á þjónustu hefur skapað þann hagvöxt.

Framsóknarflokkurinn og Sjálfstæðisflokkurinn hafa ekkert gert til að skapa þennan hagvöxt, heldur þvert á móti gapað af mikilli lítilsvirðingu um ferðaþjónustu hér á Íslandi.

27.9.2015:

"Ef ferðaþjónustan hefði ekki komið til væri hagsveiflan sennilega á enda, þar sem vöruskiptajöfnuður er orðinn neikvæður á nýjan leik.

Ferðaþjónustan hefur gegnt algjöru lykilhlutverki í að byggja upp gjaldeyrisforða Seðlabankans."

Ásgeir Jónsson hagfræðingur útskýrir það sem er að gerast í íslenska hagkerfinu

Auknar fjárveitingar ríkisins til Landspítalans, háskólanna og vegagerðar koma frá ferðaþjónustunni.

27.11.2014:

Hagvöxturinn byggist á vexti ferðaþjónustunnar

[Þorsteinn Briem, 12.11.2017 kl. 08:58]

Í gær:

"Svo­lítið merki­legt að hlusta á formann Miðflokks­ins lýsa því yfir að hann vilji gjarn­an vinna með Fram­sókn­ar­flokkn­um í rík­is­stjórn - sami maður og vildi ekki vinna með þing­flokki Fram­sókn­ar­flokks­ins á Alþingi í heilt ár ...og sami maður sem sagði sig úr Fram­sókn­ar­flokkn­um og stofnaði nýj­an flokk svo hann gæti fengið að vera formaður í friði."

Þetta seg­ir Silja Dögg Gunn­ars­dótt­ir, fyrr­ver­andi þingmaður Fram­sókn­ar­flokks­ins, á Face­book-síðu sinni og bein­ir þar spjót­um sín­um að Sig­mundi Davíð Gunn­laugs­syni, for­manni Miðflokks­ins.

Hún furðar sig enn frem­ur á tali um per­sónu­leg­an ágrein­ing á milli Sig­urðar Inga Jó­hanns­son­ar, for­manns Fram­sókn­ar­flokks­ins, og Sig­mund­ar Davíðs."

Meira en persónulegur ágreiningur

[Jónas Gunnlaugsson, 12.11.2017 kl. 09:57]

Við þurfum alltaf að vita hver borgar kostnaðinn.

Hver borgar blaðamanninum launin.

Bankarnir fengu alltaf þá niðurstöðu sem þeir óskuðu eftir hjá matsfyrirtækjunum.

Blaðamaðurinn skrifar fyrir þann, sem borgar honum launin.

Sagt var að New World Order, borgaði 100 miljarða dollara, fyrir skrif og rannsóknir sem styddu og kynntu það að „hlýnun væri af manna völdum.“

Sá sem skrifaði, og rannsakað til að komast að hinu sanna, fékk ekki neitt.

Svo erum við að skrifa um málefnin, eftir því sem okkur sýnist  skinsamlegast.

Það er aldrei hægt að fá blaðamanninn til að breyta sínum skrifum, hann er aðeins að vinna fyrir brauði sínu.

Að þessu athuguðu, Þá ætti sá sem fær á einhvern hátt hlunnindi, eða greiðslu fyrir skrifin sín, eða rannsóknir, að geta þess með skrifunum.

Röngum fullyrðingum verður alltaf að svara. Því að annars fer fólkið að trúa röngum upplýsingum.

Þjóðfélagið er rekið á fölsuðum upplýsingum.

slóð

Jafn vel er stórmál, að fá fólkið til að trúa því að Guð sé ekki til.

Ef þú ætlar að afvegleiða fólkið, þá verður þú að rjúfa samband fólksins við sannleikann.

Þannig er lítið gert með rannsóknir á því, þegar fólk deyr, og snýr svo aftur til lífsins, og segir af reynslu sinni.

Þá segir fólkið oft frá því, að það hafi svifið yfir læknunum, og lýsir öllu sem þar var að gerast, þótt hjartað væri hætt að slá og læknarnir búnir að gefa upp alla von.

Einnig lýsir fólkið því nákvæmlega, hvað vinir og vandamenn voru að gera í öðrum hluta spítalans.

Það átti ekki að vera möguleiki fyrir lifandi mann, og hvað þá dauðann, að fylgjast með fólkinu.

Ef maðurinn, þegar hann fer úr líkamanum, getur fylgst með umhverfi sínu og þá  einnig í fjarlægum herbergjum, þá verðum við að skoða hvernig á því stendur.

Oft hefur það komið fyrir að á dauðastund, þá mætir maðurinn þeim sem hann hefur misgert við í lífinu.

Þá er hjúkrunarfólki bannað að segja frá því.

Jafnvel er sett tilkynning, áminning í fjölmiðla, útvarp, til að stöðva slíkt tal.

Þá hefur frekar verið um stórpólitísk mál að ræða.

Auðvitað er Guð til.

slóð 

Hér hef ég farið út um víðan völl, en hvað um það, ég bið ykkur vel að lifa.

Egilsstaðir, 12.11.2017  Jónas Gunnlaugsson