Vonandi ekki sápuópera eða leðjuslagur í talningarmálinuú

Á fyrstu stigum talningarmálsins í Borgarnesi á dögunum virtust flest atriði benda til þess að hægt væri að komast að sæmilegri niðurstöðu sem byggðist á staðreyndum, sem kæmu fram í rannsókn þess og málarekstrinu. 

Nú eru að vera liðnar fjórar vikur frá kosningunum og því miður er kominn eins konar sápuóperu- eða leðjuslagskeimur af ýmsu. 

Svo sem misvísandi álit deiluaðila á því hvort kjörgögnin hafi verið sýnileg á vefmyndavélum allan tímann þannig að hægt sé að skoða það eftir á með óyggjandi hætti hvort einhver hafi komist í tæri við þau. 

Nú ber mönnum ekki einu sinni saman um það, að enda þótt ekki væri farið eftir ákvæðum um að innsigla kjörkassana, hafi í einu ög öllu verið farið að lögum.  

Málið stefnir stöðugt í þá átt að verða æ einstæðara, enda hefur verið nefnt í því samhengi, að líkurnar á því að hið dæmalausa og umfangsmikla dómínófyrirbrigði færi í gang væru einhverjar þær einstæðustu sem gætu átt sér stað. 

Ingi svarar: Órökstuddar aðdróttanir

Athugasemdir

[Guðmundur Ásgeirsson, 21.10.2021 kl. 22:26]

Kjörgögnin voru utan sjónsviðs myndavélanna eins og sést vel á þeim upptökum sem liggja fyrir í málinu. Ekkert er óljóst við það.

[Ómar Ragnarsson, 22.10.2021 kl. 00:41]

Spurningin um það hvort tæknilega hafi verið hægt fyrir einhvern að fara inn í salinn að kjörgögnunum án þess að það kæmi inn í sjónsvið vélanna er grundvallar spurning, ekki satt?

[Guðmundur Ásgeirsson, 22.10.2021 kl. 00:47]

Tæknilega var það hægt, en ekki virðist vera hægt að sanna að það hafi raunverulega verið gert og þar stendur hnífurinn í kúnni.